Julio Iglesias
Julio José Iglesias de la Cueva (23 de setiembre de 1943, Madrid), conocíu como Julio Iglesias, ye un cantante, compositor, productor musical y empresariu español.
Carrera
[editar | editar la fonte]Foi gallardoniáu en dos causes col premiu Record Guiness. En 1983 como l'artista que más discos vendió en más idiomes nel mundu, y nel 2013 como l'artista en castellanu que más discos vendió de la historia.
Julio Iglesias ye reconocíu como'l cantante européu con más ésitu comercial a nivel internacional hasta güei, y ye unu de los diez mayores vendedores de discos na historia de la música, vendiendo más de 350 millones de los sos 80 álbumes editaos en tol mundu hasta la fecha en 14 idiomes, con más de 2.600 discos d'oru y platín certificaos.
Envalórase que mientres la so carrera Iglesias dio más de 5.000 conciertos, actuando pa unes 60 millones de persones nos cinco continentes. N'abril de 2013 el cantante foi gallardoniáu en Beijing como'l primer y más popular artista internacional en China. Coles mesmes, ye'l mayor vendedor estranxeru de discos en Brasil, Francia, Rumanía o Italia, ente otros países. N'España, ye l'artista que más vendió, con 23 millones de copies.
Julio Iglesias ganó los más importantes y prestixosos premios de la industria discográfica como'l Grammy y Grammy Llatín, World Music Award, premiu Billboard, ASCAP, American Music Award y premiu Lo Nuestro, ente otros. Foi condecoráu cola Medaya d'Oru al Méritu nes Belles Artes d'España y cola Lexón d'Honor de Francia. Foi nomáu Embaxador Especial de les Artes Escéniques d'UNICEF en 1989. Amás tien institucionalizáu'l 8 de setiembre como "Día de Julio Iglesias" en Miami dende 1997, y vese la so estrella nel Paséu de la Fama de Hollywood dende 1985. Según el llibru "Riquísimos", del periodista Jesús Salgado, Julio Iglesias ye la novena fortuna d'España, con un patrimoniu envaloráu en 5.200 millones (cinco mil doscientos millones) de dólares al añu 2009. Tuvo casáu con Isabel Preysler, y ye padre d'Enrique Iglesias, Chábeli Iglesias y Julio Iglesias Jr.
Discografía
[editar | editar la fonte]- Yo canto (1969)
- Gwendolyne (1970)
- Por una mujer (1972)
- Soy (1973)
- Und Das Meer Singt Sein Lied (1973)
- A flor de piel (1974)
- Ich Schick Dir Eine Weiße Wolke (1974)
- A México (1975)
- El Amor (1975)
- Manuela
- América (1976)
- A mis 33 años (1977)
- Aimer La Vie (1978)
- Da Manuela a Pensami (1978)
- Emociones (1978)
- A Vous Les Femmes (1979)
- Hey! (1980)
- Sentimental (1980)
- De niña a mujer (1981)
- Momentos (1982)
- 1100 Bel Air Place (1984)
- Libra (1985)
- Un hombre solo (1987)
- Non Stop (1988)
- Raíces (1989)
- Starry Night (1990)
- Calor (1992)
- Crazy (1994)
- Ao meu Brasil (1994)
- La carretera (1995)
- Tango (1996)
- Noche de Cuatro Lunas (2000)
- Una Donna Può Cambiar La Vita (2001)
- Divorcio (2003)
- L'homme que je suis (2005)
- Romantic classics (2006)
- Quelque chose de France (2007)
- México (2015)
- México & Amigos (2017)
- Dois Coracoes (2017)
Referencies
[editar | editar la fonte]- ↑ Afirmao en: Gemeinsame Normdatei. Data de consulta: 25 xunu 2015. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Internet Movie Database. Identificador IMDb: nm0002960. Data de consulta: 17 ochobre 2015. Llingua de la obra o nome: inglés.
- ↑ URL de la referencia: https://www.bocm.es/boletin/CM_Orden_BOCM/2012/04/27/BOCM-20120427-11.PDF. Data de consulta: 27 abril 2018.
- ↑ URL de la referencia: http://www.eldiario.es/cultura/Julio-Iglesias-Hijo-Predilecto-Madrid_0_359064105.html. Data de consulta: 7 ochobre 2017.
Enllaces esternos
[editar | editar la fonte]- Páxina web oficial (en castellanu, inglés, francés, italianu, portugués, alemán, rusu)
- Julio Iglesias na Internet Movie Database (n'inglés)
- Julio Iglesias en FilmAffinity (castellán)
- Julio Iglesias en Facebook
- Julio Iglesias en Twitter