Shohreh Aghdashloo

Shohreh Aghdashloo
Vida
Nacimientu	Teḥrán, 11 de mayu de 1952 (72 años)
Nacionalidá	Irán
Familia
Casada con	Aydin Aghdashloo (1972 – 1980)
Fíos/es	1
Estudios
Llingües falaes	inglés; persa
Oficiu	actriz de teatru, actriz de cine, actriz de televisión, actriz, actriz de voz
Premios	ver Premios Emmy ; Primetime Emmy a la mejor actriz de reparto - Miniserie o telefilme (2009) : House of Saddam;
Nominaciones	ver Óscar a la meyor actriz de repartu ; (27 xineru 2004): House of Sand and Fog;
Creencies
Relixón	islam
IMDb	nm0013037

Shohreh Vaziri-Tabar (11 de mayu de 1952, Teḥrán), más conocida como Shohreh Aghdashloo, ye una actriz de teatru, actriz de cine, actriz de televisión, actriz y actriz de voz d'Irán.

Biografía

Inicio

Aghdashloo nació en Teḥrán (Irán) como Shohreh Pari Vaziri-Tabar ("Aghdashloo" ye'l nome de la familia del so ex home, el famosu pintor iranín, Aydin Aghdashloo), d'una rica familia chiíta secular. Aghdashloo empezó a actuar a los 20 años. Tres numberosos papeles como protagonista nel escenariu, ufiertáron-y el so primer papel en Gozaresh (L'informe), dirixida pol reconocíu direutor Abbas Kiarostami, que ganó'l Premiu de la Crítica nel Festival de Cine de Moscú. La so siguiente película foi Shatranje Baad (traducíu llibremente: Axedrez col vientu), dirixíu por Mohammad Reza Aslani que se proyeutó en dellos festivales de cine. Dambes películes fueron prohibíes nel so país d'orixe, pero en 1978, Aghdashloo foi aclamada pola so actuación en Sooteh Delan (Broken Hearts), dirixida pol fináu cineasta iranín Ali Hatami que la estableció como una de les actrices principales d'Irán.

Carrera

Mientres la Revolución de 1979, Aghdashloo dexó Irán por Windermere (Cumbria, Inglaterra) onde completó la so educación. Llogró una llicenciatura en Rellaciones Internacionales. Sicasí, ella siguió cola so carrera d'actriz, lo que la llevó a Los Angeles a finales de los 80. En 1987 casóse col actor y dramaturgu Houshang Touzie. Tuvieron una fía en 1989. Nos años 1990, actuó en numberoses obres de teatru, munches d'elles escrites pol so home, y principalmente dirixíes a la comunidá iranina, d'ésitu a nivel nacional ya internacional.

En 2003 participó na película House of Sand and Fog, lo que-y valió numberosos premios de la crítica d'Estaos Xuníos y una nominación a los Óscar como meyor actriz secundaria. Dende entós trabayó regularmente en diverses películes estauxunidenses, principalmente como secundaria, como por casu The Exorcism of Emily Rose (2005), The Lake House (2006) o Natividá (2006).

En 2005 tuvo un papel recurrente na cuarta temporada de la serie 24, como matriarca d'una familia de terroristes, fechu que-y valió crítiques de la comununidad musulmana ya iranina d'Estaos Xuníos, por perpetuar l'estereotipu de los musulmanes como terroristes. A pesar d'ello llogró bones crítiques pola so interpretación.

En 2008, Aghdashloo interpretó a la esposa de Sadam Husein, Sajida Hussein, na miniserie House of Saddam, papel que-y reportó un Emmy a la meyor actriz de repartu en miniserie o telefilme.

En 2009, Aghdashloo interpreta'l papel de Zahra na película The Stoning of Soraya M., lo que significa'l so primer papel protagonista nun filme en 30 años. La so interpretación recibió bones crítiques y llogró diverses nominaciones.

Filmografía selecta

Percy Jackson & the Olympians 2: The Sea of Monsters. (2013)
The Stoning of Soraya M. (2008)
The Sisterhood of the Traveling Pants 2 (2008)
House of Saddam (2008)
X-Men: The Last Stand (2006)
American Dreamz (2006)
The Lake House (2006)
Natividá (2006)
The Exorcism of Emily Rose (2005)
House of Sand and Fog (2003)

Premios

Óscar

Añu	Categoría	Película	Resultancia
2003	Meyor Actriz de repartu	House of Sand and Fog	Candidata

Emmy

Añu	Categoría	Serie, miniserie o telefilme	Resultancia
2009	Meyor Actriz de repartu en miniserie o telefilme	House of Saddam	Ganadora

Referencies

↑ Identificador CONOR.SI: 117116003. Afirmao en: CONOR.SI.
↑ Identificador IMDb: ev0000003/2004/1.
↑ URL de la referencia: https://www.latimes.com/entertainment/movies/la-xpm-2013-jun-01-la-et-mn-aghdashloo-conversation-20130602-story.html.

Enllaces esternos

Shohreh Aghdashloo na Internet Movie Database (n'inglés)
Shohreh Aghdashloo n'AllMovie (n'inglés)
Shohreh Aghdashloo en Facebook
Shohreh Aghdashloo n'Instagram
Shohreh Aghdashloo en Twitter

[ba0baf1c7457b8e7fa287d27ff4a92e61eea5a79-1] Identificador CONOR.SI: 117116003. Afirmao en: CONOR.SI.

[c1dfe48c8f16d32a75073a4e60199f075aefb408-2] Identificador IMDb: ev0000003/2004/1.

[b01c6bf7d4dc6717ae61811314531fd780212d57-3] URL de la referencia: https://www.latimes.com/entertainment/movies/la-xpm-2013-jun-01-la-et-mn-aghdashloo-conversation-20130602-story.html.

[1]

[2]

[3]