José Luis Torrente

Plantilla:Grafía 87 José Luis Torrente ye o presonache prenzipal d'una saga de peliculas d'abenturas en tono d'umor dirichitas e protagonizatas por Santiago Segura (Torrente: El brazo tonto de la ley, Torrente 2: Misión en Marbella' y Torrente 3: El Protector). Ye un presonache de carauter antieroye con o que Santiago Segura quiere retratar l'alma fosca d'o espanyol meyo.

Torrente ye un polizía corruto e cutre, con fama d'estar muito suyizo. Ya ne tien arredol d'os 50, ye prou obeso e ye calbo. Ye neofaxista més que franquista, e hooligan d'o suyo equipe, l'Atlético de Madrid. Ye masclista, razista, adito á lo secso con prostitutas e alcolico. A presonalidat e los ambients en os que ye a sobén, por a suya naturaleza laboral, miran d'estar desagradables de tot pa que os espeutadors se'n arrigan con as suyas trazas d'autuar, zaforas, egoistas, e groseras, unas trazas dica zierto punto comparables con as peliculas d'Eddie Murphy. Lo forachitoron d'a Polizía por a suya conduta e trastornos mentals.

A tamas d'a suya "manca de balors", daría "cualsiquier cosa" por o suyo país e tamién por as suyas afizions, l'Atlético de Madrid u o Fary.