Brieg (sant)
Reizh pe jener | paotr ![]() |
---|---|
Bro ar geodedouriezh | Rouantelezh Ceredigion, Kembre ![]() |
Deiziad ganedigezh | 460 ![]() |
Lec'h ganedigezh | Ceredigion ![]() |
Deiziad ar marv | 502 ![]() |
Lec'h ar marv | Sant-Brieg ![]() |
Yezhoù komzet pe skrivet | saozneg ![]() |
Micher | beleg katolik, eskob katolik ![]() |
Karg | abad ![]() |
Lec'h annez | Ceredigion ![]() |
Floruit | 5. century ![]() |
Relijion | Iliz katolik roman ![]() |
Stad ar c'hanonizasion | sant, sant katolik ![]() |
Gouel | 1añ Mae ![]() |
![](http://upload.wikimedia.org/wikipedia/commons/thumb/d/db/Saint_Brieuc.jpg/220px-Saint_Brieuc.jpg)
Brieg (409-502), Briog e kembraeg, eo anv ar manac'h, ha sant, deuet eus Kembre, en deus roet e anv da gêr Sant-Brieg, hag en deus krouet eskopti Sant-Brieg. D'ar 1añ a viz Mae emañ gouel ar sant.
Tud zo a soñj gante eo ar memes sant evel Briag (a gaver en anvioù-lec'hioù Sant-Briag ha Boulvriag) hag a zo brudet da vezañ deuet eus Iwerzhon; tud all a soñj ez int daou zen disheñvel, gant daou anv damheñvel.
Orin an anv
[kemmañ | kemmañ ar vammenn]Dont a ra an anv eus bri, gant an dibenn eg e brezhoneg, og e kembraeg. E brezhoneg kozh (pe kembraeg kozh) e oa awc: troet awc da euc (hag alese da eg) pe da og.
E vuhez
[kemmañ | kemmañ ar vammenn]Ganet eo war-dro ar bloavezh 409 e rouantelezh Ceredigion, a zo hiziv ur gontelezh eus Kembre. Paganed e oa e dud. Diskibl e voe d'ar Galian Jermen Auxerre, a zeuas da Enez Vreizh da brezeg. Pa voe echu e dro gantañ ez eas Brieg d'e heul da C'halia.
E 447 e voe beleget, ha mont a reas da avielañ Arvorig. Dilestrañ a reas, a-hervez, en Aber-Ac'h, ha sevel ur manati e Landreger. Diwezhatoc'h e treuzas Mor Breizh en-dro hag ez eas da avielañ tud Kembre.
Degouezhet war-dro 70 vloaz e tistroas da Arvorig hag e savas ur manati e genou ar stêr Goued, war un douar roet dezhañ gant ar c'hont Liwil, a oa kar dezhañ. Kreskiñ a reas ar manati, betek dont da vezañ ur gêr, kêr Sant-Brieg. Mervel a eure war-dro 502. War ar skeudennoù anezhañ en gweler gant teir yalc'h ouzh e c'houriz, evel arouez e vrokusted ouzh ar re baour.
Bezañ ec'h eo unan eus Seizh sant diazezer Breizh, hag enoret eo gant perc'herined Tro Breizh.
Lec'hioù arall
[kemmañ | kemmañ ar vammenn]- E Llandyfriog, e Kembre, e vije bet ur manati savet gant Brieg.
- Gantañ ivez eo bet savet parrez Saint Breock e Kernev-Veur.
- Ouzhpenn e kêr Sant-Brieg e kaver e anv: emañ ivez e-barzh anv parrez Brieg, e Kerne Izel, hag e Sant-Brieg-an-Ivin, e Bro-Roazhon.
- Ur gêr e Kanada, e Saskatchewan, a zo anvet Saint Brieux, dre ma'z eo bet savet gant divroidi eus Breizh.