Nijmegen
![]() | |||||
---|---|---|---|---|---|
![]() | |||||
| |||||
Alministración | |||||
País | ![]() | ||||
País | ![]() | ||||
Provincia | Gelderland | ||||
Tipu d'entidá | conceyu de los Países Baxos[1] | ||||
Mayor of Nijmegen (en) ![]() | Hubert Bruls | ||||
Nome oficial | Nijmegen (nl) | ||||
Nome llocal | Nijmegen (nl) | ||||
Códigu postal |
6500–6546 y 6663 | ||||
Xeografía | |||||
Coordenaes | 51°50′51″N 5°51′45″E / 51.8475°N 5.8625°E | ||||
![]() | |||||
Superficie | 57.53 km² | ||||
Altitú | 29 m | ||||
Llenda con | Wijchen, Beuningen, Overbetuwe, Lingewaard, Ubbergen y Heumen | ||||
Demografía | |||||
Población | 177 359 hab. (1r xineru 2021) | ||||
Porcentaxe |
8.78% de Gelderland 0.99% de Países Baxos 1.04% de Reinu de los Países Baxos | ||||
Densidá | 3082,9 hab/km² | ||||
Viviendes | 92 743 (1r xineru 2015) | ||||
Más información | |||||
Prefixu telefónicu |
0481 y 024 | ||||
Estaya horaria | UTC+01:00 | ||||
Llocalidaes hermaniaes | Albany, Gaziantep, Pskov y Suzhou | ||||
nijmegen.nl | |||||
![]() |
Nijmegen (neerlandés: Nijmegen [ˈnɛi̯.ˌmeː.ɣə(n) (?·i)], aprox. neimejen) ye una ciudá y un conceyu de los Países Baxos, la mayor ciudá de la provincia de Gelderland, alcontrada al este del país y bien próxima a la frontera con Alemaña. El ríu Waal (brazu del ríu Rin nos Países Baxos) llindar pel norte. La ciudá foi premiada col títulu Capital Verde Europea 2018.
Historia
[editar | editar la fonte]Nijmegen ye la ciudá más antigua de los Países Baxos. Los restos arqueolóxicos topaos nel llugar indiquen que yá antes del primer mileniu los bátavos taben instalaos ellí y, más palantre, los romanos construyeron un asentamientu (col nome de Ulpia Noviomagus Batavorum) alredor del s. II d. C. Nel añu 2005 cumpliéronse 2000 años de la so esistencia.
En 1678-1679 robláronse nella los Trataos de Nijmegen, que perxudicaron los intereses europeos de la España de Carlos II frente a los de Lluis XIV de Francia. Mientres la II Guerra Mundial, y por cuenta del so allugamientu estratéxicu y la so cercanía con Alemaña, Nijmegen foi la primer ciudá de los Países Baxos en ser invadida poles tropes nazis. Más palantre les tropes aliaes llanzaron delles bombes sobre Nijmegen, creyendo que bombardiaben la ciudá alemana de Kleve. Gran parte del centru de la ciudá quedó destruyíu. Foi'l centru de la Operación Market Garden, la mayor operación aerotresportada de la Segunda Guerra Mundial.
Nijmegen foi conocida dende la década de 1960 como la ciudá colorada y L'Habana del Waal. Inda na década de 1990 Frits Bolkestein referíase a Nijmegen como Marxograd nel Waal. De 2002 a 2006 el gobiernu llocal tuvo formáu puramente por partíos d'esquierda (socialdemócrates, socialistes y verdes). Dende 2010 l'alcalde ye'l democristiano Hubert Bruls (CDA), y forma el conseyu de gobiernu una coalición de los socialistes del SP, la Izquierda Verde, los socialdemócrates del PvdA y los independientes del Grupu de Nijmegen.[2]
Cultura
[editar | editar la fonte]Esta ciudá ye conocida ente los neerlandeses fundamentalmente por cuenta de la Vierdaagse, una marcha celebrada añalmente mientres cuatro díes na que participen miles de caminantes. La vierdaagse asegura a la ciudá una gran arribación de turistes y un gran beneficiu tanto económicu como cultural. Dellos edificios destaquen pola so importancia artística, como por casu la catedral protestante St. Stevenskerk, la Escuela de Llatín o'l Valkhof (llocalización qu'a lo llargo de la historia allugó un fuerte bátavo, delles obres d'inxeniería romanes y un palaciu de Carlomagno). Cabo mentar tamién el muséu Valkhof, qu'espón una combinación d'arte antiguo y modernu.
Galería
[editar | editar la fonte]-
Ruines de la carolinxa capiya Barbarossa
-
Plaza del Gran Mercáu Nijmegen,
-
L'arcu de la ilesia de San Esteban a la plaza del mercáu Nijmegen
-
Interior de la Grote of Sint-Stevenskerk, o Ilesia grande de San Esteban
Educación
[editar | editar la fonte]Universidá | Fundación | Acrónimu | Tipu | |
---|---|---|---|---|
Universidá Radboud de Nijmegen | 1923 | RU Nijmegen | Universidá pública católica |
Deportes
[editar | editar la fonte]Equipu | Deporte | Competición | Estadiu | Creación |
---|---|---|---|---|
NEC Nijmegen | ![]() |
Eredivisie | McDOS Goffertstadion | 1900 |
Persones célebres
[editar | editar la fonte]- Enrique VI del Sacru Imperiu Romanu Xermánicu, emperador.
- Pedro Canisio, santu católicu xesuita.
- Titus Brandsma, sacerdote y beatu.
- Hermanos Limbourg, pintores.
- Otto Marseus van Schrieck, pintor.
- Gerard de Xinga, grabador y cartógrafu.
- Cornelis Krayenhoff, militar ya inxenieru hidráulicu, ministru de la guerra de la República de Batavia.
- Theodorus Frederik van Capellen, contralmirante.
- Joris Ivens, realizador.
- Carlos Javier de Borbón-Parma, duque de Parma.
- Alex y Eddie Van Halen, músicos.
- Amira Willighagen,cantante.
- Joost van Leijen, ciclista.
- Jasper Cillessen, futbolista.
Referencies
[editar | editar la fonte]- ↑ URL de la referencia: https://dans.knaw.nl/nl/over/organisatie-beleid/publicaties/DANSrepertoriumnederlandsegemeenten2011.pdf.
- ↑ Burgemeester en wethouders, Gemeente Nijmegen.
Enllaces esternos
[editar | editar la fonte]
Wikimedia Commons tien conteníu multimedia tocante a Nijmegen.