Акадэмічнае веславанне
![](http://upload.wikimedia.org/wikipedia/commons/thumb/d/d5/USA_Men%27s_Lightweight_Four_Athens_2004.jpg/220px-USA_Men%27s_Lightweight_Four_Athens_2004.jpg)
![](http://upload.wikimedia.org/wikipedia/commons/thumb/0/07/Czworka_podwojna-Pekin_2008.jpg/220px-Czworka_podwojna-Pekin_2008.jpg)
Веслава́нне акадэмічнае — від вяслярнага спорту, гонкі на акадэмічных вёславых суднах.
Акадэмічнае вёславае судна — спартыўная вузкая падоўжаная лёгкая вёславая лодка. Мае вынесеныя за барты на кранштэйнах уключыны для вёслаў і рухомыя банкі-сядзенні.
Гонкі праводзяцца па прамой трасе галоўным чынам на 2000 м для мужчын і на 1000 м для жанчын. Спаборніцтвы праводзяцца на парных суднах (спартсмен вяслуе дзвюма вёсламі) — адзіночкі, двойкі, чацвёркі, і расхінных (кожны вяслуе адным вяслом) — двойкі, чацвёркі і васьмёркі, з рулявым (апрача адзіночкі) ці без яго.
Акадэмічнае веславанне ўзнікла ў Англіі ў 1-й пал. ХІХ ст. Міжнародная федэрацыя веславання заснавана ў 1892. У праграме Алімпійскіх гульняў з 1900 (для жанчын з 1976), чэмпіянаты свету з 1962, Еўропы з 1893.
Спасылкі
[правіць | правіць зыходнік]На Вікісховішчы ёсць медыяфайлы па тэме Акадэмічнае веславанне
- Афіцыйны сайт ФІСА