Янъы Къапу

Янъы Къапу, Русиеде Красноперекопск (украиндже Яни Капу, русча Красноперекопск) – шималий Къырымда бир шеэр, Красноперекопск районынынъ мемурий меркези, лякин озю район теркибине кирмейип джумхуриетке бойсунгъан 11 шеэрден бирисидир.

шеэр

Янъы Къапу/Красноперекопск
ukr. Яни Капу
rus. Красноперекопск

Байракъ	Тугъра
Байракъ	Тугъра

Мемлекет	Русие/Украина^[1]
Регион	Къырым Мухтар Джумхуриети^[2]/Къырым Джумхуриети^[3]
Шеэр шурасы	Красноперекопск шеэр шурасы
Джогърафий координаталар	Координатлар: 45°58′03″ ш. э. 33°48′01″ ш. б. / 45.9675° ш. э. 33.800278° ш. б. ^(G) ^(О) ^(Я)45.9675, 33.80027845°58′03″ ш. э. 33°48′01″ ш. б. / 45.9675° ш. э. 33.800278° ш. б. ^(G) ^(О) ^(Я)
Темели къоюлгъан тарихы	1932 сенеси
Мейданлыкъ	22 км²
Юксеклик	5 м (денъизге нисбетен)
Эали	25.569 киши (2021)^[4]
Эали сыкълыгъы	1162,23 киши/км²
Саат къушагъы	UTC+3
Телефон коду	+380-6565
Почта индекслери	296000 — 296005

Янъы Къапу/Красноперекопск

Викианбарда Янъы Къапу/Красноперекопск

Джогърафия

Шеэр Ор бойнунынъ дженюбий къысмында булуна. Акъмесджиттен шимальге таба автомобиль ёлунда 124 км къадар узакълыкътадыр. Янъы Къапунынъ янында Шималь-Къырым каналынынъ сувлары кече. Шеэрнинъ мейданлыгъы - 2241,98 км².

Иклим

Иклим ярым сахралыкъ, сыджакъ, орта йымшакъ къышлы. Январьнинъ орта арарети –1,4°Дж, июльнинъ +27,3°Дж. Йыллыкъ ягъанакълар севиеси — 301 мм.

Тарих

1932 с. — Янъы Бромзавод къасабасы мейдангъа кельди.
1936 с. — Гражданлыкъ дженки вакътындаки Ор бойнунда олгъан Перекоп дёгюши шерефине къасабанынъ ады Красно-Перекопск деп къоюлды.
1966 с. — Къасабагъа шеэр статусы берильди^[5].

Эали

Шеэрнинъ эалиси - 31 800 киши (2001 с.), бу джумледен:

руслар — 16 561 киши (50 %);
украинлер — 13 602 киши (41 %);
къырымтатарлар — 1 121 киши (3 %);
башкъа миллет векиллери — 6 %^[6].

Менбалар

↑ Бу мескюн ер Русие ве Украина арасында чатышувгъа себеп олгъан Къырым ярымадасында булуна. Къырымны де-факто идаре эткен Русиенинъ къанунларына коре ярымадада булунгъан Къырым Джумхуриети ве Акъьяр федерал эмиетли шеэри - Русие теркибиндеки эки федерация субъектидир. Украина къанунларына коре ярымадада Украина теркибиндеки Къырым Мухтар Джумхуриети ве Акъьяр махсус статуслы шеэри булуна.
↑ Украина къанунларына коре.
↑ Русие къанунларына коре.
↑ Итоги Всероссийской переписи населения 2020 года (по состоянию на 1 октября 2021 года) (рус.)
↑ Тарих шеэр шурасынынъ ресмий сайтында 8 сентябрьнинъ 2009 с. архивленген.
↑ Дністрянський М. С. Етнополітична географія України. Львів: Літопис, 2006. С.452-453.

Багълантылар

Янъы Къапу шеэр шурасынынъ ресмий сайты 9 сентябрьнинъ 2009 с. архивленген.

[npcrimea-1] Бу мескюн ер Русие ве Украина арасында чатышувгъа себеп олгъан Къырым ярымадасында булуна. Къырымны де-факто идаре эткен Русиенинъ къанунларына коре ярымадада булунгъан Къырым Джумхуриети ве Акъьяр федерал эмиетли шеэри - Русие теркибиндеки эки федерация субъектидир. Украина къанунларына коре ярымадада Украина теркибиндеки Къырым Мухтар Джумхуриети ве Акъьяр махсус статуслы шеэри булуна.

[qırım-ukraina-2] Украина къанунларына коре.

[qırım-rusiye-3] Русие къанунларына коре.

[_10bc0d189fe0d4a4-4] Итоги Всероссийской переписи населения 2020 года (по состоянию на 1 октября 2021 года) (рус.)

[5] Тарих шеэр шурасынынъ ресмий сайтында 8 сентябрьнинъ 2009 с. архивленген.

[nac-6] Дністрянський М. С. Етнополітична географія України. Львів: Літопис, 2006. С.452-453.

[1]

[2]

[3]

[4]

[5]

[6]