Rüdiger Manesse der Ältere
Erscheinungsbild
![](http://upload.wikimedia.org/wikipedia/commons/thumb/1/11/R%C3%BCdiger_II_von_Manesse.jpg/220px-R%C3%BCdiger_II_von_Manesse.jpg)
Der elter Rüdiger Manesse, wo im drizääte Joorhundert uf d Wält choo und am 5. Septämber 1304 z Züri gstorben isch, isch e Ritter und Rootsherr gsi.
Er isch us emene Adelsgschlächt vo Züri gsi, und me weiss, ass er ane 1264 als Stadtbürger ufgnoo worden isch. 1268 isch er in Root vo dr Stadt choo, und er chunt i de Kwelle vo dr Gschicht i säber Zyt immer wider vor.
Dr Manesse isch bekant für syni Fröid a der Kunscht vom Minnesang. Er het bekanti Lieder vo de Sänger us synere Zyt gsamlet. Mit sym Soon het er e bedüütendi Liedersamlig zämegstellt, wo hüt als Codex Manesse oder Heidelberger Liederhandschrift berümept isch.
So isch er eini vo de bedüütende Figuure us dr Afangszyt vo dr Stadtzürcher Literaturgschicht.
Literatur
[ändere | Quälltäxt bearbeite]- Max Schiendorfer: Manesse, Rüdiger II.. In: Historisches Lexikon vo dr Schwiiz.
- Georg von Wyß: Manesse, Rüdiger. In: Allgemeine Deutsche Biographie (ADB). Band 20, Duncker & Humblot, Leipzig 1884, S. 188 f.
- Rudolf Gamper: Manesse, Rüdiger d. Ä.. In: Neue Deutsche Biographie (NDB). Band 16, Duncker & Humblot, Berlin 1990, ISBN 3-428-00197-4, S. 23 f.