عرض مصدر الاعلان العالمى لحقوق الانسان

{{مرشحه للاختيار}}
[[File:EleanorRooseveltHumanRights.png|thumb|[[الينور روزفيلت|إلينور روزڤيلت/Eleanor Roosevelt]] ماسكه النسخه ال[[لغه اسبانى|اسبانى]] من "الإعلان العالمى لحقوق الإنسان" (1949)]]

"'''الإعلان العالمى لحقوق الإنسان'''" هو الإعلان اللى إتبنّتهُ "[[الجمعيه العامه للامم المتحده|الجمعيه العامه]]" ل[[أمم متحدة|لاُمم المتحده]]. و بيتكلم عن [[حقوق الانسان|حقوق الإنسان]] الأساسيه, ال[[حقوق]] اللى لكل الناس عشان هما [[انسان|بَشَر]]. "الجمعيه العامه للاُمم المتحده" إعتمدت الإعلان فى [[10 ديسمبر]] [[1948]]. 

الإعلان العالمى لحقوق الإنسان (UDHR) [[ترجمه|متترجم]] لأكتر من 300 [[لغه]]. و ده عدد لغات أكتر من أى وثيقه تانيه بالنسبه لـ موسوعة [[جينيس]] للأرقام القياسيه.

== أهم الأفكار ==
الإعلان العالمى لحقوق الإنسان معمول من 30 ماده. كل ماده بتقول فكره عن حقوق الإنسان. معظم الناس بيعتقدو إن دول هما أهم الأفكار:
* كل الناس ليها حق ال[[حياه]] و ال[[حريه]] و الأمن.
* كل الناس ليها حق ال[[تعليم]].
* كل الناس ليها حق الحصول على شُغلانه.
* كل الناس ليها حق المشاركه فى [[ثقافه|ثقافة]] الحياه--يختارو الطريقه اللى يعيشو بيها.
* مافيش حد [[تعذيب|يتعذب]], أو يتعامل بـ طريقه متوحّشه أو طريقه مش كريمه.
* كل الناس ليها حق تكوين أفكار و آراء, عشان يقررو ايه الصح و ايه الغلط, و عشان يختارو دين.
* كل الناس ليها حق الكلام و الكتابه بـ حريه.

== مقدمة الإعلان ==
اما كان الإعتراف بـ الكرامه الأصيله فى كل أعضاء العيله البشريه و بـ حقوقهم المتساويه الثابته هو أساس الحريه و العدل و السلام فى العالم.

و اما كان نسيان حقوق الإنسان و إهانتها وصّلو لأعمال همجيه أذت الضمير الإنسانى. 

و اما كان ضرورى ان القانون يحمى حقوق الإنسان عشان ماتضطرش الناس فى النهايه إنها تتمرد على الإستبداد و الظلم.

و اما كانت شعوب الاُمم المتحده أكدت تانى فى الميثاق إيمانها بـ حقوق الإنسان الأساسيه و بـ كرامه الفرد و تقديرهُ و الحقوق المتساويه بين الرجاله والستات, و أكدت على إنها تزؤ التقدم الإجتماعى لـ قدام و على إنها تعلّى مستوا الحياه, فى جو أكبر من الحريه.

و اما كانت الدول الأعضاء إتعهدت بـ التعاون مع الاُمم المتحده على ضمن مراعاة حقوق الإنسان و الحريات الأساسيه و إحترامها.

و اما كان للإدراك العام للحقوق و الحريات دى الأهميه الكبيره للوفاء الكامل للتعهّد ده.

فـ عشان كده "الجمعيه العامه" يتنادى بـ الإعلان العالمى ده لـ حقوق الإنسان.

على إنه المستوا المشترك اللى لازم كل الشعوب و الاُمم توصللهُ, عشان كل واحد و كل هيئه فى المجتمع و هما حاطّين الإعلان ده قدام عينيهم, يبقو عايزين يشجّعو إحترام الحقوق و الحريات دى, بـ ال[[تعليم]] و ال[[تربيه]] و أخد إجراءات مضمونه, قوميه و عالميه, عشان تضمن الإعتراف بيها و حمايتها بـ صورَه عالميه مؤثّره بين الدول الأعضاء نفسها و شعوب المناطق الخاضعه لـ سلطانهم.

== البنود ==
=== البند 1 ===
كل الناس بيتولدو حرين و متساوين فى الكرامه و الحقوق. إتوهبلهم عقل و ضمير و لازم يعاملو بعض بـ روح أخويه.

