Брысбэйн

Брысбэн
Brisbane
Герб Брысбэну
Горад з:	1925
Краіна:	Аўстралія
Штат:	Квінслэнд
Плошча:	5904,8 км²
Насельніцтва (2009) • колькасьць: • шчыльнасьць:	1 945 639 чалавек 918 чал./км²
Часавы пас:	UTC+10
Геаграфічныя каардынаты:	27°28′04″ пд. ш. 153°01′40″ у. д.
Брысбэн на мапе Аўстраліі Брысбэн
http://www.brisbane.qld.gov.au/

Брысбэн (па-ангельску: Brisbane) — горад у Аўстраліі. Адміністрацыйны цэнтар штата Квінслэнд. Насельніцтва — 1,8 млн чалавек, гэта трэці па колькасьці (пасьля Сыднэю і Мэлбурну) горад краіны.

Разьмешчаны ў лукавіне ракі Брысбэн прыблізна за 23 км ад яе вусьця.

Гісторыя

На тэрыторыі сучаснага Брысбэна спрадвеку насялялі абарыгены.

У 1823 дасьледчая група на чале з Джонам Оксьлі спусьцілася ўніз па рацэ Брысбэн і дайшла да адзнакі, якая зараз вядомая як Брысбэнскі бізнэс-цэнтар.

Квінслэнд утварыўся ў 1859, і Брысбэн, які атрымаў назву ў гонар генэрала Томаса Брысбэна, быў абвешчаны яго сталіцай.

Характэрна, што ў той час Брысбэн не зьяўляўся горадам. Ён уяўляў сабой дваццаць асобных муніцыпалітэтаў, і толькі ў 1925 годзе атрымаў статус горада (city).

Дэмаграфія

Брысбэн па хуткасьці росту насельніцтва займае 1 месца па Аўстраліі і 2 месца ў сьвеце. Паводле афіцыйных зьвестак, у пэрыяд з 1999 па 2004 год насельніцтва гораду вырасла на 11,5%.

Паводле вынікаў апошняга перапісу (2001), 21% насельніцтва Брысбэна складаюць замежнікі, 1,7% гарадзкога насельніцтва — абарыгены. Для 86,5% жыхароў гораду ангельская мова — асноўная (родная), астатнія 13,5% карыстаюцца ангельскай як другой мовай. За ангельскай па распаўсюджанасьці ў горадзе ідзе кітайская мова, затым віетнамская і італьянская.

Вонкавыя спасылкі

Брысбэйн — сховішча мультымэдыйных матэрыялаў

• Brisbane City Council — Гарадскі савет Брысбена (анг.)