برج
برج هوا مبنى مرتفع عامة بيكون طوله اكبر من عرضه,الابراج بتتبنى عشان الاستفاده من ارتفاعها وبتكون سابته على الارض لوحدها او بتكون جزء من هيكل اكبر زى الحصون والقلاع او ممكن تكون جزء من كوبرى. كلمة البرج كمان بتشمل الهياكل العاليه من السفن.بتختلف الابراج عن الصوارى فى انها مش بيكون فيها اسلاك زى اللى بتكون فى الصوارى.
تاريخها
الابراج عرفتها البشريه من قديم الازل من عصور ما قبل التاريخ. اقدم حاجه معروفه ممكن يكون البرج الضخرى الدائرى فى أسوار مدينة أريحا(8000 ق.م), من أوئل الابراج زقورات اللى بتعتبر من اشهر الامسله على المعمار السومرى من الالفيه الرابعه ق م: اشهر زقوره هيا زقوره أور اللى اتبنت فى الالفيه التالته ق.م وكمان الاتميناكى اللى بيعتبر من اشهر الامسله على المعمار البابلى واتبنى خلال الالفيه التانيه ق.م وكان بيعتبر اطول برج فى العالم القديم.
كمان فى امسله كتيره فى اسكتلندا و كرواتيا وحتت كتير تانيه وكانت الابراج بتستخدم للمراقبه لعلوها الكبير فكانت بتغطى مساحات كبيره من الارض اللى حواليها. الصينين كانوا بيستخدموا الابراج كعنصر اساسى للمراقبه من سور الصين العظيم.
ميكانيكة البرج
فيه تلت مشاكل البرج بيتعرض ليها بسبب تصميمه وهيا:
- لغاية ارتفاع معين البرج ممكن يتعمل مع دعم هيكل جانبى من النحيتين ولكن مع ذلك بعد ارتفاع معين الضغط الشديد بتاع مواد مبنى البرج من حديد واسمنت وخلافه مش هيستحملها البرج وهينهار ويتهد. ده ممكن تجنبه عن طريق تدعيم المبنى تدريجيا من هياكل جانبيه.
- الالتواء: الهيكل بتاع البرج لازم يكون فيه صلابه كافيه عشان مينكسرش تحت الضغط اللى بيتعرضله من رياح واضطرابات زلازاليه. كتير من الابراج العاليه اوى ليها هياكل دهم جنبها فى محيط المبنى وده بيزيد من قوة تحمل البرج وصلابته.
- البرج بيتعرض لرياح مختلفه فى سرعتها وقوتها وكمان الهزات والاضطرابات الارضيه, كل ده بيتم التعامل معاه بالمرونه والصلابه لمبنى البرج.
الاستخدامات
ناطحات السجاب
نوع مودرن من الابراج بيتسخدم مساحه اصغر من الارض بالنسبه للمساحه الداخليه للمبنى. ناطحات السحاب دايما مش بتتصنف على انها ابراج على الرغم من ان تصميمها وهيكلها زى الابراج بالظبط. فى الولايات المتحده الامريكيه مبنى التجاره العالمى كان الناس بيسموه البرجين التوأم.
تفوق استراتيچى
على مدار التاريخ ادت الابراج لمستخدميها ميزه كبيره فى مراقبه الارض المحيطه بالبرج وده كان بينفع فى المعارك وفى حمايه الاماكن المهمه. كانت الابراج بتتبنى كحيطان دفاعيه ضد المعتدين او كابراج هجوميه محموله للهجوم على الحصون و المدن(ابراج حصار). النهارده لسه بتستخدم الابراج فى السجون و الاماكن العسكريه للمراقبه و الحراسه.
كطاقه
عن طريق استخدام الجاذبيه لنقل المواد لتحت البرج ممكن كمان يستخدم لتخزين سوايل او مواد زى سيلوز و ابراج الميه. كمان ممكن بيستخدم البرج كادأة حفر.
تحسين الاتصالات
زمان الابراج البسيطه زى الفنارات و ابراج الاجراس و ابراج الساعات و ابراج الاشاره كانت بتستخدم للتواصل وارسال الاشارات والمعلومات لمسافات بعيده نتيجه لعلوها فبيمكن رؤيتها من بعيد. فى السنين الاخيره بيتم استخدام الابراج لتقوية اشارات التليفون المحمول والاتصالات وكمان بتستخدم لنقل الكهربا والطاقة لمسافات بعيده حيت بيتم بناء سلسله من الابراج ومد اسلاك من خلالها بيتم تمرير الكهربا للمدن المختلفه والتجمعات البشريه.
تدعيم النقل
كمان ممكن تستخدم الابراج لتدعيم الكبارى الضخمه اللى بيتم مدها على ارتفاعات عاليه او فوق المحيطات. ابراج المراقبه فى المطارات بتستخدم كدليل لتحديد مسارات الطيارات وكمان فى الملاحه الجويه.
ملحقات
 |
 |
 |
 |