=== البند 2 ===
كل إنسان له حق يتمتع بـ كل الحقوق و الحريات اللى موجوده فى الإعلان ده, من-غير أى تمييز, زى التمييز بـ سبب السلاله أو اللون أو الجنس أو اللغه أو الدين أو الرأى السياسى أو أى رأى تانى, أو الأصل الوطنى أو الإجتماعى أو الثروه أو الميلاد أو أى وضع تانى, من غير أى تفرقه بين الرجاله و الستات.

=== البند 3 ===
كل واحد له الحق فى الحياه و ال[[حريه]] و سلامتهُ.

=== البند 4 ===
ماحدش ينفع يمتلك أو يستعبد أى شخص. إمتلاك و [[تجارة العبيد]] لازم يتمنعو بـ كل أشكالهم.

=== البند 5 ===
ماحدش ينفع يتعرض لل[[تعذيب]] ولا لل[[عقاب|عقوبات]] أو المعاملات القاسيه أو المتوحشه أو اللى بتهين الكرامه.

=== البند 6 ===
كل إنسان له الحق إنهُ يعترف بيه كـ شخصي قدام القانون فى أى مكان ممكن يكون فيه.

=== البند 7 ===
كل الناس زى بعض قدام القانون و ليهم الحق فى الإستفاده بـ حمايه متساويه ليهم من-غير أى تفرقه, زى ما كلهم ليهم الحق فى حمايه متساويه ضد أى تمييز يتحيّز بالنسبه للإعلان ده, و ضد أى تحريض على تمييز زى ده.
لـ كل شخص الحق فى إنهُ يلجأ للمحاكم الوطنيه عشان تحميه من أعمال فيها إعتداء على الحقوق الأساسيه اللى القانون إدّاهالهُ.

=== البند 8 ===
كل شخص له الحق فى إنهُ يلجأ للمحاكم الوطنيه عشان تحميه من أعمال فيها إعتداء على الحقوق الأساسيه اللى القانون إدّاهالهُ.

=== البند 9 ===
ماحدش ينفع يتعرض للقبض, الحبس أو النَفى بالغصب.

=== البند 10 ===
الناس كلها ليها الحق بـ التساوى, فى تحديد حقوقها و اِلتزاماتها و أى تُهمَه جنائيه تتوجّهلها فى محاكمه عادله و علنيّه من محكمَه مستقلّه و مش متحيّزه.

=== البند 11 ===
# كل شخص متهم بـ جريمه بيعتبر برىء لحد ما تتثبت إدانتهُ بـ القانون, فى محاكمَه علنيّه بتأمّنلهُ فيها الضمانات الضروريه للدفاع عنهُ.
# ماحدش يتدان عشان عمل حاجه أو إمتنع عن إنه يعملها, إلاّ لو كان ده بيعتبر جريمه بالنسبه للقانون الوطنى أو الدولى, وقت الإرتكاب. و بردو, ماتقعش عليه عقوبه أشد من اللى كان يجوز توقيعها وقت إرتكاب الجريمه. 

=== البند 12 ===
ماحدش يتعرض لـ تدخّل إجبارى فى حياتهُ الخاصّه أو عيلتهُ أو بيتهُ أو مراسلاتهُ أو لـ حملات على شرفهُ و سمعتهُ. و كل واحد له الحق فى حماية القانون من تدخّل زى ده أو الحملات دى.

=== البند 13 ===
# كل واحد له حرية النقل و إختيار مكان عيشتهُ جوّا حدود كل دوله.
# كل واحد له الحق إنهُ يسافر أى بلاد بما فيها بلدهُ, زى ما له الحق إنهُ يرجعلها.

=== البند 14 ===
# كل واحد له الحق إنهُ [[حق اللجوء|يلجأ]] لـ بلاد تانيه أو يحاول يهرب ليها من الإستقصاد.
# مابينتفعش بـ الحق ده اللى جه للمحاكمه فى جرايم مش سياسيه أو عشان أعمال بتناقض أهداف [[أمم متحدة|الاُمم المتحده]] و مبادئها.

=== البند 15 ===
# كل واحد له الحق إنهُ يتمتّع بـ جنسيه معيّنه.
# مايجوزش حرم شخص من جنسيتهُ بـ الغصب أو إنكار حقهُ فى تغييرها. 

=== البند 16 ===
# لما الراجل و الست يوصلو لـ سن الجواز, عندهم حق الجواز و تأسيس عيله من-غير أى تقييد بـ سبب الجنس أو الدين. و ليهم حقوق متساويه عند الجواز و وقت الجواز و بعد لَغيهُ.
# مايتعملش عقد الجواز إلا بـ رضا الطرفين اللى عايزين يتجوزو رضا كامل مافيش إكراه فيه.
# العيله هى الوِحده الطبيعيه الأساسيه للمجتمع و ليها حق التمتع بـ حماية المجتمع و الدوله. 

