Omtlicha Gmoaschlissl

Der Artikl is im Dialekt Berchtsgoanarisch gschriem worn.

Da Omtliche Gmoaschlissl (Amtlicher Gemeindeschlüssel oda AGS), friarar aa Amtliche Gemeindekennzahl (GKZ), Gemeindekennziffer oda Gemeindeschlüsselzahl is a Ziffanfoijg zua Identifiziarung vo polidisch seijbständige Gmoana oda gmoafreie Gebiete.

Ondane Nomenklatuan zua Obgrenzung vo Gebiet sa zum Beispui de Postleitzoi oda dea NUTS-Code. Im Marketing wean a Nielsengebiete vawendt.

Deitschland

Ea diant voa oijm statistischan Zweckn unn wead in Deitschland vo de Statistischn Ämta vo de oanzalnan Bundeslända eiheitli vagemn.

Da Gmoaschlissl is zum Beispui beim Wohnungswechsl auf da Obmeijdung bzw. Onmeijdung onzgemn. Ea wead jedo in da Regl vom jeweijigan Eihwohnameijdeomt im Rothaus eitrong.

Aufbau

Da Gmoaschlissl bsteht aus insgsomt ocht Ziffan, de se wia foijgt zammsetzan: De easchtn beidn Ziffan bezeichnan des Bundesland, de dritte Ziffa den Regierungsbeziak (bei Lända ohne Regierungsbezirk steht do a 0, außa bei Rheinland-Pfoijz, Sachsen-Onhoijt unn Niedasachsn, de eanane Regierungsbeziak eascht in de letztn Joar aufglöst homn), de viade Ziffa bezeichnet de Region unn de fünfte Ziffa an Stoodtkreis (kreisfreie Stot) oda an Londkroas (Kroas); unn de sechste, siebte unn ochte Ziffa bezoachnan de Gmoa oda a gmoafreis Gebiet.

De easchtn finf Steijn wean aa oijs Kreisschlissl bzoachnet.

Beispuij:

08 1 11 000 = Stuttgart

08 Baden-Württemberg
1 Regierungsbezirk Stuttgart
1 Region Stuttgart
1 Stadtkreis Stuttgart
000 (Schtuagoat griagt oijs Stodkreis de Gmoaschlisslendung 000)

15 3 52 002 = Aschersleben

15 Sachsen-Anhalt
3 ehemoijiga Regierungsbezirk Magdeburg
52 Landkreis Aschersleben-Staßfurt
002 Stadt Aschersleben

12 0 64 340 = Neuhardenberg

12 Brandenburg
0 (in Brandenburg gibts de Vawoijtungseiheit Regierungsbeziak ned)
64 Landkreis Märkisch-Oderland
340 Gemeinde Neuhardenberg

Teilgmoakennziffa

De Teilgemeindekennziffer kennzeichnat de Teiloat, Oatsteij oda Stodteij vo oana Gmoa in Bayern. De Zählung eafoijgt in da Regl oijphabetisch.

Bundeslända

De Zählung eafoijgt vo Noadn noch Südn (Numma 01-09), in chronologischa Zuaghäarigkeit zua Bundesrepublik Deitschland (Numma 10) unn oijphabetischa Reinfoijg (Numma 11-16).

Im Netz

destatis.de/... - Statistisches Bundesamt Deutschland: Oijgmoane Infoamationa
destatis.de/... - Statistisches Bundesamt Deutschland: Kostelose Onlinesuach mit statistische Ongomn zua Bevöijkarung unn de Flächn.
Gmoa- unn Gmaakungsschlissl vom Bundeslond Brondnbuag (pdf).

Estareich

Aufbau

Da estareichische Gmoaschlissl, teils aa oijs ÖSTAT-Numma bezeichnet, bstäht aus insgsomt fünf Ziffan, de se wia foijgt zammsetzan: De easchte Ziffa bezeichnet as Bundeslond (in oijphabetischa Reijnfoijg), de zweite unn dritte Ziffa bezeichnan den Beziak unn de viade und fünfte Ziffer bezeichnan de Gmoa.

Beispuij:

3 25 21 = Rappottenstein

3 Niederösterreich
25 Bezirk Zwettl
21 Gemeinde Rappottenstein

9 07 01 = Wien-Neubau

9 Wien
07 Neubau (7. Bezirk)
01 -

Bundeslända

Im Netz

https://web.archive.org/web/20070410204149/http://www.statistik.at/blickgem/index.jsp - Städtvazeichnis mit Gmoaschlissl

Schweiz

Des Schweiza Pendant zum Gmoaschlissl is de Gmoanumma.

Schau aa

Fia Fronkreich: an Code Insee
Fia Japan: den Zenkoku Chihō Kōkyō Dantai Kōdo
NUTS, de Systematik vo da Eiropäischn Union
UN/LOCODE, de Systematik vo de Vaeinten Nationan