Шова

Шова (трансліт.: Šova) — востраў у заходняй частцы возеры Струста (Браслаўскія азёры). Прыкладная плошча — 0,15 км².

Шова
Астравы на возеры Струста
Характарыстыкі
Плошча	0,15 км²
Насельніцтва	0 чал.
Размяшчэнне
55°41′40″ пн. ш. 27°00′33″ у. д.
Акваторыя	возера Струста
Краіна	Беларусь
Шова

Гісторыя

У 1920 — 1930-ых гг. на востраве Шова знаходзілася частка хутара Востраў Струста. Але хутар быў канчаткова ліквідаваны падчас калектывізацыі пасля II Сусветнай вайны.

У 1995 г. уключаны ў склад Нацыянальнага парка Браслаўскія азёры.

У наш час незаселены.

Геаграфія

Карта

Абрысамі нагадвае няправільны чатырохвугольнік з доўгім мысам на ўсходнім беразе. Даўжыня — 611 м, шырыня — да 385 м. Знаходзіцца за 75 м на захад ад вострава Чайчын і 520 м на ўсход ад заходняга берага возера Струста. Вышыня сушы — да 25 м.

Прырода

Большая частка вострава Шова пакрыта хваёвым лесам і хмызнякамі. Тут гняздуюць шматлікія птушкі.

Ахова

Востраў Шова з’яўляецца часткай Нацыянальнага парка Браслаўскія азёры. Турыстычныя стаянкі забаронены. Магчымы толькі кароткія пешаходныя экскурсіі.

Літаратура

• Шидловский К., Браславские озера. Путеводитель по зоне отдыха Браслав. — Мн.: Полымя, 1989
• Шидловский К., Плыткевич С. Браслав и его окрестности. Путеводитель. — Мн.: Рифтур, 2002 ISBN 985-6700-02-7

Спасылкі

• Национальный парк Браславские озера