حیدربابایه سلام

حیدربابایه سلام, سید محمد حسین شهریارین، آذربایجان تورکجه‌سینده یاراتدیغی شعر اثری. حیدربابایه سلام کیتابی‌نین آدی خشگناب کندینین یاخینلیغیندا اوْلان حیدربابا داغیندن آلینیب. بۇ شعر دونیانین ان آدلیم فولکوریک اثرلریندن‌دیر. بۇ شعر ایندی میشیگان بیلیم‌یوردوندا اصلی دیل‌ده تدریس اوْلونور و شعر بوتونلوک‌له اوستاد شهریارین اوز سسی‌له بۇ بیلیم‌یوردون رسمی سایتیندا دینلمک اولار.

حیدربابانین صوتی فایلی

منظومه‌نین اوزل‌لیک‌لری

شهریارین حیدربابایا سالام منظومه‌سی اونون اثرلری ایچینده بیر تایسیز شعردیر. شهریارین بوتون شعر اینجه‌لیک‌لری بۇ شعرده توپولانیب‌دیر. بۇ اثر شعر، حیکمت، دیل‌ین قودرتی و ذئهنین گوزل‌لیک‌لرینی بیریئره گتیرن اثردیر.

شعردن بیر پارچا

حیدربابا ایلدیریم‌لار شاخاندا

سئل‌لر-سولار شاققیلداییب آخاندا

قیزلار اوْنا صف باغلاییب باخاندا

سالام اولسون شوکتیزه-ائلیزه

منیم‌ده بیر آدیم گلسین دیلیزه

حیدربابا نظیره‌لری

شهریارین حیدربابایا سلام اثری یاییلاركن سسی هر یانا دوشدو. چوْخ اوخوندو و سئویلدی و خالقیمیزی سئویندیردی. جان اوستونده اوْلان ادبیات بیرده باشدان دیرچلدی. دیللرینی اونودان آذربایجان شاعیرلری دیللرینه دؤندولر، اللرینه قلم آلدیلار و شهریاری اؤیدولر. حیدربابایه سلام منظومه‌سینه یازیلان نظیره‌لردن بونلار سایماق اولار:

• «حیدر بابانین شهریارا سلامی» دوكتور علی كوشان
• «شهریارا سلام» جبار باغچه‌بان
• «ائل دایاغینا سلام» عباس باریز
• «حیدر بابادان شهریارا مكتوب» «آلاو» تخلوصلو «شایا»
• پروفسور محمد تقی زهتابی«رخشنده نین آرزوسو» آدیندا«حیدربابایا» خیطاب خالقیمیزین دردلرینی سؤیله میشدیر.
• «كهله یه سلام» پروفسور غلامحسین بیگدلی
• «زنگان شهری» منظومه شاعر «اوخ»
• «پیر سقا نغمه لری» هادی سلطانی
• ائینالی» علی اكبر ترابی «حلاج اوغلو»
• «اورمو دریاچه سی» ناظر شرفخانه‌ای

حیدربابا ترجمه لری

حیدربابا اوقده‌ر آدلی- سانلی اوْلموشدوركی فارسلاردا شهریاری تانتیدیراندا، اونو، حیدربابا شاعیری آدلاندیردیلار. فارسلار دا بئله بیر اثری اله گتیرمه‌یی آرزولادیلار. چوخلو شاعیرلر- فارس دیللی و تورك دیللی حیدربابانی فارسیجایا چئویرمه یه جان آتدیلار. یوزلرجه فارسی ترجومه سی مئیدانا گلدی. آنجاق هئچ بیری بیه نیلمه دی. حتا شهریاردا نئچه دؤنه حیدربابانی فارسجایا ترجمه ائتمه یه چالیشیرسا دا اومودونو الدن وئردی.

• علی اكبر شیوا «مدرس» ترجومه سی
• میرصالح سید حسینی
• سؤنمز (كریم مشروطه چی) ترجمه‌سی
• حسین منزوی

باشقا دیللره ترجمه‌سی

كوردجه ترجمه (چاردولی لهجه‌سیله) شهریارچی كورد مۆحقیقی، محمدرضا نیری گیلكجه ترجمه‌سینی سیامك سلیمانی روشن سووئت دیللری، روس، گورجو، ائرمنی و باشقا- باشقا سووئت اؤلكه لری نین دیلینده چاپ اوْلموشدور. حیدربابانین اینگیلیسجه یه پرکارین ترجمه سی بو ترجمله، 1993 جو ایلده چاپ اولاراق، دؤنه لرله یاییلمیش و دونیا ادیب لری طرفیندن قارشیلانمیشدیر. آلمانجا ترجومه سی برلن ده اسماعیل میتاگ و ائته میتاگ ایله بیرگه چئویرمیش و چاپ اوْلموشدور. حیدربابانین روسجایا ترجمه سی، اؤزه ل بیر موقعیت قازانیر. حیدربابا تکجه روس دیلینه یوخ، بلکه سووئت بیرلیینده شایایان بوتون خالقلارین دیللرینه ده ترجمه اوْلموشدور.

خاریجی کئچیدلر

• حیدربابایا سالام، میشیگان بیلیم‌یوردو طرفیندن حاضیر اولونموش سس‌لی صحیفه‌سی
• حیدربابایا سالام منظومه‌سی‌نین دانلودو Archived 2012-05-16 at the Wayback Machine.
• حیدربابایا سالام منظومه‌سی لاتین الیفباسیندا