3 красавіка

3 красавіка́ — 93-і дзень году (94-ы ў высакосным годзе) паводле Грыгарыянскага календару. Да канца году застаецца 272 дні.

Падзеі

• 1702 — Вялікая Паўночная вайна: войскі Вялікага Княства Літоўскага ўчынілі няўдалую спробу адбіць занятую швэдамі Вільню
• 1793 — Сэнат Расейскай імпэрыі выдаў загад аб стварэньні Менскай губэрні з цэнтрам у Менску
• 1885 — нямецкі інжынэр Готліб Даймлер атрымаў патэнт на аднацыліндровы рухавік унутранага згараньня з вадзяным ахаладжэньнем
• 1905 — заснаваны аргентынскі футбольны клюб Бока Хуніёрс Буэнас-Айрэс
• 1918 — Народны Сакратарыят Беларускай Народнай Рэспублікі абвясьціў беларускую мову дзяржаўнай і абавязковай мовай краіны
• 1922 — Ёсіф Сталін быў абраны генэральным сакратаром Расейскай камуністычнай партыі (бальшавікоў)
• 1940 — аддзелы НКВД пачалі масавыя расстрэлы палонных афіцэраў Польскага войска ў Катыні, Мядовым і Курапатах.
• 1941 — скончыўся трохдзённы Другі вялікі збор АУН
• 1948 — прэзыдэнт ЗША Гары Трумэн зацьвердзіў «плян Маршала»
• 1966 — савецкая станцыя «Месяц-10» стала першым штучным спадарожнікам Месяца
• 1973 — амэрыканскі вынаходнік Мартын Купэр зьдзейсьніў першае ў гісторыі тэлефанаваньне з сотавага
• 1975 — заснаваны Ісламскі банк разьвіцьця
• 1981 — у Менску заснаваны Літаратурны музэй Максіма Багдановіча
• 1987 — у Эстоніі распачалася кампанія пратэстаў у сродках масавай інфармацыі супраць распрацоўкі фасфарытнага радовішча на поўначы краіны
• 1990 — на львоўскай ратушы быў узьняты сіне—жоўты сьцяг
• 1991 — пачаўся страйк работнікаў менскіх заводаў з эканамічнымі і палітычнымі патрабаваньнямі
• 2008 — у Менску пасьпяхова зрабілі першую ў Беларусі апэрацыю перасадкі нырак

Нараджэньні

• 1593 — Джордж Гэрбэрт, ангельскі паэт-мэтафізык, сьвятар
• 1783 — Вашынгтон Ірвінг, амэрыканскі пісьменьнік
• 1885 — Барыс Вількіцкі, дасьледчык Арктыкі, гідрограф-геадэзіст беларускага паходжаньня.
• 1907 — Язэп Урбановіч, адзін з арганізатараў і кіраўнікоў антыфашысцкага падпольля і партызанскага руху на Берасьцейшчыне
• 1924 — Марлон Брандо, амэрыканскі актор тэатру і кіно
• 1930 — Гельмут Коль, канцлер Нямеччыны
• 1937 — Іван Антановіч, беларускі палітык і дыплямат, прафэсар філязофіі
• 1968 — Ігар Рынкевіч, беларускі юрыст, адвакат, палітык

Сьмерці

• 33 — Езус Хрыстус (гэтая дата прызнаецца Ватыканам)
• 1287 — Ганорыюс IV, рымскі папа
• 1863 — Генрых Гюбш, нямецкі архітэктар
• 1897 — Яганэс Брамс, нямецкі кампазытар і піяніст, адзін з музыкаў пэрыяду Рамантызму
• 1973 — Анатоль Марцінкевіч, адзін з пачынальнікаў беларускага баскетболу
• 1980 — Леанід Галяк, юрыст, журналіст, дзяяч беларускай эміграцыі ў Нямеччыне і ЗША
• 1990 — Сара Воан, афраамэрыканская джазавая сьпявачка, адна з найбольш выбітных у XX ст.
• 1991 — Грэм Грын, ангельскі пісьменьнік
• 1992 — Ядвіга Бяганская, беларуская пісьменьніца, перакладніца
• 2003 — Алег Табола, удзельнік моладзевага антысавецкага падпольля ў Глыбокім, вязень ГУЛАГу

Сьвяты

• Дзень сьцяга (Львоў)
• Імяніны Ірэны з Фэсалонікаў