Wikipedia:Griaßde
Griaß di bei da Wikipedia, wo jeder mitmochn konn, a Du.
Irngdwo mitschreim
Wennst zua am Artikl wos schreim mogst, denns scho gibt dann druck oafach auf "werkln". In dem Textfeld des dann dascheint kost an bestehndn Text ändan und an neien dazuaschreim. Drau Di oafach. Ma koa ois glöschte wiada findn. Wennsd wos foisch machst, find se sicha boid oana, de Deine Sachan vabessat oda zrucksetzt. Oiso koa Angst. Mit de ganzn Sachan fia a scheene Formatierung schaug da oafach guade Artikl o, gea do auf "wärkln" und kopia da de Befehle und probia aus. Zum Ausprobian kost auf "Vorschau zeigen" drucka. Erst wennsd zfriedn bist druckst auf "Speichern". Zum Ausprobiern gibt's a d' Spielwiesn.
An nein Artikl oleng
Wennst an Link siegst, der rot is, dann hod da no kuana was dazuagschrim, den Artikl gibts aba scho. Wenn da was dazua eifoid fang ofach o.
Wennst an nein Artikl schreim mogst, dann suach an Artikl, wo a Link fia Dein Artikl dazuapasst. Auf dera Seitn druckst auf "werkln", suachst a Stäi wo dei neia Artikl guad dazupasst und fiagst an Link eine mit dem Nama vo deim "Wunsch-Artikl". Nachm Speichan kost auf den Link drucka und kimmst zu Deim nein, no leern Artikl und kost do was schreim. S'gibt a no de Möglichkeit, daß'd den Nama vo deim nein Artikl bei "Suach" auf da linkn Seitn eigibst, dann werd a zwar net gfundn, weisn ja no ned gibt, aba es erscheint de Aufforderung, daß ma den ja selba schreim ko.
Mitredn
Wennst moanst, das a Artikl so ned guad is, du aba säiba nix dro ändan mogst, dann kost Dei Meinung bei "bschprecha" hischreim. Da koast a lesn, wos andane fo dem Artikl hoidn. A Grund, warumsd säiba nix ändan mogst, kunnt sei weis'd ned den Dialekt kost, in dem da Artikl gschriebn is. In dem Foi koast aba a an eignen Absatz ofanga und driabaschreim, in welchm Dialekt dei Absatz gschriem is. Aba a do guid, drau Di, schreib wos, nua so kemma weida.
Des "bschprecha" kost a heanemma, wennst an Artikl ned ändan kost, wei a gsperrt is. Da nexte, dea de nötign Rechte hod, um dein Wunsch auszumfian, werd des prüfn und ändan, oda a ned.
No Frong?
Wennsd Frong zua Wikipedia hosd, de dohearin ned beantwort wean kost da a de Willkommens-Seitn vo da deitschn Wikipedia oschaung. Ansonstn kost a beim Wikipedia:Stammtisch mitren und a Frog stelln.
A bår wichtige Hiweis zum Schreim vo Artikl speziell in da boarischn Wikipedia stengan unta Wikipedia:Hilfe und Wikipedia:Poatal.
Untaschreim und Omeidn
S'war recht huifreich, wenn a jeda untaschreim dad, wenn a bei "bsprecha" was dazuaschreibt. Des geht recht oafach mit -- ~~~~. De Zeichnkettn werd dann automatisch mit Zeit und Nama ersetzt. S'gleiche bassiert, wenns'd obn den zwoatn Knopf vo rechts druckst, dea wia a Untaschrift ausschaugt. Genauso war's a Sach, wenn möglichst vui Mitstreita si a omeidn dadn. S' werd zwar vasuacht, de boarische Wikipedia a fia anonyme Schreibaling offenzhaltn, aba sogar a Spitznama is persönlicha ois a anonyme Ziffernfolge. Des erleichtert oafach as Mitananda.
Vü Spaß in da Wikipedia!