Laila Khalid
| Laila Khalid | |
|---|---|
 Laila Khalid dikudak 2009 | |
| Lahir | Laila Khalid 9 April 1944 (umur 80) Haifa, Palistina |
| Kawarganagaraan | Palistina |
| Alma mater | Universitas Beirut |
| Gawian | |
| Tahun aktip | 1969–sekarang |
| Pasangan | Citakan:Sarak |
| Anak | 2 |
Laila Khalid (diranakakan 9 April 1944) adalah bibinian panambayan matan Palistina nang membajak dua pasawat sawagai prutis parihal panjajahan Israil ka banuanya. Sidin tamasuk ka dalam angguta Barisan Rakyat gasan Pambibasan Palistina (PFLP).[1]
Kisah masa kanakan
Rahatan masih baumur 4 tahun, kikira tahun 1948, Laila sudah dipaksa maninggalakan rumahnya wan jadi pangungsi baimbaian duwa ribuan ikung nusia lainnya marga disarang Israil. Samunyaan kaluwarganya nang kacuali abahnya nang mamilih bagana gasan umpat bajuang, pindah ka Tyre, Lebanon.[2]
Rahatan baumur 15 tahun, Laila umpat bagabung lawan Garakan Nasiunalis Arab nang diahui George Habash. Tagal sawat maambil pandidikan kadukturan di Uniparsitas Amirika di Beirut (American University of Beirut), sidin katuju ka pulitik. Laila umpat ka PFLP nang didiriakan Habash imbah Patampuran Anam Hari rahatan tahun 1967. Sidin mangungsi imbahnya Israil marabuti kuta karanakan sidin pas partampuran 1948.
Aksi
Aksi panambayan digawi pas 29 Agustus 1969 nang manyasar Boeing 737 ampun maskapai Trans World Airlines banumur panarbangan 840 nang tarabang matan Roma ampah ka Athena. Sidin mamaksa pilot mandarat di Bandar Udara Antarbangsa Damaskus (Suriah) imbah tarabang di atas Haifa. Imbahnya samunyaan panumpang duwa awak pasawat turun, Laila wan timnya maladumakan pasawat ngitu.[1]
Laila sawat ditahan bubuhan aparat kaamanan Suriah. Imbah bibas, sidin lalu ai uprasi palastik gasan manabun idintitas sidin. Tagal, sidin manggawi pulang misi kadua sidin pas 6 September 1970, lawan lakian matan Nikaragua bangaran Patrick Arguello. Sidin badua mambajak pasawat banumur 219 nang tarabang matan Amsterdam ampah ka New York ampun maskapai Israil, El Al Nahas. Arguello mati ditimbak pulisi Israil, laumnnya Laila ditangkap lawan dua buting granat di tangan. Pasawat mandarat di Bandar Udara Heathrow, London. Laila dibibasakan tanggal 1 Oktober 1970 sawagai bagian dalam bahurupan tahanan.
Gawian
Laila imbahnya jadi angguta Dewan Nasional Palestina wan aktip di Forum Sosial Dunia. Imbahnya sarak lawan Duktur Fayez Rasyid, Laila diam lawan badua ikung anaknya (Badir wan Basyar) di Amman (Yordania). Sidin juwa mangajar basa Inggris di sakulah dasar duwa sakulah manangah panambayan di Kuwait.
Parihal sipat waninya sidin ngitu, Lina Makboul (sutradara matan Swedia) maulah pilim bakisah parihal hidup Laila nang bajudul: Leila Khaled the Hijacker (1005).[3]
Jujuhutan
- ^ a b "Laila Khalid:". koran.tempo.co (dalam bahasa Indonesia). Diakses tanggal 2023-11-03.
- ^ Hartono, Rudi (2011-02-15). "Laila Khalid, Pejuang Revolusioner Pembebasan Nasional Palestina". Berdikari (dalam bahasa Indonesia). Diakses tanggal 2023-11-03.
- ^ Ettachfini, Leila (2016-08-04). "'I Had to Be the Voice of Women': The First Female Hijacker Shares Her Story". Vice (dalam bahasa Inggris). Diakses tanggal 2023-11-03.