Trommle
E Trommle isch äs Rythmusinstrumänt, dur en Schlag mitemene Holzstock, de Hand oder em Striiche mitemene Bäse wird en, meist knallähnliche, Ton erzüügt.
Bauform
[ändere | Quälltäxt bearbeite]Trommle sind Zylinder wo uf einere oder beide Siite mitemene Fääli (Membran) bespannt sind. S Zylindermaterial isch meischt Holz oder Metall. S Fääli chan us Kunststoff oder Tierfell si. Ebefalls werded zur Klangveränderig au amel no Saitene oder sogenannti Schnarrtepich iibouet wo de Klang vo de Trommle wesentlich beiiflusset.
Trommelarte
[ändere | Quälltäxt bearbeite]![](http://upload.wikimedia.org/wikipedia/commons/thumb/4/46/2006-07-06_snare_14.jpg/220px-2006-07-06_snare_14.jpg)
![](http://upload.wikimedia.org/wikipedia/commons/thumb/6/6c/Bass_drum.jpg/220px-Bass_drum.jpg)
Baslertrommle sind z Basel entschtande. Über ämene Holzzylinder isch äs Fäll gschpannt, wo us Kunschtschtoff oder Tierfäll bestaht. Zäme mit äme Seil ziehnd zwei Holzring d Fäll gägenenand. Mit Läderring chammer s Seil no meh schpanne, dass d Fäll härt wärdet. Unde häts noh Saite, wohs för die Trommelart typische Scheppere erzüügt. Die Saite chammer ebefalls mit Rädli a dä Siite aazieh.
Snare drum (au chlini Trommle oder Marschtrommle) wird be jedem Schlagzüüg iigsetzt. Si hed zwei Fääli wo meist überemene Metallzylinder mit Metallring durch Schruube gspannt wärdet. Aaligend a di under Membran isch en Schnarrteppich plaziert, er cha bi Bedarf aazoge, Trommle schäppered denn, oder lugg gloh werde.
Bass drum (au grossi Trommle, oder Pauke) staht be jedem Schlagzüüg unde ide Mitti, und wird mitemene Fuesspedal gspilt. Si wird aber au be de Marschmusig verwändet, wo si mit Schultergürt treit wird und vo beidne Siite mit Stöck gspilt wird. D Hauptfrequenz liit be öppe 100 Hertz.
Toms sind ähnlich ufbauet wie d Snare drum, sind aber nume eisitig bespannt und ohni Schnarrteppich, bem Schlagzüüg werde meistens drüü Stuck verwändet.
Handtrommle werde mit de Hand gspillt und gits i verschidene Uusfüehrige. Sehr oft werde si i de afrikanische oder südamerikanische Musig verwändet.
Lingg
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)