Riberbula
![](http://upload.wikimedia.org/wikipedia/commons/thumb/b/b7/Jew%27s_harp.jpg/250px-Jew%27s_harp.jpg)
![](http://upload.wikimedia.org/wikipedia/commons/thumb/6/6d/Marranzano.jpg/200px-Marranzano.jpg)
A riberbula (o riverbula) hè un strumentu musicale tipicu di a musica folclorica. Issu strumentu hè statu in usu in parechji paesi, in particulari in Europa meridiunale in Asia, in Indunesia è in Melanesia. In Sicilia in particulare, a riberbula si chjama "marranzanu". Di fatti, a riberbula hè antica antica, è hè cunsiderata cum'è unu di i sturmenti più antichi di u mondu.
Si cumpone di un arcu metallicu curvu è rigidu, guasi cumpletamente chjusu, è di diamitru variabile, tra 4 è 7 centimetri, di una linguetta metallica fina, azziunata incu u ditu, vicinu à a bocca, chì serve da cascia sunora.
In Corsica
[mudificà | edità a fonte]A riberbula hè unu di i Strumenti musicali di Corsica. In i tempi, a riberbula era fabbricata da i stazzunaghji. A riberbula era pupulare è usata in tutta a Corsica, in particulare da i mulatteri è da i pastori. Era l'usu di fabbricà dinù una scatula per pruteghje la. 'Ssa scatula era fatta di scopa. Si vindia anche in l'annu 1960.
À i tempi d'oghje, a riberbula hè fabricata di manera industriale.
A riberbula hè ancu chjamata in corsu riebula, rivergula o riberbera.
Ligami
[mudificà | edità a fonte]- The world's most complete Jew's Harp Collection
- A Riberbula, Scola di Monticellu
- I strumenti musicali tradiziunali di Corsica - Musicorsica
Da vede dinò
[mudificà | edità a fonte]
I strumenti musicali di Corsica |
Caramusa - Cetera- Cialamella - Mandulina - Pirula - Pifana - Riberbula - Sunaglieri - Timpanu - Urganettu |