Gena Rowlands
Virginia Cathryn Rowlands (19 de xunu de 1930, Cambria (es) – 14 d'agostu de 2024, Indian Wells), más conocida como Gena Rowlands, foi una atriz d'Estaos Xuníos que tuvo una carrera en cine, teatru y televisión que duró casi siete décades. Ganó cuatro Premios Emmy y dos Globos d'Oru, collaboró col so maríu John Cassavetes en diez películes, incluyendo A Woman Under the Influence (1974) y Gloria (1980), dambes valiéron-y nominaciones al Premiu de l'Academia a la Meyor Actriz. Ganó tamién l'Osu de Plata a la Meyor Actriz por Opening Night (1977). Apaeció na película de Woody Allen Another Woman (1988) y tamién na película del so fíu Nick Cassavetes The Notebook (2004). En 2021, Richard Brody de The New Yorker dixo: "L'actriz de cine más importante y orixinal del postreru mediu sieglu ye Gena Rowlands."[6] En payares de 2015, Rowlands recibió un Premiu Óscar honoríficu en reconocencia a les sos actuaciones cinematográfiques úniques.[7]
Biografía
[editar | editar la fonte]Gena Rowlands nació en Madison, Wisconsin, Estaos Xuníos, el 19 de xunu de 1930.[8] Crióse na ciudá de Cambria.[8] El so padre, Edwin Myrwyn Rowlands, yera un banqueru y llexislador, y la so madre, Mary Allen, yera una pintora nacida n'Arkansas. La so familia treslladóse a Washington, D.C. en 1939 cuando'l so padre foi xubíu al Departamentu d'Agricultura.[8] Darréu camudáronse a Milwaukee en 1942 cuando'l so padre foi escoyíu como asesor del Office of Price Administration.[8] Asistió a la Universidá de Wisconsin dende 1947 hasta 1950. En 1950, treslladóse a Nueva York pa estudiar interpretación nel American Academy of Dramatic Arts.[8] Tuvo casada col actor y direutor John Cassavetes ente'l 9 d'abril de 1954 y el 3 de febreru de 1989, cuando ésti finó.[9] Tuvo tres fíos frutu del matrimoniu, Zoe R. Cassavetes, Alexandra Cassavetes y Nick Cassavetes, siendo ésti últimu direutor de cine.[8]
![](http://upload.wikimedia.org/wikipedia/commons/thumb/2/2a/Gena-Rowlands-55.jpg/250px-Gena-Rowlands-55.jpg)
Carrera
[editar | editar la fonte]Pola so interpretación de Mabel Longhgetti en A Women Under the Influence (1974) ganó'l Globu d'Oru a la meyor actriz dramática y foi candidata al Óscar a la meyor actriz.[10] El filme foi dirixíu pol so home John Cassavetes, y la so actuación foi considerada pola revista People como una de los cien meyores interpretaciones de tolos tiempos.[8] Emanuel Levy escribió que "Rowlands ta magnífica como una ama de casa que crucia la llinia de la cordura".[11] En 1978 foi nuevamente nomada al Globu d'Oru pola so participación nel drama Opening Night.[10] Col thriller Gloria (1980) foi de nuevu candidata al Óscar y al Globu d'Oru a la meyor actriz dramática; la película tamién foi dirixida pol so maríu.[10] Variety señaló que "Gena Rowlands ta escelente como una muyer cansada que decide tomar les sos propies decisiones".[12]
La so trayeutoria nel cine siguiría con películes como Night on Earth (1991) o Something to Talk About (1995), protagonizada por Julia Roberts. En 1998 interpretó a la madre de Sandra Bullock nel drama Hope Floats; formó parte d'un repartu qu'incluyía nomes como'l d'Angelina Jolie, Ellen Burstyn y Sean Connery na comedia Playing by Heart, y trabayó con Sharon Stone en The Mighty. Darréu intervieno nel thriller Taking Lives (2004), y nel drama empobináu pol so fíu, y basáu nuna novela de Nicholas Sparks, The Notebook (2004) nel que dio vida a Allie Calhoun, personaxe que compartía en pantalla con Rachel McAdams. The Notebook ye la cinta más taquillera de la so filmografía con 115 millones de dólares recaldaos internacionalmente.[13] Al añu siguiente participó en The Skeleton Key (2005), con Kate Hudson.