=== البند 17 ===
# كل شخص له حق التملّك لواحدهُ أو بـ الإشتراك مع غيرهُ.
# مايجوزش حرم واحد من ملكهُ بالغصب.

=== البند 18 ===
كل شخص له الحق فى [[حرية التفكير]] و الضمير و الدين. و كمان حرية تغيير [[دين|ديانتهُ]] أو عقيدتهُ, و حرية الإعتراف بيهم بـ التعليم و الممارسه و إقامة الشعائر و مراعاتها سواء كان ده سر أو مع الجماعه.

=== البند 19 ===
كل شخص له الحق فى حرية الرأى و التعبير; و كمان حرية إعتناق الآراء من-غير أى تدخل، و يدوّر و يستقبل و يتكلّم عن المعلومات و الأفكار بأى وسيله من-غير التقييد بـ الحدود ال[[جغرافيا|جغرافيه]].

=== البند 20 ===
# كل شخص له الحق فى حرية المشاركه فى الجمعيات و الجماعات المسالمه.
# مايجوزش غصب حد على الإنضمام لـ جمعيّه معيّنه.

=== البند 21 ===
# كل واحد له الحق فى المشاركه فى إدارة المسئوليات العامه لـ بلدهُ بـ طريقه مباشره ياإما عن طريق ممثلين بيختارو إختيار حُر.
# كل شخص له نفس الحق اللى عند غيرهُ انه يمسك المنصب العام فى بلدهُ.
# إرادة الشعب هى مصدر سلطة ال[[حكومه]], و بيتعبّر عن الإراده دى بإنتخابات نزيهه كل شويه, بتتعمل على أساس القُرعه السريّه و على أساس المساواه ما بين الكل أو حسب أى إجراء زيّهُ بيضمن حرية ال[[تصويت]].

=== البند 22 ===
كل واحد, ''كـ فرد فى المجتمع'', له الحق فى الأمانه الإجتماعيه, ''عن-طريق المجهودات القوميه و التعاون الدولى - بالنسبه للتنظيم و الموارد لـ كل دوله''; لازم يبقى عارف الحقوق ال[[اقتصاد|إقتصاديه]] و ال[[مجتمع|إجتماعيه]] و ال[[ثقافه|ثقافيه]] بتاعتهُ, ''اللى مافيش غـِنا عنها عشان كرامتهُ و عشان النمو الحُر لـ شخصيتهُ.''

=== البند 23 ===
# كل شخص له الحق فى الشُغل, و له حرية إختيار شُغلانتهُ, بـ شروط عادله و حقّانيّه, زى ما له حق الحمايه من البطاله ''(العواطلانيّه)''.
# كل نفر ''من-غير أى تمييز'' له الحق فى مُرتّب متساوى للشغلانَه.
# كل نفر بيشتغل, له الحق فى الحقانيّه فى مُرتّب عادل, تضمنلهُ هو و عيلتهُ عيشه بتليق بـ كرامة الإنسان, و تتزوّد, عند اللزوم, عن-طريق وسائل الحمايه الإجتماعيه.
# كل شخص له الحق فى إنهُ يعمل و ينضم لـ نقابات عشان يحمى مصلحته.

=== البند 24 ===
كل شخص له الحق للراحه و وقت فراغ, و بردو فى تحديد وقت معقول لـ ساعات الشغل و فى "أجازات-كل-شويه" مدفوعه.

=== البند 25 ===
# كل شخص له الحق فى مستوى عيشه كافى عشان يحافظ على ال[[صحه]] و الرفاهيه له و لـ عيلتهُ. و ده معاه, ال[[تغذيه]] و ال[[لبس]] و ال[[سكن]] و ال[[عنايه الطبيه]] و بردو [[الخدمات الاجتماعيه|الخدمات الإجتماعيه]] اللى لازمه. و له الحق فى [[تأمين]] عيشتهُ فى حالات البطالة ''(العواطلانيه)'' و ال[[مرض]] ''(عَيَه)'' و ال[[عجز|عَجز]] و التَرَمّل ''(العيشه من-غير جوز)'' و ال[[شيخوخه]] و غير الحالات دى زى خسارة وسايل العيشه نتيجة ظروف مش بإرادتهُ.
# الاُمومه و الطفوله عندها الحق فى مساعده و رعايه خاصه. و كل العيال يبقو محميين بـ نفس الحمايه الإجتماعيه, سواء كانت ولادتهم من جواز قانونى أو بـ طريقه مش-قانونيه.

