Xuan Carlos I d'España
Xuan Carlos Alfonsu Víctor María de Borbón y de Borbón-Dos Sicilies (5 de xineru de 1938, Roma), conocíu simplemente como Xuan Carlos I, foi Rei d'España dende 1975 hasta 2014. Dende 2014 ye rei eméritu d'España, un títulu honoríficu creáu al poco d'anunciar l'abdicación en favor del so fíu Felipe VI d'España. El 3 d'agostu de 2020 fizo públicu qu'abandonaba España por mor de la repercusión pública xenerada por «ciertos acontecimientos pasaos» de so «vida privada» n'alusión a los supuestos casos de corrupción qu'investiguen la xusticia suiza y española y qu'espublizaran dalgunos medios de comunicación.
.jpg)
_-_ribbon_bar.gif){kind=small}
_1class_Collar_BAR.svg){kind=small}
_-_ribbon_bar.gif){kind=small}
_pasador.svg){kind=small}
Biografía
editarÑetu d'Alfonsu XIII y fíu de Xuan de Borbón, Conde de Barcelona, nació en Roma, Italia'l 5 de xineru de 1938, onde taba exiliada la so familia dende la so salida d'España tres la proclamación de la II República.
Na entrevista'l 25 d'agostu de 1948 ente Franco y el Conde de Barcelona alcuérdase que'l Príncipe se tresllade a España pa cursar equí los sos estudios.
Según lo alcordao, cursó en Madrid el bachilleratu. Llueu realizó la so instrucción militar na Academia Xeneral Militar de Zaragoza (1955-1957), na Escuela Naval Militar de Marín en Pontevedra (1957-1958) y finalmente na Academia Xeneral del Aire de San Javier (Murcia) (1958-1959).
En 1962 casó con Sofía de Grecia, que caltenía, cabero col entós príncipe Xuan Carlos, una rellación familiar bona con Franco. Con Sofía de Grecia tuvo tres fíos: Elena y Cristina, infantes d'España (que yá-y dieron cinco nietos); y Felipe, Príncipe d'Asturies y heriedu al tronu.
En virtú de la Llei de Socesión a la Xefatura del Estáu de 26 de xunetu de 1947, Franco propúnxolu como'l so socesor a títulu de Rei, lo cual foi ratificao poles Cortes en xunetu de 1969, énte les cuales xuró su nomamientu y la defensa de les Llei Fundamentales.
Asumió interinamente la Xefatura del Estáu demientres el franquismu (19 de xunetu a 2 de setiembre de 1974 y 30 d'ochobre a 20 de payares de 1975), por malures de Franco. Tres de la muerte d'ésti, proclamáronlu Rei d'España el 22 de payares de 1975.
El 14 de mayu de 1977 el Conde de Barcelona, resignó a los sos derechos dinásticos históricos y la xefatura de la Casa Real na persona de Xuan Carlos, una vez que constató'l compromisu d'esti na instauración de la democracia. Con esti arrenunciu reanudábase la dinastía histórica.
Reináu
editarDemientres el so reináu aprobóse la Constitución Española (28 d'avientu de 1978) que definiendo les funciones del rei, suprime los poderes executivos otorgaos pol franquismu y convierte al rei nun monarca parllamentariu al usu n'Europa Occidental.
D'esta miente, son atribuciones constitucionales del rei: sancionar y promulgar les lleis, disolver les Cortes y convocar eleiciones, proponer y nomar al candidatu a la Presidencia del Gobiernu, exercer la xefatura suprema de les Fuercies Armaes, simbolizar la unidá del Estáu y arbitrar y moderar el funcionamientu de les instituciones.
Ún de los momentos más graves a los que tuvo que facer frente'l rei Xuan Carlos foi l'intentu de güelpe d'estáu de 23 de febreru de 1981, el conocíu como "23-F".
Esi día, demientres la investidura del candidatu a la Presidencia del Gobiernu Leopoldo Calvo Sotelo, prodúxose la toma del Congresu de los Diputaos por parte de fuercies de la Guardia Civil al mandu del Teniente-Coronel Antonio Tejero. Al empar na Capitanía Xeneral de la VI Rexón Militar (Valencia) el Teniente-Xeneral Jaime Milans del Bosch ocupó les cais de la ciudá con tanques y hubo diversos conatos n'otros puntos, tales comu la toma de los estudios de Televisión Española nel Prado del Rey (Madrid).
