Гиннессан рекордийн жайна

Зорбанан версис кхин гIо ца лоцу, таро йац кечаман гIалаташ латто, карлайаккха браузеран йукъайиллинарг, лелайе цуьнан меттана зорбатохаран браузеран функци сецначул тIаьхьа.

Гиннессан рекордийн жайна (ингалсан маттахь Guinness World Records) я Дерригдуьненан рекордийн книшка, Гиннессан дуьненан рекордийн жайна (инг. The Guinness Book of World Records (АЦШ) — хӀора шарахь арадолу куьйгалла ду. Адамийн а, дийнатийн а кхиамаш буьйцу оцу жайнехь, иштта башха Ӏаламан хиламаш а, шоу-бизнесан а, массийн хаамийн гӀирсашна а, оьздангаллин а кхиамаш чулоцу цо.

Юххьера арахецна 1955-чу шарахь «Гиннесс» цӀе йолчу йий арахоьцу компанино тӀедилларца. Жайна арахеца дагадеара Хью Биверан. Цунна лаьара Ирландер а, Британер а пабше оьху нахан тешаме хьост кхолла, хӀунда аьлча царна юккъахь тайп-тайпана рекордаш юьйцуш къийсамаш хуьлура. Хью Биверан ойла дахарехь кхочушъян аьтто белира Крис Чатэвэан а, МакУайртер вежарийн а. 1955-чу шарахь хьаьттан-беттан (августан) 27-чу дийнахь зорба тоьхна Жайнан хьалхара арахецар.

Хьалхарчу муьрехь «Гиннессан рекордийн жайне» йукъадогӀуш МакУайртерш гулдина бакъдерш бен дацара, амма хан-зама йаьлча Жайнан чулацам адамийн тамашена а, экстраваганте а кхиамашца алсамбелира.

Жайна зорба тухуш болу компанин векалш рекордаш хӀотто лууш болу нах йукъа а бохуьйтура, иштта цара билгалдаьккхира Гиннессан рекордийн жайнан дерригдуьненан де (лахьанан-беттан (ноябран) кхоалгӀачу кӀиран еарин де). ТӀаьхьайогӀучу хенахь зорбане девлира Жайнан леррина арахецарш а, кхечу мехкийн Жайнаш а.

Кеп-кепара хадабо Жайнан мах- алсама лакхара а, делахь а критика еш меттигаш хуьлу.

Книшкан агӀонашкахь дуьйцу, авторан бакъонца ларйеш йолу арахецаршна юккъахь, иза уггаре дукха духкуш жайна хилар. Иштта Америкин Цхьанатоьхначу Штаташкахь йукъараллин библиотекашкахь уггаре лечкъа йеш книшка ю иза.

2015-чу шеран арахецарца Жайнан кхузткъа шо кхечира.