Gena Rowlands trabayó en televisión en numberoses ocasiones, participando en series de televisión o telefilmes como Hallmark Hall of Fame (1983) pola que foi candidata al Globu d'Oru a la meyor actriz de repartu en serie, miniserie o telefilme.[10] En 1985 protagonizó'l telefime An Early Frost, siendo nomada al Globu d'Oru y al Emmy a la meyor actriz de miniserie o telefilme. En 1987 finalmente ganó'l Globu d'Oru a la meyor actriz de miniserie o telefilme y el Emmy a la meyor actriz de miniserie o telefilme por The Betty Ford Story, na qu'encarnaba a Betty Ford.[10][14] En 1992 volvió ser acreedora'l Emmy a la meyor actriz de miniserie o telefilme por Face of a Stranger (1991).[10] En 1993 pol so personaxe de Horona Swift en Crazy in Love llogró una nueva candidatura al Globu d'Oru. Otres intervenciones en televisión poles que Rowlands optó a los premios Emmy fueron The Color of Love: Jacey’s Story (2000) o Wild Iris, xunto a Laura Linney.[10]
Protagonizó xunto a Uma Thurman y Juliette Lewis el telefilme Hysterical Blindness (2002), ganando'l Emmy a la meyor actriz de repartode miniserie o telefilme y llogrando la so octava nominación a los Globos d'Oru.[10] Pola so interpretación del personaxe de Melissa Eisenbloom en What If God Were the Sun? (2007) foi candidata al Premiu del Sindicatu d'Actores a la meyor actriz de televisión de miniserie o telefilme y una vegada más al Emmy.[15][10] Foi la estrella convidada d'un capítulu de la serie Monk, protagonizada por Tony Shalhoub, llogrando la so octava candidatura a los premios Emmy, nesta ocasión como Primetime Emmy a la meyor actriz convidada - Serie de comedia meyor actriz convidada en serie de comedia.[10][16] Intervieno nun episodiu de NCIS en 2010.[17]
Filmografía
[editar | editar la fonte]![](http://upload.wikimedia.org/wikipedia/commons/thumb/3/37/Gena_Rowlands_1992.jpg/140px-Gena_Rowlands_1992.jpg)
Filmografía destacada en cine y televisión.[18]
- The High Cost of Loving (1958)
- Shadows (1959)
- Lonely Are the Brave (1962)
- The Spiral Road (1962)
- A Child Is Waiting (1963)
- Tony Rome (1967)
- Faces (1968)
- Machine Gun McCain (1968)
- Minnie and Moskowitz (1971)
- A Woman Under the Influence (1974)
- Two-Minute Warning (1976)
- Opening Night (1977)
- The Brink's Job (1978)
- Gloria (1980)
- Tempest (1982)
- Love Streams (1984)
- An Early Frost (1985) (TV)
- Light of Day (1987)
- Another Woman (1988)
- The Betty Ford Story (1988) (TV)
- Hollywood Mavericks (1990) (documental)
- Once Around (1991)
- Night on Earth (1991)
- Ted and Venus (1991)
- Face of a Stranger (1991)
- Crazy in Love (1992) (TV)
- Silent Cries (1993)
- Anything for John (1993) (documental)
- Something to Talk About (1995)
- The Neon Bible (1995)
- Unhook the Stars (1996) (TV)
- She's So Lovely (1997)
- Paulie (1998)
- Hope Floats (1998)
- The Mighty (1998)
- Playing by Heart (1998)
- The Weekend (1999)
- The Color of Love: Jacey's Story (2000) (TV)
- Wild Iris (2001) (TV)
- Hysterical Blindness (2002) (TV)
- Taking Lives (2004)
- The Notebook (2004)
- The Skeleton Key (2005)
- Paris, je t'aime (2006)
- Broken English (2007)
- Persépolis (2007) (voz)
- What If The God Were the Sun? (2007) (TV)
- Monk (2009) (TV)
- NCIS (2010) (TV)
- Yellow (2011)
Premios
[editar | editar la fonte]Premios Óscar
[editar | editar la fonte]Añu | Categoría | Película | Resultáu |
---|---|---|---|
2015 | Óscar honoríficu | Ganadora | |
1980 | Meyor Actriz | Gloria | Candidata |
1974 | A Woman Under the Influence | Candidata |
Premiu Globu d'Oru
[editar | editar la fonte]Añu | Categoría | Película | Resultáu |
---|---|---|---|
2003 | Meyor Actriz de repartu de serie, miniserie o telefilme | Hysterical Blindness | Candidata |
1993 | Crazy in Love | Candidata | |
1988 | Meyor Actriz de miniserie o telefilme | The Betty Ford Story | Ganadora |
1986 | An Early Frost | Candidata | |
1984 | Hallmark Hall of Fame | Candidata | |
1981 | Meyor Actriz - Drama | Gloria | Candidata |
1975 | Opening Night | Candidata | |
1974 | A Woman Under Influence | Ganadora |
Premios Emmy
[editar | editar la fonte]Añu | Categoría | Película | Resultáu |
---|---|---|---|
2009 | Primetime Emmy a la meyor actriz convidada - Serie de comedia Meyor Actriz convidada en serie de comedia | Monk | Candidata |
2007 | Meyor Actriz de miniserie o telefilme | What If the God Were the Sun? | Candidata |
2003 | Meyor Actriz de repartu de miniserie o telefilme | Hysterical Blindness | Ganadora |
2002 | Meyor Actriz de miniserie o telefilme | Wild Iris | Candidata |
2000 | The Color of Love: Jacey's Story | Candidata | |
1992 | Face of a Stranger | Candidata | |
1987 | The Betty Ford Story | Ganadora | |
1986 | An Early Frost | Candidata |
Premios del Sindicatu d'Actores
[editar | editar la fonte]Añu | Categoría | Película | Resultáu |
---|---|---|---|
2007 | Meyor Actriz de televisión - Miniserie o telefilme | What If God Were the Sun? | Candidata |
1997 | Meyor Actriz | Unhook the Stars | Candidata |
Referencies
[editar | editar la fonte]- ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: https://www.ellitoral.com/show/gena-rowlands-the-notebook-actriz-fallecido-94-anos-indian-wells-california-alzheimer-nick-cassavetes-plena-demencia_0_1VAqRNgAQO.html.
