دمشق
بیلیکلیکین بیرلشدیرمهسینه کؤمک ائتمک اۆچون بو مقاله-دن دیگر مقالهلره داها چوْخ باغلانتی لازیمدیر. (مئی ۲۰۱۷) |
thumb|left|اموی‌لر مسجیدی دمشق سورييا عرب رئسپوبلیکاسی‌نین باشکندی‌دیر. دمشق (عرب دیلین‌ده «تشببوس» معناسینی بیلدیریر) نینکی سورییانین، ائلجه‌ده بوتون دونیانین ان قدیم شهرلرین‌دن بیری‌دیر. دمشق باره‌ده ایلک معلومات ائ. ه ۱۵۰۰-جو ایله تصادوف ائدیر. دمشق هم‌ده دونیانین ان قدیم باشکند شهری‌دیر. بئله کی، ائ. ه ۱۳ عصرین اوللرین‌دن ائ. ه ۷۳۲-جی ایله قدر شهر، دمشق پادشاه‌لیغی‌نین باشکندی اوْلوب.
تاریخی
چوخ‌سرلیک تاریخی بویون‌جا دمشق آسسورییالی‌لار، فارس‌لار، ماکئدونییالی‌لار و رومالی‌لار طرفین‌دن دفعه‌لرله تزییقه و آز قالا محو اولماغا معروض قالیب؛ لاکین بیر موددت‌دن سوْنرا، تیجارت و مدنیت مرکزی کیمی یئنی‌دن دیرچل‌میش‌دیر. میلادی ۶۳۵-جی ایل‌ده عرب‌لر طرفین‌دن فتح اولونان دمشق ۶۶۱-۷۵۰-جی ایل‌لر آراسی اموی‌لر خیلافتی‌نین باشکندی اولدوغون‌دان موسلمان دونیاسی‌نین ان بویوک سییاسی، دینی، و تیجارت مرکزینه چئوریلیر. ۱۳ و ۱۴-جو عصرلرده دمشق مونقول‌لارین هوجوم‌لارینا معروض قالان شهر، تئیمورلنگین اوردوسو طرفین‌دن داغیدیلیر.
اموی‌لر مسجیدی
بویوک مسجید اوْلان اموی‌لر مسجیدینی شهرین سیموولو آدلاندیرماق اولار. مسجیدده ۴ میناره مووجوددور. مسجیدین میناره‌لرین‌دن بیری عیسا پئیغمبرین آدینی داشی‌ییر محض اینانج‌لارا گوره عیسا پئیغمبر همین میناره‌دن گویدن یئره ائنه‌جک‌دیر. محمد پئیغمبرین آدینی داشی‌یان میناره‌ایسه ۱۱۸۴-جو ایل‌ده اینشا اولونوب. بوندان ساوایی مسجیدده زکرییا پئیغمبرین اوغلو یحیا پئیغمبرین قبرینی‌ده گوسترمک اولار.