Spagn Nevez
![](http://upload.wikimedia.org/wikipedia/commons/thumb/5/57/Map_of_the_Viceroyalty_of_New_Spain.svg/220px-Map_of_the_Viceroyalty_of_New_Spain.svg.png)
![](http://upload.wikimedia.org/wikipedia/commons/thumb/9/91/Mapa_del_Virreinato_de_la_Nueva_Espa%C3%B1a_%281819%29.svg/300px-Mapa_del_Virreinato_de_la_Nueva_Espa%C3%B1a_%281819%29.svg.png)
Spagn Nevez, pe « Nueva España » e spagnoleg, a oa ur rann eus impalaeriezh trevadennel Spagn, pe, resisoc'h, ur vesrouantelezh e dalc'h rouaned katolik Spagn, savet en 1525 en-ofisiel, hag a badas betek dizalc'hted Mec'hiko en 1821. A-wechoù e vez lavaret « Mec'hiko gozh » anezhi. Kentañ besroue e voe Antonio de Mendoza y Pacheco, hag e Ciudad de México e voe ar gêr-benn, e kêr gozh Tenochtitlan.
En em astenn a rae douaroù ar vesrouantelezh e Kreizamerika en he fezh, hogozik, eus Mec'hiko da harzoù kreisteiz Costa Rica, hag en hanternoz e douaroù zo bremañ e SUA, California, Arizona, New Mexico, Texas, ha betek er Filipinez er c'hornôg. Douaroù all a oa c'hoazh pelloc'h en hanternoz, evel an Oregon Country, met ne oant ket bevennet splann.
- Gwelout Proviñs Spagn Nevez.
Rannoù
[kemmañ | kemmañ ar vammenn]Rannet e oa ar vesrouantelezh etre rouantelezhioù ha kabiteniezhioù (capitanías generales). Sed anvioù ar rouantelezhioù:
- Nueva Galicia (1530);
- Guatemala (1540);
- Nueva Vizcaya (1562),
- Nuevo Reino de León (1569);
- Nuevo México (1598);
- Nueva Extremadura (1674)
- Nuevo Santander (1746).
Sed anvioù ar c'habiteniezhioù:
- Filipinas (1574);
- Cuba;
- Puerto Rico
- Santo Domingo.
Orin an anv
[kemmañ | kemmañ ar vammenn]Hernán Cortés an hini a ginnigas an anv-se en e eil lizher d'an impalaer Carlos Iañ Spagn ha d'ober Nueva España eus an douaroù ergerzhet ha sujet da gurunenn Spagn e-pad aloubidigezh an impalaeriezh aztek .