Madagaskar

Madagaskar, malagasy: Madagasikara, amtle franz. République de Madagascar, malagasy: Repoblikan'i Madagasikara [republiˈkʲan madaɡasˈkʲarə̥], is a Inslstoot in n Indischn Ozean, umma 400 Killameda von n Gstod vo Oustafrika. Mid 592 800 km² is Madagaskar nou Indonesja da zwoatgrejsste Inslstoot. D Nazion umfasst d Haptinsl vo Madagaskar, wou af Plotz veja vo de grejsst-flechatstn Insln is, un a Villzohl vo kleannanan Insln, wou drum umma ling. Nou en vurgschichtlinga, prehistorischn Weggabrechn von n vuazeitlinga Grousskontinent Gondwana hod se Madagaskar vur umma 88 milliona Jouana von n indischn Subkontinental ogspaltn ghobt, wos d Pflonzna u d Vejcha recht lang a stoak isoliata Antwicklung vagunnt houd. Vo deastweng is Madagaskar a Mittlpunkt vo Artnvillfalt u Biodiwersitet; mejra wej 90% von n durtatn Wildlem findt se nejḡads ondasts af da Eaḏn. Dea diwersnan Ekosystemm vo da Insl u s Wildlem, wou se nea blouß durtn findt, han 'gastt' u badrout duach s Einagreiffn vo da gach wachsatn Bvelkaring u dej Gfeadunga fia d Umwelt.

A Koatn vo Madagaskar

Nu a Koatn vo Madagaskar.

A Koatn vo 1884.

D archeologischn Ewidenzna von n ejaschtn Manschn, da wou se af Madagaskar ummagfrett houd, genga omed bis af vur 10 000 Jouana zrugga. D Insl i s zejascht duach autronesische Velkln bsidlt woan, dej wou af Asleḡa-Kannu vo de heinting indonesischn Insln kumma han, wou da sellmolinga sozjala u relleḡjesa Kontext nemma dea eihoimischn indonesischn Kultua schou en Hinduismus u Buddhismus midumfasst ghobt houd. Zou dene han ebba um s 9. Jh. dej Bantu vo Oustafrika iwa dej Strouss vo Mosambik dazou gstoussn. Weitane Gruppn, wou in n Indischn Ozean Schiffal gfohrn han, hom iwa d Zeid af Madagaskar gsidlt u dauahaft beitrong za malagasischn Kultua. D malagasische Vulksgruppn wiad eftas aftoalt af niad wejnga wej 18 klejnnane Velkln, vo dej wou mid iwa 5 milliona dej bvelkaringsstiakstn de Merina in n zentroln Houchland han.

Bis i s spada 18. Jh. is d Insl Madagaskar bherscht woan von an zasplittatn Zammagwirffl vo wechslhaftnan soziopolitischnan Allianzn. In n Õfang von n 19. Jh. is nou durch a Reiha vo Nowlleitn vo de Merina d ganza Insl zen Kinereich Madagaskar vaoint woan. D Monarchi is 1897 untaganga, wej s Land i s Franzesischa Kolonjalreich eineglidat woan is, vo den wou d Insl 1960 wira d Unobhangekait daglengt houd. Da autonoma Stoot Madagaskar hod dasida vejar vaschiḏnana Vafassingsperiodn ghobt, d wou aa Repablikn gnennt wean. Seit 1992 is s Land offezjell a konstituzionella Demokrati mid da Haptstod Antananarivo. Jenfalls, is in n Vulksafstond vo 2009, da President Marc Ravalomanana zrugg tretn woan u n es Amt is in n Miarz 2009 af n Andry Rajoelina iwatrong woan. D konstituzionelle Herrschaft is in n Jenna 2014 widahergstellt woan, wej da Hery Rajaonarimampianina nou da intanazionol transparentn u fer bfunnanen Wohl vo 2013 zen Presidentn danennt woan is. Bei da Wohl vo 2018 is da Andry Rajoelina in es Amt zrugg kert. Madagaskar is a Mitglid vo de Vaointn Naziona, da Afrikanischn Union (AU), da Entwicklingsgmoischaft von n Sidlinga Afrika (SADC) u da Francophonie.

