Inizi Tchagos
Inizi Tchagos pe Inizi Chagos (saozneg: Chagos Archipelago: LFE [ˈtʃɑːɡoʊs] pe [ˈtʃɑːɡəs]; Foalhavahi e dhivehieg, Phehandweep फेहंद्वीप e hindieg hag e yezhoù all Norzh India, Paeikaana Theevukal பேகான தீவுகள் e tamileg) a zo un enezeg perc'hennet gant ar Rouantelezh-Unanet, hag a ya d'ober, ent-politikel, Tiriad Meurvor Indez Breizh-Veur. Emaint er su da Inizi Maldivez, ur 500 km ac'haleshont, e Meurvor Indez. Seizh atoll a zo gant un tri-ugent enezenn bennak, hag ur bern kerreg kouralek all. Arc'het eo an enezeg gant Moris hag ivez gant ar Tchagosianed, an dud a oa o chom eno a-raok 1970. Er mare-se e oa bet dilec'hiet kement den eus an enezeg evit sevel ur bon amerikan bras-kenañ en enez pennañ Diego Garcia. Kaset e oa bet ar braz eus an enezourien da Enez-Voris.
