Джэніфэр Лоўрэнс
Джэ́ніфэр Шрэйдэр Лоўрэнс (па-ангельску: Jennifer Shrader Lawrence) — амэрыканская акторка. Фільмы, у якіх яна зьнялася, сабралі больш за 6 мільярдаў даляраў па ўсім сьвеце, і яна была самай высокааплатнай акторкай у сьвеце ў 2015 і 2016 гадох. Лоўрэнс ёсьць адкрытай фэміністкай і выступае за дзейнасьць арганізацыі Planned Parenthood.
Біяграфія
[рэдагаваць | рэдагаваць крыніцу]Джэніфэр Лоўрэнс нарадзілася 15 жніўня 1990 году ў Індыян-Гілз, штат Кентукі. У дзяцінстве ёй было цяжка праз гіпэрактыўнасьць і сацыяльную трывожнасьць, і яна лічыла сябе бясшчаснай дзяўчынай сярод аднагодкаў[3][4]. Паводле ейных словаў, трывогі зьнікалі, калі яна выступала на сцэне, і што акторскае майстэрства дало ёй пачуцьцё асабістай суцэльнасьці[4].
У дзяцінстве Лоўрэнс выступала ў царкоўных спэктаклях і школьных м’юзіклах. У 14 гадоў яе запрыкмецеў шукальнік талентаў падчас ейнага адпачынку ў Нью-Ёрку разам зь сям’ёй. Потым Лоўрэнс пераехала ў Лос-Анджэлес і пачала сваю акторскую кар’еру, выконваючы гасьцявыя ролі ў тэлевізійных шоў. Першай ейнай галоўнай ролю была ў сыткоме «Шоў Біла Энгвала» (2007—2009). Лоўрэнс дэбютавала ў кіно ў ролі другога пляну ў драме «Садовая вечарына» (2008), а ейны акторскі прарыў адбыўся дзякуючы ролі падлетка, які пацярпеў ад галечы, у незалежнай драме «Зімовыя косткі» (2010). Кар’ера Лоўрэнс разьвівалася разам з галоўнымі ролямі мутанта Містык у сэрыі фільмаў «Людзі Ікс» (2011—2019) і Кітніс Эвэрдын у сэрыі фільмаў «Галодныя гульні» (2012—2015). Дзякуючы апошняй сэрыі фільмаў Лоўрэнс сталася самай высокааплатнай акторкай усіх часоў.
Лоўрэнс працягвала атрымліваць намінацыі на розныя ўзнагароды, супрацоўнічаючы з рэжысэрам Дэйвідам Расэлам. Ейны выступ ў ролі дэпрэсіўнай маладой удавы ў рамантычным фільме «Зборнік праменьняў надзеі» (2012) прынесла ёй прэмію «Оскар» за найлепшую жаночую ролю, зрабіўшы яе другой самай маладой уладальніцай гэтае прэстыжнае прэміі. Пасьля яна атрымала прэмію BAFTA за найлепшую жаночую ролю другога пляну за ролю праблемнай жонкі ў чорнай камэдыі «Амэрыканская афэра» (2013). Лоўрэнс таксама атрымала ўзнагароду «Залаты Глёбус» за абодва фільмы і за адлюстраваньне вобразу Джой Манганы ў біяграфічным фільме «Радасьць» (2015). З тых часоў яна зьнялася ў навукова-фантастычнай кінастужцы «Пасажыры» (2016), псыхалягічным фільме жахаў «Маці!» (2017) і шпіёнскім трылеры «Чырвоны верабей» (2018).
Крыніцы
[рэдагаваць | рэдагаваць крыніцу]- ^ Murray L., Bell A. Jennifer Lawrence // Encyclopædia Britannica (брыт. анг.) — Encyclopædia Britannica, Inc., 1768.
- ^ The Hunger Games' Jennifer Lawrence Covers the September Issue (анг.) // Vogue / A. Wintour — Condé Nast, 1892. — ISSN 0042-8000
- ^ «The Hunger Games' Jennifer Lawrence Covers the September Issue». Vogue.
- ^ а б «Jennifer Lawrence, la muse de Hollywood». Madame Figaro.
Вонкавыя спасылкі
[рэдагаваць | рэдагаваць крыніцу]- Джэніфэр Лоўрэнс (анг.) на сайце IMDb
- Нарадзіліся 15 жніўня
- Нарадзіліся ў 1990 годзе
- Ляўрэаты прэміі «Залаты Глёбус» за найлепшую жаночую ролю ў камэдыйным фільме альбо м’юзыкле
- Ляўрэаты прэміі «Залаты Глёбус»
- Ляўрэаты прэміі «Сатурн»
- Ляўрэаты прэміі Гільдыі кінаактораў ЗША
- Ляўрэаты прэміі «Оскар» за найлепшую жаночую ролю
- Ляўрэаты прэміі «Залаты Глёбус» за найлепшую жаночую ролю другога пляну ў фільме