Белпошта

Белпошта
Белпошта
Тып	дзяржаўная кампанія
Заснаванне	1995
Краіна	Беларусь;
Размяшчэнне	Рэспубліка Беларусь, Мінск,; пр-т Незалежнасці, 10
Адрас	праспект Незалежнасці;
Галіна	лагістыка і пошта
Прадукцыя	паштовыя і лагістычныя паслугі
Сайт	belpost.by

Рэспубліканскае ўнітарнае прадпрыемства «Белпошта» (РУП «Белпошта»; да 1 жніўня 2004 г. — Рэспубліканскае дзяржаўнае аб’яднанне «Белпошта») было ўтворана ў верасні 1995 года. З 13 мая 1947 года Беларусь — член Сусветнага паштовага саюза.

Галоўная задача РУП «Белпошта» — найболей поўнае задавальненне запатрабаванняў насельніцтва, дзяржаўных органаў кіравання, прадпрыемстваў і арганізацый у паслугах паштовай сувязі на нацыянальным і міжнародным узроўнях.

Мэты, дэклараваныя прадпрыемствам:

захаванне лідыруючага становішча на рынку паштовых паслуг Рэспублікі Беларусь;
дасягненне высокага ўзроўню якасці паслуг і эфектыўнасці кіравання прадпрыемствам;
укараненне і прасоўванне новых паштовых паслуг у адпаведнасці са зменлівымі запатрабаваннямі і чаканнямі спажыўцоў;
павелічэнне аб’ёмаў продажаў паслуг паштовай сувязі, вызначэнне неабходнага балансу паміж прадастаўленнем універсальных паслуг і ўжываннем камерцыйных прынцыпаў;
захаванне кадравага патэнцыялу і забеспячэнне росту дабрабыту працаўнікоў.

Генеральны дырэктар РУП «Белпошта» (з 2019) — Святлана Віктараўна Юркевіч.

Паштовыя маркі

Удзел у пераследзе недзяржаўнай прэсы

У жніўні 2020 года «Белпошта» перастала дастаўляць падпісчыкам недзяржаўную грамадскую-палітычную газету «Народная Воля»^[1]. Пазней «Белпошта» адмовілася распаўсюджваць «Народную Волю», падала ў суд на гэтую газету і на «Свободные новости плюс»: паводле «Белпошты», паслугі па дастаўцы часткі іх тыражу былі аказаныя^[2].

У лістападзе 2020 года «Белпошта» не ўнесла 4 буйныя недзяржаўныя газеты ў свой падпісны каталог на 2021 год^[3]. У красавіку 2021 года «Белпошта» адмовілася браць на рэалізацыю ў сваіх аддзяленнях і ўключаць у падпісны каталог на 2-е паўгоддзе 2021 года прыватнае баранавіцкае выданне «Intex-press»^[4]. У чэрвені 2021 года генеральны дырэктар «Белпошты» заявіла пра неўключэнне ў падпісны каталог на 2-е паўгоддзе 2021 года яшчэ адной недзяржаўнай газеты («Новы Час»), западозрыўшы выданне ў публікацыі матэрыялаў, якія парушаюць заканадаўства аб СМІ^[5]^[6].

Крыніцы

Спасылкі

На Вікісховішчы ёсць медыяфайлы па тэме Белпошта
Афіцыйны сайт (бел.) (руск.) (англ.)

[1] ttps://www.intex-press.by/2020/08/26/zachistka-infopolya-tipografiya-ne-pechataet-negosudarstvennye-smi-a-belpochta-ostavila-podpischikov-bez-narodnoj-voli/ Архівавана 22 студзеня 2021.

[2] ttps://web.archive.org/web/20210122041119/https://naviny.media/article/20210104/1609769703-skolko-mozhno-kak-vyzhivayut-negosudarstvennye-gazety

[3] ttps://reform.by/176314-neskolko-krupnyh-izdanij-ne-vkljucheny-v-podpisnoj-katalog-belpochty

[4] ttps://novychas.by/hramadstva/belposzta-ne-ukljuczae-intex-press-u-padpisny-ka

[5] ttps://novychas.by/palityka/rup-belposzta-raptouna-peradumala-i-vykljuczyla

[6] ttps://novychas.by/hramadstva/czytaczy-novaha-czasu-piszuc-zvaroty-na-belposz

[1]

[2]

[3]

[4]

[5]

[6]