Mongolia
La República de Mongolia ye un país d'Asia enclaváu ente Rusia y República Popular China, con capital n'Ulán Bátor. Divídese en 21 rexones llamaes aymags que significa província en mongol.
.svg)
Esta definición ye del tiempu del dominiu de la dinastia Qing sobro la Mongolia Esterior.
Ulán Bátor que ye la capital tien estatutu de provincia y nella reside casi qu'una tercer parte de la xente del país.
Los mongoles son un pueblu que vive anguaño en Mongolia, en Rusia ya en China, nesti caberu país especialmente na Mongolia Interior. Actualmente hai unos 10 millones de mongoles, que falen diferentes llingües de la familia altaica. La Familia altaica ye una familia qu'enantes s'amestó cola urálica pero les caberes investigaciones separtáronles. Dáse-y esi nome pola cordillera del Altai nel Asia central.
Tien tres grupos d'idiomes: · Túrcicu · Mongol · Manchú-tungu
Dellos llingüistes proponen que'l coreanu y el xaponés pertenecen a esta familia, magar que mayormente créyese que son llingües aisllaes. Esta nación d'anguaño ye un cachu de lo que foi l'Imperiu Mongol que mandó gran parte d'Asia na dómina del sieglu XIII pero que se desainició nel final del sieglu XVII cuando foi conquistáu peles tribus nómades de la rexón china de Manchuria hasta 1911. Nun duró munchu la so indepencia porque en 1919 les tropes chines asitiáronse nel país.
Ye'l decimonovenu páis más grande del mundiu, unes 150 vegaes Asturies, pero solamente viven nél unos 3 millones de persones, lo que lu fai la nación menos poblada del mundiu (menos de 2 persones per quilómetru cuadráu). La xente ye nómada al rodiu del 30% de toos ya el 90% d'ellos son de la etnia mongola, con minoríes como la kazakhstanina.
El budismu tibetanu ye la relixón más estendía del país, xunto con Bután, les úniques naciones au esta relixón ye dominante.
Historia
editarNel primer milenariu de la nuesa era, los mongoles vivíen na Siberia Oriental. Esta situación d'alloñamientu pa coles grandes civilizaciones d'Asia, desplica que la so cultura tea poco evolucionada, al contrario que la de los turcos. A principios del segundu milenariu desplazáronse fasta'l territoriu que se diba convertir na actual Mongolia. Anque nun yeren mui numberosos (la población estímase en 200.000 persones nel apoxéu del so imperiu), los mongoles xugaron un papel perimportante na historia mundial. Agrupaos al mandu de Xenxis Can, crearon el mayor imperiu de tolos tiempos, con 35,7 millones de km² y más de 100 millones de persones baxo la so alministración. Llegaron a controlar la mayor parte de China, Corea, Indochina, Birmania, Irán, Iraq, Asia Menor, Rusia, Polonia, Hungría y parte de los Balcanes.
Sicasí, nel 1921 col sofitu de Rusia algamaríen dafechu la so independencia como nación. Proclamaríase la República Popular de Mongolia en 1924, averándose a les polítiques comunistes de la percélebre Xunión Soviética. Col desainiciu del comunismu nos entamos de los años 90 del sieglu pasáu, nel 1992 desendolcó una constitución democrática ya el país renomaríase Mongolia.
Xeografía
editarEconomía
editarDemografía
editar- 2.912.315 hab (2009 est.)
- 1.73 hab/km²
Referencies
editar- ↑ URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.
- ↑ URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.
- ↑ URL de la referencia: http://www.unesco.org/eri/cp/ListeMS_Indicators.asp.
- ↑ URL de la referencia: http://www.upu.int/en/the-upu/member-countries.html. Data de consulta: 4 mayu 2019.
- ↑ URL de la referencia: https://www.itu.int/online/mm/scripts/gensel8. Data de consulta: 4 mayu 2019.
- ↑ URL de la referencia: https://public.wmo.int/en/members/mongolia. Data de consulta: 26 mayu 2020.
- ↑ URL de la referencia: https://www.who.int/choice/demography/by_country/en/. Data de consulta: 21 xunetu 2020.
- ↑ URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 9. Supports qualifier: data de principiu.
- ↑ Aplícase a esta parte: masculín singular.
- ↑ Aplícase a esta parte: femenín singular.
Enllaces esternos
editar
| Países d'Asia | ||
| Afganistán | Arabia Saudita | Armenia | Azerbaixán | Baḥréin | Bangladex | Brunéi | Bután | Camboya | China | Corea del Norte | Corea del Sur | Emiratos Árabes Xuníos | Filipines | India | Indonesia | Iraq | Irán | Israel | Kazakstán | Kirguistán | Kuwait | Laos | El Líbanu | Malasia | Maldives | Mongolia | Myanmar | Nepal | Omán | Paquistán | Qatar | Rusia | Singapur | Siria | Sri Lanka | Tailandia | Taxiquistán | Timor Oriental | Turkmenistán | Uzbequistán | Vietnam | Xapón | Xeorxa | Xordania | Yeme | ||
