Puichavodan
![](http://upload.wikimedia.org/wikipedia/commons/thumb/0/02/Landing_of_the_Pilgrims_by_Corn%C3%A8_-_circa_1805.jpg/220px-Landing_of_the_Pilgrims_by_Corn%C3%A8_-_circa_1805.jpg)
De Puichavodan (dt. Pilgerväter, engl. pilgrims or pilgrim fathers) woarn d easchtn englischn Siedla in Neiengland in Amerika. Se san anno 1620 af da Mayflower iwan Atlantik gseglt und hom d Plymouth Kolonie (Plymouth Colony) im heitign Massachusetts grindt.
De Puichavodan woarn ned d easchtn englischn Siedla in Amerika. Se spuin owa in da amerikanischn Folklore a wichtige Roin. Afd Puichavodan wead s heitige Thanksgiving Fest zruckgfiaht, oana vo d wichtigstn amerikanischn Feiadog. Nua mid da Huif vo d Indiana homs da Sog noch en easchtn Winta iwalebt. Des homs mid dena zamm im easchtn Thanksgiving gfeiad.
Uasoch fiad Flucht aus England
[Werkeln | Am Gwëntext werkeln]De Puichavodan hom se vo da Church of England, da anglikanischn Kira losgsogt. Se woarn Sektiara und Puritana. Jede Kiragmoa soit voistendi unobhengi sei und nua en Herrgod untasteh. Desweng homs de Bischef ois Dafindung vom Deifi oogseng. Aus dem Grund sans in England vafoigt woarn. Zeascht sans af Amsterdam gflicht. Wias owa aa in Holland vafoigt woarn san, sans mid da Mayflower af Amerika ausgroast.
Im Netz
[Werkeln | Am Gwëntext werkeln]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- Duane A. Cline: Zur Geschichte der Pilgerväter
- Pilgrim Hall Museum Pilgrim history and artifacts
- Mayflower Steps All about the Mayflower and Pilgrim Fathers with a Plymouth (UK) focus. Lots of pictures