Man Without a Star
Man Without a Star (títol en anglés, en aragonés Hombre sin estrela, enguerada en Aragón con o títol en castellano de La pradera sin ley, en aragonés A pradera sin lei) ye una cinta de cine de western de l'anyo 1955 de cine estausunidense dirichida por King Vidor seguntes un guión adaptau por Borden Chase y D.D. Beauchamp (basau en una novela de Dee Linford), con una banda sonora orichinal de Hans Salter y Herman Stein, una dirección de fotografía de Russell Metty, una producción cinematografica d'Aaron Rosenberg ta la productora cinematografica Universal Pictures y un elenco d'actors d'o cual en fan parte, entre d'atros, Kirk Douglas, Jeanne Crain, Claire Trevor, William Campbell, Richard Boone, Jay C. Flippen, Myrna Hansen, Mara Corday, Eddy C. Waller, Sheb Wooley, George Wallace, Frank Chase, Paul Birch, Roy Barcroft, William Challee y Malcolm Atterbury.
Dempsey Rae viacha en o ferrocarril dende Wyoming enta Kansas City y salca a un choven, Jeff Jimson, de morir atropellau por o tren. Dimpués veyen cómo asasinan a un hombre y creyen que Jeff ye lo culpable pero Dempsey consigue demostrar qui ye l'asasino. En ixe lugar lis fan a oferta de treballar en un gran rancho y acceptan. Bien luego descubren que lo propietario d'o rancho no ye como pensaban un hombre, so que una muller que ye bien angluciosa y pretende augmentar o suyo vacumen con 5.000 animals. Encara que o lugar a on las quiere alimentar ye pastura libre sin propietario se troba con a oposición d'un chicot propietario que heba decidiu reservar ixas pasturas ta michar os suyos animals d'hibierno y que fa un arambrau con arambre de pugas. Dempsey ye enemigo de raso d'ixos cercaus porque él mesmo ye marcau por haber-se enredau en un y porque en ixe momento matoron a lo suyo chirmano.
A cinta s'ambienta en bel momento indeterminau de finals d'o sieglo XIX en Missouri y las suyas escenas se filmoron en localidaz d'Arizona y California (incluyius os Universal Studios en Universal City).[2]
| Actor | Papel | Notas |
|---|---|---|
| ' |
Se veiga tamién
editarReferencias
editar
Datos: Q1523236
