Golf vo Bengale
Golf vo Bengale Baṅgopasāgar | ||
---|---|---|
Fischerboot vor St. Martin, ere Insle vo Bangladesch | ||
Gwässer | Randmeer | |
Geographischi Laag | in mathematical expression, function#parameter max()#1 (trunc(*1000))_region:XI_type:waterbody&pagename=Golf_von_Bengalen&language=de 15° 0′ 0″ N, 88° 0′ 0″ O | |
Flechi | ≈ 2.171.000 km² | |
Grössti Wasserdiefi | 4694 m | |
Middleri Wasserdiefi | 2600 m | |
Insle | Sri Lanka und meereri Inselgrubbe | |
Zueflüss | Ganges, Brahmaputra | |
![]() |
Dr Golf vo Bengale (bengalisch: বঙ্গোপসাগর baṅgopasāgar; indonesisch Teluk Benggala; Hindi: बंगाल की खाड़ी baṅgāl kī khāṛī; malaysisch Teluk Bengal; thailändisch: อ่าวเบงกอล) isch e nordöstligs Randmeer vom Indische Ozean mit ere Flechi vo öbbe 2'171'000 km². Er isch 2090 km lang und bis zu 1610 km bräit und het grob gsee d Form vom ene Dreiegg. Im Durchschnitt isch dr Golf 2600 Meter dief und maximal 4694 Meter. Er drennt d Landmasse vom indische Subkontinänt vo dr Halbinsle Hinderindie. S Klima isch vom Monsun brägt. Bsundrigs in dr Region si e Räije vo Schlammvulkan und die grösste Mangrovewälder uf dr Wält, wie d Sundarbans.
Dr Golf vo Bengale wird im Weste vo Sri Lanka und Indie begränzt, im Norde vo dr Region Bengale, wo im Golf dr Naame gee het und wo us em Staat Bangladesch und em indische Bundesstaat Westbengale bestoot, und im Oste vo Myanmar, Thailand und Indonesie. Im Süde isch er mit em Indische Ozean verbunde; as Gränze zwüschen em Golf und em Ozean cha mä d Linie zwüschen em Südspitz vo Sri Lanka und em Nordspitz vo dr indonesische Insle Sumatra nee.
Hääfe
[ändere | Quälltäxt bearbeite]Chittagong und Mongla in Bangladesh, Chennai (Madras) und Kolkata (Kalkutta) z Indie und Yangon (Rangun) in Myanmar, si die grösste Hääfe. Witeri indischi Hääfe befinde sich in:
- Kakinada im Distrikt Ost Godavari
- Pondicherry
- Visakhapatnam
- Odisha (Orissa)
Weblingg
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
![]() |
Dä Artikel basiert uff ere fräie Übersetzig vum Artikel „Golf_von_Bengalen“ vu de dütsche Wikipedia. E Liste vu de Autore un Versione isch do z finde. |