Domingo de Ramos
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](http://upload.wikimedia.org/wikipedia/commons/thumb/b/b1/Giotto_-_Scrovegni_-_-26-_-_Entry_into_Jerusalem.jpg/250px-Giotto_-_Scrovegni_-_-26-_-_Entry_into_Jerusalem.jpg)
O Domingo de Ramos ye o primer día d'a Semana Santa cristiana, periodo en que os cristianos remeran a Pasión, Muerte y Resurrección de Chesús de Nazaret. Prencipia remerando a Dentrata de Chesús en Cherusalem. Seguntes os Evanchelios Chesús dentró en a ciudat de Cherusalem amontato sobre una burreta chunto con os suyos disciplos en a Pascua Chodiga. A ciudat recibió a Chesus con gran goyo, con brancas de olivera y palmas ta dar-le a bienplegata.
A calendata de celebración varía cada anyo, siempre arredol d'os meses de marzo y abril.
A Liturchia d'o Domingo de Ramos
As ceremonias liturchicas d'ixe día prencipian con a bendición d'as palmas y brancas d'olivera u laurel que levan en as suyas mans os fiels, remerando o pasache evanchelico. Mientres a ceremonia d'a misa se leye tot o relato d'a Pasión.
Se'n fuoron os disciplos y facioron o que lis heba dito Chesús; y bi trayioron a somera y o pullín, y metioron dencima d'éls os mantos, y dencima d'istos amontó Chesús. A mayoría d'a moltitut estendillaba os suyos mantos por o camín, mientres que uns atros, tallando brancas d'arbols, las espardiban por a rullada. A moltitut que lo precedeba y a que lo siguiba, chilaba, dicindo: -Viba lo Fillo de Davit! -Bendito lo que viene en nombre d'o Sinyor! (Sal 118, 25,-26). -Salva-mos dende l'alto d'o ciel! Y cuan dentró en Cherusalem, tota la ciudat d'estremoleció y deciba: -Qui ye iste?
Y a moltitut respondeba: -Iste ye o profeta Chesús o de Nazaret de Galileya, (Mt 21, 1-11)[1]Celebracions en Aragón
![](http://upload.wikimedia.org/wikipedia/commons/thumb/6/62/Domingo_de_Ramos%2C_Cofrad%C3%ADa_de_la_Entrada_%28Zaragoza%29.jpg/250px-Domingo_de_Ramos%2C_Cofrad%C3%ADa_de_la_Entrada_%28Zaragoza%29.jpg)
En toda a cheografía aragonesa se fan procesions conmemorando os feitos que recentan os Evanchelios. A sobén as cofadrías, que levan palmas, s'encargan de portiar un paso que representa a escena d'a dentrata de Chesús en Cherusalem.
En Zaragoza ye a Cofradía de la Entrada de Jesús en Jerusalén qui fa a procesión de Domingo de Ramos u Procesión d'as Palmas, portiando o paso de La Entrada de Jesús en Jerusalén conoixito popularment como La Burreta. Atras cofadrías tamién fan procesions en Zaragoza como a Estación de Penitencia (Humildad), Vía Crucis (Coronación y Humillación), Procesión d'o Treslato (Columna), Procesión d'a Dolor d'a Mai de Dios (Prendimiento), Procesión d'o Nazareno (Nazareno) u o Vía Crucis Parroquial (Silencio y Esclavas).
En Balbastro, Semana Santa d'Interés turistico d'Aragón, procesiona a Cofadría de San José (La Burreta).
En Uesca a procesión, declarata Fiesta d'Intrés turistico d'Aragón, ye organizata por l'Archicofradía de la Vera Cruz, establita en 1587.[2]
Ye tradición tamién que os ninos leven ta a ilesia palmas con lamins penchatos, que o mosén bendecirá.
Referencias
- ↑ Os cuatre Evachelios d'o nuestro Sinyor Chesucristo, traducción de mosén Pedro Recuenco Caraballo
- ↑ Semana Santa en Aragón
![]() | |
Viernes de Dolors | Sabado de Pasión | Domingo de Ramos | Lunes Santo | Martes Santo | Miércols Santo | Chueves Santo | Viernes Santo | Sabado Santo | Domingo de Pascua |