José Luis Torrente

José Luis Torrente ye o presonache prenzipal d'una saga de peliculas d'abenturas en tono d'umor dirichitas e protagonizatas por Santiago Segura. Ye un presonache de carauter antieroye con o que Santiago Segura quiere retratar l'alma fosca d'o español meyo.

Torrente ye un polizía corruto e cutre, con fama d'estar muito suyizo. Ya ne tien arredol d'os 50, ye prou obeso e ye calbo. Ye neofaxista més que franquista, e hooligan d'o suyo equipe: L'Atletico de Madrid. Ye masclista, razista, adito a lo secso con prostitutas e alcolico. A presonalidat e los ambients en os que ye a sobent, por a suya naturaleza laboral, miran d'estar desagradables de tot pa que os espeutadors se'n arrigan con as suyas trazas d'autuar, zaforas, egoistas, e groseras, unas trazas dica zierto punto comparables con as peliculas d'Eddie Murphy. Lo forachitoron d'a Polizía por a suya conduta e trastornos mentals.

A penar d'a suya "manca de balors", daría "cualsiquier cosa" por o suyo país país e tamién por as suyas afizions, L'Atletico de Madrid u o Fary.