Sagunja (Kabudayaan Korea)
Sagunja (Hanja (Aksara Cina): 四君子; Hangeul (Aksara Korea): 사군자), wantah genre lukisan saking Korea sané mapralambang sagunja, 4 soroh entik-entikan inggih punika bambu, plum/persik, anggrek, miwah astaba (seruni).[1][2] Entik-entikan punika wantah subjek lukisan para gunja (bangsawan utawi anak meneng ring puri/keraton sané wikan miwah pradnyan tur ahli ring sastra). Nika mawinan lukisan sané para gunja karyanin mawasta sagunja (4 entik-entikan bangsawan).[3]
Genre sagunja sujatiné mawit saking Cina tur kakenalang ka Korea (jaman dinasti Goryeo) ring abad ka-12. Genre puniki nincap jaman keemasannyané ring jaman dinasti Joseon nyantos awal abad ka-20. Lukisan sagunja sane nglimbak ring Korea mabinayan sareng sané nglimbak ring Cina (komposisi, patra, wentuk batang, bunga, akar, lan lawatnyane).[4]
Cara malukisnyané wantah sakadi kaligrafi sané élahan kabandingin metode lukisan pamandangan utawi manusa. Majeng seniman Korea, sagunja puniki mapralambang kawikanan sang sané ngaryanin.
Para gunja tresna ring 4 entik-entikan puniki: bambu, plum/persik, anggrek, seruni krana maduwé filosofi sané dalem.
- Bambu, mapralambang integritas sang sané wikan, krana don bambu ten gugur ring musim dingin.
- Plum/persik, mapralambang bayu (kekuatan), krana bunga plum/persik mentik ring awal musim bunga/semi sané kantun wenten sisa-sisa salju.
- Anggrek, mapralambang ayu krana anggun tur miik ngalub ring musim panas.
- Seruni (astaba), mapralambang kateguhan, krana sida tumbuh nyantos akhir musim gugur utawi awal musim dingin.[5]
Akeh seniman Korea sané ngaryanin lukisan bambu utawi plum rikala Korea mayuda sareng bangsa sané lianan, ciri kateguhan tur prinsip bangsa Korea.
- ↑ Mullany, Francis (2006). Symbolism in Korean ink brush painting. Internet Archive. Kent : Global Oriental. ISBN 978-1-901903-89-8.
- ↑ "https://koreajoongangdaily.joins.com/article/view.asp?aid=2936171". koreajoongangdaily.joins.com (ring Inggris). Kaaksés 2023-09-10. External link in
|title=(help) - ↑ "Sagunja "Korean Traditional Painting"". Annefinity. Kaaksés 2023-09-10.
- ↑ None (2002). An illustrated guide to Korean culture : 233 traditional key words. Internet Archive. Seoul, Korea : Hakgojae. ISBN 978-89-85846-98-1.
- ↑ None (2002). An illustrated guide to Korean culture : 233 traditional key words. Internet Archive. Seoul, Korea : Hakgojae. ISBN 978-89-85846-98-1.