Daptar paawakan husus Pasarikatan Bangsa-Bangsa

Paawakan husus Pasarikatan Bangsa-Bangsa adalah pahimpunan badiri saurang (otonom) nang bagawi lawan Pasarikatan Bangsa-Bangsa wan bahubungan satu sama lain malalui wadah bacaram Majalis Ikunumi wan Susial PBB di tingkat antarpamarintahan, wan malalui Kapala Paawakan Eksekutif gasan Bacaram (bahasa Inggris: Chief Executives Board for Coordination, CEB) di tingkat antarsakutariat.^[1] Paawakan-paawakan husus ngini mungkin wayah panambaiannya dibantuk atawa kada dibantuk ulih Pasarikatan Bangsa-Bangsa, tagal paawakan-paawakan ngitu imbahnya masuk ka dalam Sistim Pasarikatan Bangsa-Bangsa ulih Majalis Ikunumi wan Susial PBB nang batindak badasarakan Pasal 57 wan 63 Piagam PBB. Wayah ngini PBB baisi jumlah 15^[2]^[3]^[4]Citakan:NoteTag paawakan husus nang manjalanakan bamamacam kagunaan atas ngaran PBB. Paawaakan-paawakan husus PBB ngitu dijabarakan di bawah ngini.^[5]

Pahimpunan Pangan wan Patanian (FAO)

Pahimpunan Pangan wan Patanian (FAO) Pasarikatan Bangsa-Bangsa bausaha gasan maupayaakan tindakan basakala antarabangsa sakira kawa mangalahakan bancana kalaparan. Lawan baanggutaakan nagara-nagara maju wan nagara-nahara bakambang, FAO batindak jadi pawadahan nitral di mana sabarataan nagara sacara satara badapatan baimbai gasan manawarakan kasapakatan wan mahualakan kabijakan. Mandat FAO adalah gasan manaikakan tingkat gizi, maningkatakan kabakulihan patanian, mambaiki kahidupan panggana padalaman wan basumbang lawan patumbuhan ikunumi dunia. FAO adalah paawakan husus PBB pangganalnya di dunia. FAO didiriakan wayah tahun 1945 wan kantor pusatnya baandak di Roma, Italia.

Pahimpunan Panarabangan Sipil Antarabangsa (ICAO)

Pahimpunan Panarabangan Sipil Antarabangsa (ICAO) didiriakan wayah tahun 1947. ICAO batugas manggawi panyusunan undang-undang di pandirian wan tiknik napigasi udara antarabangsa wan manyuruh parancanaan wan pangambangan paangkutan udara antarabangsa gasan mamastiakan patumbuhan aviasi tatap aman wan taatur. Kantur pusatnya baandak di Quartier international de Montréal, di Kuta Montreal, Quebec, Kanada.

Majalis ICAO mamutik rata-rata wan paraktik-paraktik nang dianjurakan pasal napigasi udara, pancagahan gangguan nang malawan hukum, wan palayanan tata cara lintas watas gasan panarabangan sipil antarabangsa. Suwalih ngitu, ICAO manatapakan jua paraturan-paraturan gasan panyalidikan kacalakaan udara, nang cagar digawi ulih pawinangan kasalamatan paangkutan wayah kaadaan kapalipitan ngitu nang baandak di nagara-nagara nang manandatangani Pamupakatan Panarabangan Sipil Antarabangsa, nang rancaknya dipinandui sawagai Pamupakatan Chicago.

Dana Antarabangsa gasan Pangambangan Patanian (IFAD)

Dana Antarabangsa gasan Pangambangan Patanian (IFAD) nang didiriakan sawagai lambaga kaduitan antarabangsa wayah tahun 1977, jadi salah satu kulih tatambaian matan Padapatan Pangan Dunia wayah tahun 1974, wan jua sawagai tanggapan tahadap kaadaan di Sahel. IFAD bakurban gasan mambarantas kamiskinan di dairah padalaman nagara-nagara bakambang. Kantur pusatnya baandak di Roma, Italia.

Pahimpunan Buruh Antarabangsa (ILO)

Pahimpunan Buruh Antarabangsa (ILO) manangani masalah katanagagawian di dunia. Kantur pusatnya baandak di Jenewa, Swiss. Didiriakan wayah tahun 1919, ILO dibantuk malalui panawaran Pajanjian Versailles wan pamulaannya marupakan salah sabuting paawakan matan Liga Bangsa-Bangsa. ILO jadi angguta matan sistim PBB imbah pambubaran Liga Bangsa-Bangsa nang diumpati lawan paulahan PBB wayah warih Parang Dunia II.

Jujuhutan

^ "The United Nations System" (PDF). Diarsipkan dari versi asli (PDF) tanggal 9 January 2008.
^ "REPERTORY OF PRACTICE OF UNITED NATIONS ORGANS SUPPLEMENT No. 10 (2000-2009) - ARTICLE 17(3)" (PDF). United Nations. Diarsipkan dari versi asli (PDF) tanggal 19 October 2013. Diakses tanggal 2013-09-18. The number of specialized agencies thus rose to fifteen.
^ Eckart Klein: PBB, Aginsi Husus, para.9. Dalam: Max Planck Encyclopedia of Public International Law .
^ "What are UN specialized agencies, and how many are there?". Dag Hammarskjöld Library. Diakses tanggal 11 March 2018. There are currently 15 specialized agencies: ...
^ Struktur dan organisasi PBB, Agen Khusus

[1] "The United Nations System" (PDF). Diarsipkan dari versi asli (PDF) tanggal 9 January 2008.

[2] "REPERTORY OF PRACTICE OF UNITED NATIONS ORGANS SUPPLEMENT No. 10 (2000-2009) - ARTICLE 17(3)" (PDF). United Nations. Diarsipkan dari versi asli (PDF) tanggal 19 October 2013. Diakses tanggal 2013-09-18. The number of specialized agencies thus rose to fifteen.

[3] Eckart Klein: PBB, Aginsi Husus, para.9. Dalam: Max Planck Encyclopedia of Public International Law .

[4] "What are UN specialized agencies, and how many are there?". Dag Hammarskjöld Library. Diakses tanggal 11 March 2018. There are currently 15 specialized agencies: ...

[5] Struktur dan organisasi PBB, Agen Khusus

[1]

[2]

[3]

[4]

[5]