La intervención del Rei desautorizando'l güelpe, frenó la insurreición y contribuyó a aumentar el so carisma ente seutores políticos que hasta entós nun yeren mui afines a la forma de gobiernu monárquica.
Abdicación
editarEl 2 de xunu de 2014 anunció la so renuncia al tronu[17], dexando'l camín a la socesión al so fíu Felipe. El presidente de Gobiernu Mariano Rajoy anuncia l'aconceyamientu del Conseyu de Ministros nel día 3 de xunu col envís d'aprobar una llei orgánica que permita tramitar l'abdicación.[18]
Referencies
editar- ↑ Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: Gran Enciclopedia Soviética (1969–1978). Sección, versículu o párrafu: Хуан Карлос I. Data de consulta: 28 setiembre 2015. Editorial: Большая Российская энциклопедия. Llingua de la obra o nome: rusu. Data d'espublización: 1969.
- ↑ Identificador de persona en The Peerage: p10109.htm#i101082. Data de consulta: 7 agostu 2020.
- ↑ 4,0 4,1 4,2 Afirmao en: The Peerage. Llingua de la obra o nome: inglés. Autor: Darryl Lundy.
- ↑ 5,0 5,1 5,2 5,3 5,4 5,5 URL de la referencia: http://www.ordens.presidencia.pt/?idc=154.
- ↑ URL de la referencia: https://api.parliament.uk/historic-hansard/written-answers/1989/mar/14/british-honours-and-orders-of-chivalry. Data de consulta: 18 ochobre 2023.
- ↑ URL de la referencia: https://www.joradp.dz/JO2000/2002/065/AP9.pdf.
- ↑ Identificador del Boletín Oficial del Estado: BOE-A-1970-30228.
- ↑ URL de la referencia: https://www.boe.es/boe/dias/1971/02/20/pdfs/A02852-02852.pdf.
- ↑ Afirmao en: Suomen Valkoisen Ruusun ja Suomen Leijonan ritarikunnat. Páxina: 498. Editorial: Edita. Llingua de la obra o nome: finlandés. Data d'espublización: 2017. Autor: Antti Matikkala.
- ↑ URL de la referencia: https://doc.rero.ch/record/107817?ln=fr.
- ↑ URL de la referencia: http://kongehuset.dk/modtagere-af-danske-dekorationer.
- ↑ Tienes d'especificar urlarchivu = y fechaarchivu = al usar {{cita web}}.«Der Karlspreisträger 1982 Seine Majestät König Juan Carlos I. von Spanien» (alemán). Consultáu'l 14 avientu 2014.
- ↑ Afirmao en: Le Monde. Data d'espublización: 11 xunetu 1985. Editorial: Societe Editrice Du Monde. Llingua de la obra o nome: francés. ISSN: 0395-2037.
- ↑ URL de la referencia: https://archiv.prezident.sk/schuster/index24b1.html?372. Llingua de la obra o nome: eslovacu. Data de consulta: 22 ochobre 2021.
- ↑ URL de la referencia: https://jis.gov.jm/information/awards/order-of-excellence-oe/.
- ↑ Noticia d'EuropaPress, consultáu el 2-6-2014
- ↑ Procedimiento de una abdicación, El Pais
Enllaces esternos
editar
Wikimedia Commons acueye conteníu multimedia sobre Xuan Carlos I d'España.- Xuan Carlos I d'España na Internet Movie Database (n'inglés)
- Xuan Carlos I d'España en FilmAffinity (castellán)
| Predecesor: Alfonsu XIII |
 Rei d'España 1975 - 2014 |
Socesor: Felipe VI |
| Predecesor: Francisco Franco |
Xefe d'Estáu d'España 1975 - 2014 |
Socesor: Felipe VI |
| Predecesor: Xuan de Borbón |
Príncipe d'Asturies 1941 - 1975 |
Socesor: Felipe VI |
Datos: Q19943- Multimedia: Juan Carlos I of Spain
Cites famoses: Juan Carlos de Borbón
Testos: Autor:Juan Carlos I
