Megascops kennicottii

Megascops kennicottii;
Estáu de caltenimientu
	; Esmolición menor (IUCN 3.1)
Clasificación científica
Reinu:	Animalia
Filu:	Chordata
Clas:	Aves
Orde:	Strigiformes
Familia:	Strigidae
Xéneru:	Megascops
Especie:	M. kennicottii; (Elliot, 1867)
Distribución
Subespecies
	Ver testu.
Sinonimia
	Otus kennicottii
Consultes
	[editar datos en Wikidata]

Megascops kennicottii ye una especie d'ave de presa nocherniega nativu d'América Central y América del Norte. Pertenez al xéneru Megascops na familia Strigidae. Hai anguaño nueve subespecies reconocíes.^[2] El nome científicu conmemora'l ornitólogu estauxunidense Robert Kennicott.

Descripción

Tien un llargor de 22 cm, un valumbu de 51 cm, y pesa alredor de 150 g. Les femes suelen ser más llargues que los machos. Esisten distintes variaciones nel color del plumaxe.

Tien una cabeza redonda con guedeyes, güeyos mariellos y un picu amarellentáu. La so apariencia ye abondo similar a Megascops asio, y de cutiu ye más práuticu identificalo poles sos llamaes.^[3]

Distribución y hábitat

M. kennicottii ye nativu de Nicaragua, Costa Rica, El Salvador, Hondures, Guatemala, Méxicu, Estaos Xuníos y Canadá.^[1] El so hábitat inclúi montes templaos subtropicales y tropicales, montes montanos, carbes, desiertos, campos y xardinos rurales, ya inclusive parques y xardinos suburbanos.^[1]

Añeren en montes abiertos o montes marxinales mistos. De cutiu utilicen cuévanos d'árboles o de cactus que fueron escavaos por pájaro carpintero.

Comportamientu

Son activos mientres la nueche o al atapecer. Utilicen el so escelente oyíu y visión nocherniega p'alcontrar a les sos preses. Polo xeneral, cacen dende una percha pa llanzase sobre les sos preses. Tamién pueden prindar inseutos nel vuelu. Aliméntense principalmente de pequeños mamíferos, aves, ya inseutos grandes.

Subespecies

Hai 9 subespecies reconocíes, incluyendo la subespecie nominal:^[2]

Megascops kennicottii aikeni Brewster, 1891
Megascops kennicottii bendirei (Brewster, 1882)
Megascops kennicottii cardonensis (Huey, 1926)
Megascops kennicottii kennicottii (Elliot, 1867)
Megascops kennicottii macfarlanei Brewster, 1891
Megascops kennicottii suttoni (R. T. Moore, 1941)
Megascops kennicottii vinaceus Brewster, 1888
Megascops kennicottii xantusi Brewster, 1902
Megascops kennicottii yumanensis (A. H. Miller & L. Miller, 1951)

Referencies

↑ ^1,0 ^1,1 ^1,2 BirdLife International (2009). «Megascops kennicottii» (inglés). Llista Roxa d'especies amenazaes de la UICN 2024. Consultáu'l 2011-01-02.
↑ ^2,0 ^2,1 Sistema Integráu d'Información Taxonómica. «Megascops kennicottii (TSN 686659)» (inglés). Consultáu'l 4 d'abril de 2011.
↑ Sibley, David Allen. The Sibley Guide to Birds, ISBN 0-679-45122-6

"National Geographic" Field Guide to the Birds of North America ISBN 0-7922-6877-6
Handbook of the Birds of the World Vol 5, Josep del Hoyo editor, ISBN 84-87334-25-3

Enllaces esternos

[IUCN-1] 1,0 ^1,1 ^1,2 BirdLife International (2009). «Megascops kennicottii» (inglés). Llista Roxa d'especies amenazaes de la UICN 2024. Consultáu'l 2011-01-02.

[ITIS-2] 2,0 ^2,1 Sistema Integráu d'Información Taxonómica. «Megascops kennicottii (TSN 686659)» (inglés). Consultáu'l 4 d'abril de 2011.

[Sibley-3] Sibley, David Allen. The Sibley Guide to Birds, ISBN 0-679-45122-6

[1]

[2]

[3]