Theologie
| Der Artikl is im Dialekt Soizkaumaguadlarisch gschriem worn. |
De Theologie (griach.: θεολογία (theología), vo θεός (theos), „God“ und λόγος (logos, „Woat“, „Leah“) bedeidt „d' Leah vom God oda vo de Gedda“ im oigemeina moand ma - d'Leah vom Inhoit vom (kristlichn) Glaum und vo de Glaumsdokumentn. Wea Pforra wean mächt oda an Beruf in da Kiachn ostrebt, muass 10 Semesta Theologie studian.
Theologie in andare Religiona
[Werkeln | Am Gwëntext werkeln]Da Theologiebegriff is eigentli im Kristndum behoamadt. Waun der heit a auf aundare Religiona (v. a. Judndum und Islam) übatrogn wead, is des ned oiwei unproblematisch, wei da Begriff innahoib vo de Religiona meistns kritisch betrocht wead. So sprechan vui jidische Geleahte (de wos se ebn ned Theologn nennan) äha von jidischa Rechtsauslegung, Kasuistik oda oafach nur Leah. Konfessionej gebundne Fakultätn und Seminare gibds neta fias Kristndum, Judndum und an Islam.
Judndum
[Werkeln | Am Gwëntext werkeln]In Heidelberg gibds de Hochschule für Jüdische Studien Heidelberg, de vom Zentralrat der Juden in Deutschland drong wead. Es gibd aa in meahrare Universitetn Studiengäng dafia Judaistik, de unobhängig vo da Religionszuaghearigkeit bsuacht wean kinan.
Islam
[Werkeln | Am Gwëntext werkeln]De islamwissnschoftlichn Institute und Seminare vo de Universitetn bschäftign se mid da Gschicht und da Praxis vom Islam.