تانزانیا
یاخلاشیموختصات: 6°18′25″S 34°51′14″E / 6.307°S 34.854°E
تانزانیا یوخسا رسمیجه سینه تانزانیا بیرلشیک جومهوریتی (اینگیلیزجه سی: United Republic of Tanzania) (سواحلجه: Jamhuri ya Muungano wa Tanzania)، آفریقانین دوغو حیصصه سینده اوزونو گوستردیگی اولکه. قوزئی دن کنیا ایله اوقاندا باتی دان رواندا بوروندی و کونقو و گونئی یاندان زامبیا موزامبیک و مالاوی ایله قونشودور. دوغودان ایسه آزاد سو یول لاری ایله هیند اوقیانوسونا باغلانیر.
تانزانیا ۹۴۷٬۳۰۳ km2 توپراغا صاحیب اولاراق آفریقانین اون اوچونجو و دونیانین اوتوز بیرینجی ان بویوک اولکه سی دیر. میصردن بووک و نیجریه دن کیچیک دیر.
۱۹۹۶ ایلینده باشکندی دارالسلام بویئک شهریندن دودوما آدلی بیر کیچیک و خیرداراق شهره کوچورولدو. بونا راغمن دارالسلام هله ده اولکه نین تیجارت باشکندی و حاکمیت ایداره لرینین چوخونون قورولدوغو شهردیر.
باشقا اونملی شهرلری آروشا، امبیا، موانزا، موروگور و زنگیبار دیر.
تانزانیانین آدی تانگانیکا و زنگبار آدلارینین دوغوملوسودور. بو ایکی آیری آیری اولکه ۱۹۶۴ ایلینده بیرلشیب گونوموزده تانزانیا کیمی تانینان اولکه نی قوردولار.
خریستیان ایسلام و یئرلی دین لر، بو اولکه نین اساس اوچ دینی ساییلاراق هربیری اولکه نین اوچدن بیری سینی قاپساییب لار.
تانزانیا رسمی جه بیر دیلی اولماسادا سواحیلی دیلی دوفاکتو و قئیری رسمی اولاراق اورتاق دیلی ساییلیر و ائییتیم و اویرنمه سیستئمینده اینگیلیزجه دن فایدالانیلیر.
کئچمیش
عربلر اوزون ایللردن بو اولکه ده اولسالار دا آنجاق پورتوغاللی لار ۱۵۰۰نجی ایللرده بورا گلیب یاخلاشیق ایکی یوز ایل تانزانیانی دولاندیردیلار. اوندان سونرا عمان آلمان و بریتانیا آراسیندا الدن اله کئچدی.
دونیا ایکینجی ساواشی سونراسی تانگانیکا ۹ دسامبر ۱۹۶۱ دن اعتیبارن بریتانیادان آیریلدی.
زنگبار ایسه اونون ائرته سی گون یانی ۱۰ دسامبر ۱۹۶۱ تاذیخ اعتیباری ایله بریتانیا قانادلاری آلتیندان چیخیب یئنی یووا قوردو.
ایکی میللت ۲۶ آوریل ۱۹۶۴ ده بیرلشمه یه راضی لاشیب «تانگانیکا ایله زنگبار بیرلشیک جومهوریتی» نی برپا ائتدیلر. آلتی آی دان سونرا بو آد تانزانیایا چئوریلدی.
سیاست
تانزانیانین حوکومتی بیر یاسا یازان قورولتایا صاحیب اولاراق نئچه پارتییادان اولوشان فئدئرال بیر جمهوریت دیر.
اولکه بولگه لری
تانزانیا ۳۰ اوستانی وار و اوستانلارین هربیری نئچه رایونو قانادلاری آلتینا آلماقدادیرلار. شابلون:نقشه استان‌های تانزانیا
|
|
جوغرافییا
آفریقانین دوغو حیصصه سینده اولان تانزانییا قوزئی دن کنیا ایله اوقاندا باتی دان رواندا بوروندی و کونقو و گونئی یاندان زامبیا موزامبیک و مالاوی ایله قونشودور. دوغودان ایسه آزاد سو یول لاری ایله هیند اوقیانوسونا باغلانیر.
-
نقشه ناهمواری‌های تانزانیا -
خطوط راه‌آهن تانزانیا -
دید ماهواره‌ای از تانزانیا -
مقایسه مساحت تانزانیا با مساخت ایالات متحده آمریکا -
قلهٔ کلیمانجارو -
نمایی از شمال تانزانیا
ایقتصاد و گلیر
تانزانیانین اساس گلیری اکینچیلیک دن عایید اولور. قهوه توتون چای بادام نارگیل بالیق قیزیل داش کومور دمیر و قاز عاییداتی دیر.
پول واحیدی تانزانیانین شلینگی دیر.
خالق و اهالیسی
۲۰۱۷ ایلی ساییلیش وئری لرینه ایستینادن تانزانیادا ۵۷ میلیون نفر اینسان یاشاماقدادیر. یاخلاشیق نوفوسون ۷۸٪ ـی کند و قصبه لرده یاشاییر. بو ائله تانزانیانی شهر نوفوسونا صاحیب اولان اولکه لر سیرالاماسیندا ان آشاغی یئرلرده ساخلاییر.
دیل
تانزانیانین رسمیجه دیلی یوخدور و اولکه ده سواحیلیجه و اینگیلیزجه ایشلنمک ده دیر.