Ver la fonte de Mu ren zhuang

[[Archivu:Mu_ren_zhuang_(Chinese_martial_arts_training_dummy).jpg|thumb|Moñecu tradicional del Wing Chun]]El '''''Muk Yan Jong''''' ([[chinu]] 木人樁, [[pinyin]]: ''mù rén zhuāng'', [[cantonés]]: ''muk yan jong'', lliteralmente “poste d'home de madera”) o '''Moñecu de madera''' (“wooden dummy” n'inglés), ye una arbía usada pal entrenamientu de les [[Artes marciales de China|artes marciales chines]]. Vencéyase al arte marcial del [[Wing Chun]] y a otros estilos sureños de [[Artes marciales de China|kung fu]]. Anque ta de suyo que se fixeren tradicionalmente de madera, anguaño estos moñecos tamién se faen de materiales modernos como aceru y plásticu.

==Nel Wing Chun==

El moñecu de madera del Wing Chun ye la forma más popular d'esta arbía. El moñecu del Wing Chun lleva encuallaos unos “brazos” y una “pierna” diseñaos pa entrenar al tiempu les habilidaes de llucha y el [[Qi|chi]].<ref>{{Cita web |url=http://wingchunmagazine.com/WingChunTeahouseSpring2006.pdf |títulu=Archived copy |urlarchivu=https://web.archive.org/web/20220106055635/http://wingchunmagazine.com/WingChunTeahouseSpring2006.pdf |fechaarchivu=2022-01-06 }}</ref> El moñecu de Ḥong Kong ye una versión d'esti montada nuna paré y colgando de dos llistones de madera que trespasen el poste. Les versiones más antigües del moñecu de madera del Wing Chun taben espetaes en suelu. El diseñu modernu ye obra de [[Yip Man]] n'[[Ḥong Kong]], al envís d'adautalu a les necesidaes de vivir nun pisu. La versión del ''muk yan jong'' del Wing Chun tien tres brazos y una pierna, representando’l cuerpu d'un adversariu en delles postures, y les llinies de fuercia que pueden surdir del cuerpu. Los llistones onde va montáu’l ''muk yan jong'' tienen una elasticidá asemeyada a la reaición involuntaria d'un adversariu humanu, y permite al prauticante entrenase absorbiendo enerxía dende la so postura. Por mor d'esta elasticidá, esti tipu de moñecu ta consideráu un moñecu “vivu”, mientres que la versión más antigua del moñecu, que nun va colingada, llámase davezu moñecu “muertu”.

==Nel Jeet Kune Do==

[[Bruce Lee]], que fuera estudiante de [[Yip Man]], tamién fixo y camudó un moñecu de madera del [[Wing Chun]] pal so conceutu de les artes marciales que llamó [[Jeet Kune Do]], tayándo-y un “pescuezu” camudáu y encuallándo-y una pierna de metal. Hai que tener en cuenta que munchos de los principios del Wing Chun son tamién centrales nel Jeet Kune Do. 
==Nel Choy Li Fut==

===Ching Jong===

El '''Ching Jong''' (moñecu contrapesáu) tien una orientación distinta de los brazos, más adautada a los movimientos de brazu del estilu [[Choy Li Fut]]. Nesta versión, l'únicu brazu superior, que sal reutu dende’l frente, muévese p'arriba y p'abaxo, tradicionalmente ancláu con una cuerda y con un pesu (d'ehí’l nome), y modernamente ancláu con un muelle na parte d'atrás. Amás los dos brazos a media altura diverxen haza fuera nuna "V", y lleva tamién un brazu más baxu que pue sustituise pola pierna del moñecu tradicional del Wing Chun. Na parte d'alantre y a los llaos lleva tamién saquinos d'arena, usaos p'acondicionar la mano y los deos, como si fuera un [[makiwara]].

===Sui Sau Jong===

El '''sui sau jong''' (moñecu de romper la mano) lleva un brazu que taraminga alredor al nivel del costazu, del que cuelguen saquinos d'arena, asina como un brazu como si fuera un rotor enriba, al nivel de la cabeza. Los brazos tán coordinaos de forma qu'al golpiar el brazu que taraminga produzse la rotación del “helicópteru” y viceversa. El propósitu principal d'esti moñecu ye entrenar reaiciones rápides pa los contrataques.

===Ma Jong===

Al aviesu d'otros moñecos, el Ma Jong (moñecu caballu) ye un moñecu movible.

La forma xeneral del moñecu ye un caballu, col cuerpu principal d'un troncu pesáu con dos montures, una alta delantre y una baxa detrás. Caúna lleva un travesañu horizontal perpendicular al troncu, con un mecanismu de muelle conectáu a les ruedes. Cuando lu empuxen p'atrás, el moñecu caballu carga p'alantre, forciando a los estudiantes a controlar el moñecu per aciu de postures acionaes. Amás, como los dos brazos horizontales xiren entrellazaos, esto tamién entrena la coordinación y la velocidá.

===Otros===

Ente otros moñecos usaos nel in Choy Li Fut tán el ''qiang bao zhuang'' (墻包樁) (sacu d'arena montáu na paré), ''sha bao zhuang'' (沙包樁) (una combinación d'un sacu d'arena pesáu conectáu a otros dos al llau por un sistema de polees), y otros moñecos mecánicos.

== Referencies ==

{{llistaref}}

==Enllaces esternos==

*[http://www.mukjongwoodendummy.com/2010/10/how-to-make-your-own-muk-yan-jong.html Cómo facer un moñecu de madera] {{Webarchive|url=https://web.archive.org/web/20110714131416/http://www.mukjongwoodendummy.com/2010/10/how-to-make-your-own-muk-yan-jong.html |date=2011-07-14 }}
*[http://web.singnet.com.sg/~firedog/Wooden_dummy/wooden_dummy.htm Moñecu de madera fechu por unu mesmu con planos]
*[http://ezine.kungfumagazine.com/ezine/article.php?article=677 Planos de Kung Fu Magazine pa facer un moñecu] {{Webarchive|url=https://web.archive.org/web/20061107084141/http://ezine.kungfumagazine.com/ezine/article.php?article=677 |date=2006-11-07 }}
*[http://www.usuarios.com/ib307618/construirm.htm Instrucciones pal Ching Jong] {{Webarchive|url=https://web.archive.org/web/20070311230309/http://www.usuarios.com/ib307618/construirm.htm |date=2007-03-11 }}


[[Categoría:Términos de les artes marciales de China]]