Алейников, Александр Георгиевич

Александр Георгиевич Алейников
Вина терахь	1913 шеран 5 (18) август
Вина меттиг	Саратовн губерни, Российн импери
Кхелхина терахь	1995 шеран март (81 шо)
Кхелхина меттиг:	Гуьмсе, Нохчийн Республика, Росси
Эскаран тайпа	пехота
Дарж	красноармеец, старшина
ТӀемаш	Сийлахь-Боккха Даймехкан тӀом
СовгӀаташ

Александр Георгиевич Алейников (1913 шеран 5 (18) август, Саратовн губерни — 1995 шеран март, Гуьмсе, Нохчийн Республика) — старшина, Сийлахь-Боккха Даймехкан тӀеман декъашхо, 3-гӀа Белорусски фронтан 43-гӀа армин 70-гӀа кхиссархойн дивизин 252-гӀа кхиссархойн полкан взводан куьйгалхо, Советски Союзан Турпал.

Биографи

Вина 1913 шеран 5 (18) августехь белхалон доьзаллехь. Иза оьрсий вара. 1949 шо дуьйна КПСС декъашхо. Цо Гуьмсехь йолу йукъаралин школа чекхйаьккхинчул Гуьмсера эчиг некъан станцин депохь болх бира. 1935—1937 шерашкахь иза ЦӀен Эскарехь вара.

1943 шерахь иза йуха а ЦӀен Эскаре дӀакхайкхира Коькчетаван областан Щучински райвоенкоматас. ТӀом бан волавелира гӀуданан батальонехь.

Сийлахь-Боккха Даймехкан тӀемтӀахь Алейников вара 1944 шеран октябрь дуьйна. 1945 шеран 5 апрелехь старшина Алейников массарелла хьалха мостагӀийн окопан чу а иккхина масийтта фашист а, мостагӀийн пулемёт а хӀаллакйира. Гросс-Фридрихсбергехь (Кёнигсберг уллехь) тӀом боьдуш хенахь Алейников хи дӀадохуьйту биргӀан тӀоьхулу шозлугӀа этаж тӀе а ваьлла шен шина накъостаца фашистан гранаташ чу а кхиссина уьш хӀаллакбира. 1945 шеран 11 апрелехь мостагӀий тӀелетча цунна чов йира, амма иза тӀеман йукъара ца велира.

1945 шеран 29 июнехь Алейникован Советски Союзан Турпал цӀе йелира.

ТӀом чекхбаьллча иза цӀавирзира. 1957 шо дуьйна иза вара Рубцовскехь йолу № 46 йолу гӀишлошйаран трестан № 1 йолу гӀишлошйаран урхаллин слесарь-ремонтхо болх беш. 1964 шо дуьйна Алейников Гуьмсехь болх беш вара. ДӀавоьллина Гуьмсехь.

СовгӀаташ

• Советски Союзан Турпал (1945 шеран 29 июнь);
• Ленинан Орден (1945 шеран 29 июнь);
• Шиъ ЦӀен Байракхан орден (1945 шеран 8 апрель а, 9 апрель а);
• 1-ра даржан Сийлахь-Боккха Даймехкан тӀеман орден (1985 шеран 11 март);
• 1-ра даржан Сийлахь-Боккха Даймехкан тӀеман орден (1945 шеран 17 март);
• 3-гӀа даржан Силаллийн орден (1944 шеран 18 декабрь);
• мидалш.

Дагахлаттавар

Рубцовскехь йолу Толаман Паркехь Турпалхойн Аллейхь дӀахӀоттийна Александр Алейникован сурт.

1996 шарахь А. Г. Алейникован цӀе тиллина Дон-тӀера-Ростовехь болуш болу ураман.

Алейникован цӀе тиллина Гуьмсехь болу ураман.

Литература

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.

Хьажоргаш

•  Алейников, Александр Георгиевич (бил-боцу.). Cайт «Пачхьалкхан турпалхой».
• Алейников Александр Георгиевич [18.08.1913] (бил-боцу.). Люди и Книги. ТӀекхочу дата: 2015 шеран 11 август.
• Павловская И. С. Алейников Александр Георгиевич (бил-боцу.). Виртуальная выставка. Библиотечная информационная система. ТӀекхочу дата: 2015 шеран 11 август.
• Герои Советского Союза. Воины 43-ей Армии Архивйина 2021-10-17 — Wayback Machine (ТӀе цакхочу хьажорг) Теллина 2015 августехь 11.
• Воины Алтайского края в штрафных частях ПАВШИЕ(ТӀе цакхочу хьажорг) (ТӀе цакхочу хьажорг) Теллина 2015 августехь 11.
• Планы по восстановлению железнодорожной инфраструктуры в Чеченской Республике.(ТӀе цакхочу хьажорг) (ТӀе цакхочу хьажорг) Теллина 2015 августехь 11.