Amtssproch
| Der Artikl is im Dialekt Obaboarisch gschriem worn. |
De Amtssproch is de Sproch vo de Ämta, sowoi untarananda ois wia a mit den Biaga. In da Amtssproch wern Vawoitungsakte, Gsetze und Normen vafosst, Dokumente archiviert, Auskumft eateit, Oträg gstäit und Gerichts-Vahandlunga gfihrt.
A Lan ko gleichzeiti mehrane Amtssprochn ham. Lända de wo vui Amtssprochn ham, brauchn zua Vaoafochung vo da Kommunikation aa no a Orbatssproch. Sprochn zur Vaständigung im Fernhandl und Fremdnvakea, nennt ma Vakeassprochn.
Umgangssprochlich werd Amtssproch oft aa mit Amtsdeitsch gleichgsetzt, oiso a Sproch, de wo im Stui und im Wortschotz fir Beherdn typisch is.
Biachl
- Michael Schloßmacher: Die Amtssprachen in den Organen der Europäischen Gemeinschaft. Frankfurt am Main 1996. ISBN 3-631-49766-0.
Im Netz
- Amtssprochn vo da Wäid (von 195 Staatn)
- § 23 Verwaltungsverfahrensgesetz (VwVfG)