- ↑ URL de la referencia: https://www.tmz.com/2024/08/14/gena-rowlands-dead-dies-notebook/.
- ↑ URL de la referencia: https://fr.findagrave.com/memorial/273592161/gena-rowlands.
- ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ Brody, Richard (6 de marzu de 2021). «The Best Movie Performances of the Century So Far». Archiváu dende l'orixinal, el March 6, 2021. Consultáu'l 8 de marzu de 2021.
- ↑ Tim Gray (27 d'agostu de 2015). «Gena Rowlands, Spike Lee, Debbie Reynolds to Receive Governors Awards Oscars». Variety. Archiváu dende l'orixinal, el 19 de xineru de 2018. Consultáu'l 10 d'avientu de 2017.
- ↑ 8,0 8,1 8,2 8,3 8,4 8,5 8,6 «Biography of Gena Rowlands» (inglés). IMDb. Consultáu'l 9 de febreru de 2011.
- ↑ Campbell, Duncan (2 de marzu de 2001). «"Why would anyone want to see a movie about a crazy, middle-aged dame?"» (inglés). The Guardian. Consultáu'l 3 de payares de 2011.
- ↑ 10,00 10,01 10,02 10,03 10,04 10,05 10,06 10,07 10,08 10,09 Error de cita: La etiqueta
<ref>
nun ye válida; nun se conseñó testu pa les referencies nomaespremios
- ↑ Levy, Emanuel (21 d'avientu de 2006). «A Woman Under the Influence Review» (inglés). Emanuel Levy. Consultáu'l 9 de febreru de 2011.
- ↑ Variety Staff (27 de mayu de 2008). «Gloria Film Review» (inglés). Variety. Consultáu'l 9 de febreru de 2011.
- ↑ «The Notebook at Box Office Mojo» (inglés). Box Office Mojo. Consultáu'l 9 de febreru de 2011.
- ↑ Mills, Nancy (28 de febreru de 1987). «Rowlands Treasures Betty Ford» (inglés). Los Angeles Times. Consultáu'l 3 de payares de 2011.
- ↑ «Gena Rowlands & Lacey Chabert To Star in Lifetime's What If God Were The Sun?» (inglés). Star Pulsie (13 de marzu de 2007). Archiváu dende l'orixinal, el 2015-10-23. Consultáu'l 3 de payares de 2011.
- ↑ «Monk Episode - Mr. Monk and the Lady Next Door» (inglés). IMDb. Consultáu'l 9 de febreru de 2011.
- ↑ «NCIS Episode - Mother's Day» (inglés). IMDb. Consultáu'l 9 de febreru de 2011.
- ↑ «Gena Rowlands's Filmography» (inglés). IMDb. Consultáu'l 9 de febreru de 2011.
Enllaces esternos
[editar | editar la fonte]- Gena Rowlands na Internet Movie Database (n'inglés)
- Gena Rowlands na Internet Broadway Database (n'inglés)
- Gena Rowlands n'AllMovie (n'inglés)
- Wikipedia:Revisar traducción
- Muyeres
- Persones nacíes en 1930
- Persones finaes en 2024
- Actores y actrices d'Estaos Xuníos
- Actores y actrices de Wisconsin
- Ganadores del premiu Globu d'Oru
- Ganadores del Globu d'Oru a la meyor actriz de miniserie o telefilme
- Ganadores del Globu d'Oru a la meyor actriz dramática (cine)
- Ganadores del premiu Emmy
- Ganadores del premiu Óscar honoríficu