=== البند 26 ===
# كل شخص له الحق فى التعلم. و لازم يكون التعليم فى مراحلهُ الأولانيه و الأساسيه على الأقل [[مجانى]], و ان يكون التعليم الأساسى [[اجبارى|إجبارى]] و لازم يكون فيه تعليم فنى و مهنى ''(شغلاناتى)'', و ان يتسهّل القبول لل[[تعليم عالى|تعليم العالى]] على أساس المساواه الكامله للكل و على أساس الكفاءه.
# التربيه لازم تهدف لـ تنمية شخصية الإنسان نمو كامل, و تزييد إحترام الإنسان و الحريات الأساسيه و تنمية التفاهم و التسامح و الصحوبيه بين كل الشعوب و الجماعات العنصريه أو الدينيه, و تزييد مجهود [[امم متحده|الاُمم المتحده]] عشان تخلّى السلام.
# الأبهات عندهم الحق الأولانى فى إختيار نوع تربية ولادهم.

=== البند 27 ===
# كل واحد له الحق فى إنهُ يشترك إشتراك حُر فى الحياه الثقافيه للمجتمع و فى الإستمتاع بـ ال[[فن]]ون و المشاركه فى التقدم ال[[علم]]ى و الإستفاده من نتايجهُ.
# كل واحد له الحق فى حماية المصالح ال[[ادب|أدبيه]] و الماديه بتاعتهُ اللى عملها.

=== البند 28 ===
كل واحد له من حقهُ نظام إجتماعى دولى يحققلهُ الحقوق و الحريات اللى مكتوبه فى الإعلان ده, بـ تحقيق كامل.

=== البند 29 ===
# كل واحد عليه واجبات للمجتمع اللى شخضيتهُ بتقدر تنمو فيه نمو حُر و كامل.
# الواحد فى ممارسة حقوقهُ, بيتقيد بـ قيود زى اللى موجوده فى القانون بس; عشان يضمن الإعتراف و الإحترام و الحريات لـ حقوق الباقيين, و عشان يتحقق المطلوب للعَدل للنظام العام و للمصلحه العامه و للأخلاق, فى مجتمع ديموقراطى.
# مايصحش فى أى حاله من الأحوال ان تتمارس الحقوق دى ممارسه تتناقض مع أهداف و مبادئ [[امم متحده|الاُمم المتحده]]. 

=== البند 30 ===
مافيش فى الإعلان ده نَص ينفع يتحوّر على إنهُ يدّى لـ دوله أو جماعه أو فرد, أى حق فى عمل نشاط أو عمل, هدفهُ هَد الحقوق و الحريات اللى موجوده فيه.

== النقد ==
=== نقد الاسلاميين ===

دول اسلاميه زى [[السودان]] و[[باكستان]] و[[ايران|إيران]] و[[المملكه العربيه السعوديه|السعوديه]] انتقدو الاعلان العالمى لحقوق الانسان لإنه من وجهة نظرهم مش بيتماشى مع ثقافة ودين الدول الاسلامية اللى مش بتعترف بالمساواه بين الراجل والست ولا بحرية تغيير الانسان لدينه. وفـ سنة 1982 أعلن ممثل إيران فى الأمم المتحده سعيد رجائي خراساني موقف بلاده من الاعلان العالمى لحقوق الانسان، وقال إن الاعلان العالمى لحقوق الانسان كان "فهم علمانى للمعتقدات اليهودية والمسيحية" ومش ممكن المسلمين يطبقوه من غير تعدي على الشريعه الاسلاميه. وفـ 30 يونيو سنة 2000 قرر اعضاء [[منظمة المؤتمر الإسلامى]] الموافقه على [[اعلان القاهرة لحقوق الانسان فى الاسلام]]، ويعتبر الاعلان ده وثيقة بديله للاعلان العالمى لحقوق الانسان خاصه بالدول الاسلاميه. الوثيقه بتقول إن للناس الحق فى الحرية والحق فى حياة كريمة حسب أحكام الشريعه الاسلاميه، لكن مش بتعترف بحرية تغيير الدين، ولا مساواة الست بالراجل، ولا بالحيادية عند مقارنة الأديان.

== مصادر ==
* الإعلان العالمى لحقوق الإنسان; [[انجليزى|إنجليزى]]: [http://www.un.org/en/documents/udhr/index.shtml] [http://www.unhchr.ch/udhr/lang/eng.htm]; [[عربى قياسى حديث|عربى]]: [http://www.un.org/arabic/aboutun/humanr.htm] [http://www.unhchr.ch/udhr/lang/arz.htm].

== لينكات ==
* [[ويكى مصدر|ويكى-مصدر]] فيه نَص أصلى متعلق بـ المقاله دى ([[wikisource:en:Universal Declaration of Human Rights|Universal Declaration of Human Rights]], [[wikisource:ar:الإعلان العالمي لحقوق الإنسان|الإعلان العالمى لحقوق الإنسان]])

[[تصنيف:حقوق الانسان|اعلان عالمى]]