Eur hañv

Nevezamzer: Tremen eus an eur c'hoañv d'an eur hañv. Abredet e vez an eurieroù eus un eur, d'ar Sul diwezhañ eus miz Meurzh.

Diskaramzer: Tremen eus an eur hañv d'an eur c'hoañv. Lakaet e vez an eurieroù da goll un eur, d'ar Sul diwezhañ eus miz Meurzh.

An eur hañv a zo ur sistem a vez graet gantañ gant kalzik a vroioù eus an hantervoul norzh hag eus an hantervoul su. Graet e vez dre vras gant broioù eus an takadoù kerreizh e-lec'h ma'z eus kemm etre padelezh an deiz en hañv ha padelezh an deiz er goañv. E broioù Unaniezh Europa e vez graet ar cheñchamant d'ar Sul diwezhañ eus miz Meurzh ma vez abredet an eurieroù eus un eur (ne vez nemet 23 eurvezh en devezh-se). D’ar Sul diwezhañ eus miz Here e vez graet ar c'hontrol hag e vez pellaet an eurieroù eus un eur (en devezh-se e vez 25 eurvezh). A bep seurt abegoù a vez roet evit an dra-se. Unan eus an abegoù kentañ a oa espern petrol dre sklêrijenniñ nebeutoc'h. Bremañ e lakaer kentoc'h en a-raok an amzer sklêrijenn d'abardaez-noz evit an amzer vak hag evit ober e vad eus ar vakañsoù.

Unaniezh Europa

Abaoe 2002 e cheñch an holl vroioù e memes koulz.

Deiziadur ar cheñchamantoù eur en Europa.

Bloavezh	Tremen d'an eur hañv	Tremen d'an eur c'hoañv
	1 h eus WET da 2 h WEST 2 h eus CET da CEST 3 h eus EET da EEST	2 h eus WEST da 1 h WET 3 h eus CEST da 2 h CET 4 h eus EEST da 3 h EET
2002	31 a viz Meurzh	27 a viz Here
2003	30 a viz Meurzh	27 a viz Here
2004	28 a viz Meurzh	31 a viz Here
2005	27 a viz Meurzh	30 a viz Here
2006	26 a viz Meurzh	29 a viz Here
2007	25 a viz Meurzh	28 a viz Here
2008	30 a viz Meurzh	26 a viz Here
2009	29 a viz Meurzh	25 a viz Here
2010	28 a viz Meurzh	31 a viz Here
2011	27 a viz Meurzh	30 a viz Here
2012	25 a viz Meurzh	28 a viz Here
2013	31 a viz Meurzh	27 a viz Here
2014	30 a viz Meurzh	26 a viz Here
2015	29 a viz Meurzh	25 a viz Here
2016	27 a viz Meurzh	30 a viz Here
2017	26 a viz Meurzh	29 a viz Here
2018	25 a viz Meurzh	28 a viz Here
2019	31 a viz Meurzh	27 a viz Here
2020	29 a viz Meurzh	25 a viz Here

E glas, al lec'hioù ma vez heuliet sistem an eur hañv; en orañjez, al lec'hioù ma'z eus bet graet met ne vez ket graet ken; e ruz, n'eus ket bet graet gwech ebet eno.

Liammoù diavaez

• [1]