Wikipedia

Alfonsu X de Castiella

(Redirixío dende Alfonsu X)

Alfonsu X de Castiella (23 de payares de 1221, Toledo – 4 d'abril de 1284, Sevilla), llamáu «el Sabiu», foi rei de Castiella, Llión y Galicia ente 1252 y 1284, tres el Tratáu de Tordehumos.

Alfonsu X de Castiella
monarca de la Corona de Castilla (es) Traducir

1252 - 1284
← Fernandu III de Castiella - Sancho IV de Castilla (es) Traducir →
Vida
Nacimientu Toledo, 23 de payares de 1221[1]
Nacionalidá Corona de Castiella
Muerte Sevilla, 4 d'abril de 1284[1] (62 años)
Sepultura Catedral de Sevilla
Familia
Padre Fernandu III de Castiella
Madre Beatriz de Suabia
Casáu con Violante de Aragón (es) Traducir (1246 (Gregorianu) – )[2]
Pareyes María Alfonso de León (es) Traducir
Mayor Guillén de Guzmán (es) Traducir
Fíos/es
Hermanos/es
Pueblu Casa de Borgoña (es) Traducir
Estudios
Llingües falaes castellanu[4]
Oficiu escritor, astrónomu, gobernante, compositor, poeta, historiador, xurista
Premios
Xéneru artísticu poesía
Creencies
Relixón catolicismu
Cambiar los datos en Wikidata

A la muerte del so padre, Fernandu III «el Santu», volvió a entamar la ofensiva escontra los musulmanes, y ocupó Xerez (1253), afaró'l puertu de Rabat, Salé (1260) y conquistó Cádiz (c. 1262). En 1264, tuvo que faer frente a una importante revuelta de los mudéxares de Murcia y el valle del Guadalquivir. Como fíu de Beatriz de Suabia, aspiró al tronu del Sacru Imperiu Romanu Xermánicu, proyeutu al que dedicó más de la metá del so reináu ensin llograr ésitu dalgunu. Los últimos años del so reináu fueron especialmente aveseos, darréu del conflictu socesoriu provocáu pola muerte prematura del so primoxénitu, Fernando de la Cerda, y la minoridá de los sos fíos, lo qu'acabó na rebelión abierta del infante Sancho y gran parte de la nobleza y les ciudaes del reinu. Alfonsu morrió en Sevilla mientres esta revuelta, non ensin enantes desheredar al so fíu Sanchu.

Llevó una activa y beneficiosa política económica, reformando la moneda y la facienda, concediendo numberoses feries y reconociendo al Honráu Conseyu de la Mesta.

Tamién ye reconocíu pola obra lliteraria, científica, histórica y xurídica fecha pol so escritoriu real. Alfonsu X patrocinó, supervisó y, davezu, participó cola so propia escritura y en collaboración con un conxuntu d'inteleutuales llatinos, hebreos ya islámicos conocíu como Escuela de Traductores de Toledo, na composición d'una inxente obra lliteraria qu'empecipia en bona midida la prosa en castellán.

En 1935, reconózse-y como astrónomu nomando nel so honor al cráter llunar «Alphonsus».[6]

Notes

editar

Referencies

editar
  1. ↑ 1,0 1,1 Afirmao en: Gemeinsame Normdatei. Identificador GND: 11864811X. Data de consulta: 16 ochobre 2015. Llingua de la obra o nome: alemán. Autor: Biblioteca Nacional d'Alemaña.
  2. ↑ 2,0 2,1 Afirmao en: Kindred Britain.
  3. ↑ 3,00 3,01 3,02 3,03 3,04 3,05 3,06 3,07 3,08 3,09 3,10 Afirmao en: The Peerage. Llingua de la obra o nome: inglés. Autor: Darryl Lundy.
  4. ↑ Afirmao en: catálogo general de la Biblioteca Nacional de Francia. Data de consulta: 23 ochobre 2016. Editorial: Biblioteca Nacional de Francia. Llingua de la obra o nome: francés. Autor: Biblioteca Nacional de Francia.
  5. ↑ URL de la referencia: https://academia.gal/letras-galegas/1980/alfonso-x-o-sabio.
  6. ↑ Ficha del cráter lunar «Alphonsus», Gazeteer of Planetary Nomenclature Enllaz consultáu el 4 de xunetu de 2009
Sacáu de «https://ast.wikipedia.org/w/index.php?title=Alfonsu_X_de_Castiella&oldid=3751454»