Madagaskar ghejat nou dej Vaointn Naziona za dea oghenktn Lenda, wou niad aso goud entwicklt han. Amtssprouchn han Malagasy u Franzesisch. D Iwazohl vo de Eiwõhna fulng an tradizionelln Glam, en Kristntum oda a Gmisch davõ. Ekotourismus u Landwiatschaft zamst Investiziona i Asbilding, Gsundat u Priwatuntanemma han Schlisslelement vo da Entwicklingstrategi vo Madagaskar. Unta n Presedentn Ravalomanana hom dej Investiziona a substanzjells wiatschaftles Wachstum dabracht, owa niad ajeda hod profatiat, wos gwissa Sponninga zwengs de gstingan Lemsholtingskostn un en gfallnan Lemstandard i d untanan Bvelkaringsschichtna virabracht houd.

Galeri

• 
  A Reljeffkoatn vo Madagaskar.
• 
  Nu a Reljeffkoatn.
• 
  A Koatn vo 1888.
• 
  A Koatn vo 1839.
• 
  A russische Koatn vo d Prowinzn vo Madagaskar.
• 
  A russische Koatn vo d Regiona vo Madagaskar.
• 
  Nu a Koatn vo d Regiona vo Madagaskar.
• 
  A Koatn vo da austronesischn Expansion.
• 
  President Philibert Tsiranana z Berlin 1962.
• 
  Demastraziona i da Haptstod.
• 
  A Deaffal in zentroln Houchland sidle vo Antananarivo.
• 
  A Satelitnbildl.
• 
  Reisfelda z Antananarivo.
• 
  A Koh mid Zucka.
• 
  Da Perron, d Plattfoam, d Bohnstazion vo Manampatrana.
• 
  A Piratnfreithuaf af da Santa-Maria-Insl.
• 
  Reisfelda u Terassnlandwiatschaft in n mittan Houchland.
• 
  Rengwold, wou nu niks obaut wiad.
• 
  In Nazionalpark vo Isalo.
• 
  Wisn, Bam u Felsnlandschaft in n Westn.
• 
  Nu a Bildl vo da Gros-Savanna.
• 
  Nu a Bildl bon Isalo-Nazionolpark.
• 
  Erosion, nou dem dass da Bam wegga han.
• 
  Da Kotznlemur in n Isalo-Nazionolpark.
• 
  A Kameljon in Berenty-Natuareserwat.
• 
  A Strouss in Siḏn vo Madagaskar.
• 
  Es Delta von n Betsiboka-Fluß.
• 
  In n Houchland vo Fianarantsoa.
• 
  Tradizionelle Grewa.
• 
  A tradizionells Fischabout.
• 
  A Koatn vo da Biodiwersitet.
• 
  A Obststõnd z Madagaskar.
• 
  Woldfleckalln ba Morondava u Baobab-Bamma.
• 
  A Klimakoatn vo Madagaskar.
• 
  A Koatn vo da Bvelkaringsdichtn.
• 
  D Landschaft mid d Reisfelda in zentroln Houchland.
• 
  D Rumbrennerei.
• 
  A biogeografischs Zeittafal vo Madagaskar.
• 
  Brandrodung ba Manantenina fia Ackaflechn.
• 
  Erosion, wal ma d Welda nidabrennt houd.
• 
  A Bildl vo da Zeit von n franzejsischn Krejḡ geḡa s Kinereich vo d Merina.
• 
  A Bildl vo da Haptstod.
• 
  Nu a Bildl vo da Haptstod.
• 
  Z Mahajanga ban Wossa.
• 
  Exportproduktt.
• 
  Da Nosy-Iranja-Strõnd, a Turismusflek durtn.
• 
  Nu a Bildl vo Nosy Iranja.
• 
  A Zeitunga i da Haptstod.
• 
  Velkln u Sprouchgruppn z Madagaskar.