Charlotte (Carolina del Norte)

Charlotte
	flag of Charlotte (en)
Alministración
País	Estaos Xuníos
Estaos	Carolina del Norte
Condáu	condáu de Mecklenburg
Tipu d'entidá	ciudá de los Estaos Xuníos
Mayor of Charlotte, North Carolina (en)	Vi Lyles
Nome oficial	Charlotte (en)
Nome llocal	Charlotte (en)
Nomatu	Hornet's Nest (en)
Códigu postal	28201–28237, 28240–28247, 28250, 28253–28256, 28258, 28260–28262, 28265–28266, 28269–28275, 28277–28278, 28280–28290, 28296–28297, 28299, 28201, 28203, 28207, 28208, 28212, 28214, 28216, 28219, 28220, 28223, 28226, 28227, 28232, 28234, 28240, 28243, 28246, 28253, 28260, 28266, 28271, 28272, 28273, 28274, 28277, 28280, 28282, 28284, 28287, 28289 y 28296
Xeografía
Coordenaes	35°13′37″N 80°50′36″W / 35.2269°N 80.8433°O
	Charlotte Charlotte (los EE.XX.)
Superficie	796.141399 km²
Altitú	229 m
Demografía
Población	874 579 hab. (1r abril 2020)
Porcentaxe	100% de condáu de Mecklenburg
Densidá	1098,52 hab/km²
Viviendes	338 985 (31 avientu 2020)
Más información
Fundación	1768
Estaya horaria	Horariu del este de Norteamérica
Llocalidaes hermaniaes	Arequipa, Krefeld, Baoding, Vorónezh, Limoges, Wrocław, Kumasi, Hadera y Manaus
	charlottenc.gov

Charlotte, North Carolina (2019)

Charlotte ye una ciudá del estáu de Carolina del Norte (Estaos Xuníos). Ye'l centru alministrativu del condáu de Mecklenburg, y ye la mayor ciudá del estáu y la segunda mayor, tres de Jacksonville (Florida) del sureste del país. Charlotte foi, en 2014, la tercera gran ciudá del país cola mayor medría de población^[2]; nesi añu la so población estimada (U.S. Census Bureau) yera de 809.958 habitantes^[3], lo que la convertía na decimoséptima mayor del país. La so área metropolitana, pela so banda, yera esi mesmu añu la ventenu segunda mayor del país, con una población estimada de 2.537.990 habitantes^[4]. Ta encuadrada, dientro de la llista de ciudaes globales de la Globalization and World Cities Research Network^[5], como una ciudá "gamma-plus".

Charlotte ye la sede de les oficines centrales del Bank of America, y del centru d'operaciones pa los estaos de la costa este del país del bancu Wells Fargo. La presencia d'estes instituciones, y de bien d'otres de menor tamañu, faen de la ciudá el segundu mayor centru bancariu de los Estaos Xuníos^[6]. Ente les munches atraiciones de la ciudá destaquen los sos equipos deportivos profesionales: los Carolina Panthers, de la lliga profesional (NFL) de fútbol americanu; los Charlotte Hornets, de la lliga profesional de baloncestu (NBA y el Charlotte Independence, de fútbol (UFL). La ciudá agospia tamién varies carreres de la fórmula NASCAR d'automovilismu, que tien nella el so muséu, el NASCAR Hall of Fame, y tien una compañía de ballé profesional (el Charlotte Ballet), un parque d'atraiciones (Carowinds) y un centru de deportes d'agua. El so aeropuertu, el Charlotte Douglas International Airport, ye un importante nudu de comunicaciones, y foi en 2013 el ventenu terceru con más pasaxeros del mundu.

Charlotte asítiase delles milles al este del ríu Catawba y al suroeste del llagu Norman, el mayor non natural del estáu de Carolina del Norte. Hai otros dos llagos artificiales, el llagu Wylie y el llagu Mountain Island, cerca d'esta ciudá de clima subtropical húmedu.