انتربول

ملف:DBP 1973 759 Interpol.jpg

ورقة بوسته عليها اسم الانترپول.

مقر الانترپول فى ليون - فرنسا.

الانترپول Interpol إختصار ل البوليس الدولى International Police و الاسم بالكامل منظمة بوليس الجرايم الدوليه International Criminal Police Organization‏، هى اكبر منظمة بوليس دولى فى العالم، اتأسست فى 20 ابريل سنة 1923، و بتتكون من قوات بوليسيه من 140 بلد. بيتبادل اعضاء الانترپول المعلومات عن المجرمين الدوليين و بيتعاونو مع بعض لمكافحة الجرايم الدوليه زى جرايم تزييف الفلوس و التهريب و عمليات شرا و بيع الاسلحه بطريقه مش مشروعه و تأمين و تنمية التعاون المتبادل على اوسع نطاق بين كل سلطات البوليس الجنائى فى اطار القوانين القايمه فى مختلف البلاد و بروح الاعلان العالمى لحقوق الانسان.، و انشاء و تنمية كل المؤسسات القادره على المساهمه الفعاله فى الوقايه من جرايم القانون العام و فى مكافحتها و منع الجرايم الدوليه و كشفها، و دعم جهود البوليس فى مكافحة الاجرام العابر للحدود. و بيحتفظ افراد المنظمه بسجلات الجرايم الدوليه و بيساعدو الاعضاء فى النواحى العمليه، و بيدربو افراد البوليس و بيدوهم نصايح.

الانتربول بتديره جمعيه عموميه بحيث يكون لكل عضو حق فى التصويت، و بتنتخب الجمعيه رئيس و لجنه تنفيذيه متكونه من اتناشر عضو. المركز الرئيسى لمنظمة الانترپول اسمه السكرتاريه العموميه، و بيستخدم المركز 250 موظف و مقره الدايم فى مدينة ليون فى فرنسا و مرزها الرئيسى فى فيينا فى النمسا.

هدف المنظمه الاساسى كان مكافحة الجريمه الدوليه و معظم اعضائها كانو اوروبيين، و فى سنة 1946 اتعاد تنظيم المنظمه و اتنقلت لليون فى فرنسا سنة 1950 و كان عدد اعضائها وقتها خمسين عضو. الانترپول ليه ارع اختصاصات بتحدد مهماته الرئيسيه و هى التنسيق على المستوى الدولى، و تسهيل تبادل البيانات الجنائيه و تحليلها و تخزينها. و من اهم الجرايم اللى بيكافحها الانترپول هى جرايم المخدرات و الاجرام المالى و الاخلال بالأمن العام و الارهاب و التجاره فى البشر و ملاحقة الهربانين من العداله، و القبض ع المجرمين و تسليمهم تبع الاتفاقيات المعموله بين الدول و تنفيذ الإنابات القضائيه الدوليه.

مصادر

• المصرى اليوم، مؤسسة المصرى اليوم للصحافة و النشر، عدد 2137، 20 ابريل 2010.