Ueyn Runi

Ueyn Runi
ing. Wayne Rooney
Ümumi məlumatlar
Ləqəbi	Şrek, Uazza (Wazza
Doğum tarixi	24 oktyabr 1985(1985-10-24) (39 yaş)
Doğum yeri	Liverpul, Mersisayd[d], İngiltərə, Birləşmiş Krallıq
Vətəndaşlığı	Birləşmiş Krallıq
Boyu	176 sm
Çəkisi	83 kq
Mövqeyi	hücumçu, mərkəzi yarımmüdafiəçisi[d]
Nömrəsi	10
Vikianbarda əlaqəli mediafayllar

Ueyn Mark Runi (ing. Wayne Mark Rooney) - İngiltərə futbolçusu. Hücumçu mövqeyində çıxış edən oyunçu, Premyer Liqa komandalarından "Mançester Yunayted"in və İngiltərə Millisinin formasını geyir.

Runi futbola 10 yaşında olanda "Liverpool Scoolboys" adındakı bir məktəbdə başladı. 1996-cı ildən 2002-ci ilə qədər "Everton" klubunun əvəzedicilərindən ibarət komandasında çıxış etdi. 2002-ci ildə professional olaraq ilk oyununa çıxdı. 17 yaşının tamam olmağına 5 gün qalmış Premyer Liqada vurduğu 2 qolla, çempionat tarixində qol vuran ən gənc futbolçu oldu. Qısa zamanda komandada tez-tez forma geyən futbolçulardan biri oldu və komandası ilə 2 mövsüm keçirdi. 2004-2005 mövsümü başlamadan əvvəl "Mançester Yunayted"ə, 25,6 milyon £ qarşılığında transfer oldu. "Mançester Yunayted" forması ilə 4 Premyer Liqa, 1 UEFA Çempionlar Liqası, 2 İngiltərə Liqa Kuboku, 3 FA Community Shield və 1 FIFA Klublararası Dünya Kuboku çempionluğu əldə edib. "Qırmızı Şeytanlar"dakı performansı ilə "Bravo" mükafatını, İngiltərədə "İlin Futbolçusu", "Futbol Yazarları dərnəyi İlin Futbolçusu", "Barclays Mövsümün Oyunçusu", "Azərkeşlərin oyunçusu" və Sir Matt Busby İlin Oyunçusu" və başqa mükafatları qazanmışdır.

İngiltərə Milli Futbol Komandası forması ilə ilk matçına 2003-də çıxan Runi 2004 Avropa Çempionatı ilə 2006 və 2010 Dünya Çempionatlarında forma geydi. 2004 Avropa Çempionatında İsveçrəyə vurduğu 2 qolla Avropa Çempionatı tarixində qol vurmağı bacaran ən gənc futbolçu oldu.