George Washington Jones (Politiker, 1828)
![](http://upload.wikimedia.org/wikipedia/commons/thumb/6/68/George_Washington_Jones_%28Texas_Congressman%29.jpg/170px-George_Washington_Jones_%28Texas_Congressman%29.jpg)
Dialäkt: Mìlhüüserdiitsch |
Dr George Washington Jones (* 5. Septamber 1828 ìm Marion County, Alabama; † 11. Jüüli 1903 z’ Bastrop, Texàs) ìsch a US-àmerikànischer Politiker gsìì. Vu 1879 bis 1883 hàt’r dr Bundesschtààt Texàs ìm Represantàntahüüs vu da Verainigta Schtààta vertratta. Ar ìsch àui Vìzagouverneur vum Texàs gsìì.
sii Laawa un Kàrriar
[ändere | Quälltäxt bearbeite]Dr George Washington Jones ìsch ànna 1828 ìm Norda vum Bundesschtààt Alabama-n-uff d’ Walt kumma. Noch ìn siinera Jugend hàt’r mìt siina Äältra ìns Tipton County ìm Tennessee gwàndelt, un d’rnooh uff Bastrop ìm Texàs. Ar ìsch ìn siinera jewilliga Haimet ìn d’ äffentliga Schüala gànga. Ar hàt d’rnooh Racht gschtudiart un ìsch ànna 1851 àls Rachtsànwàlt züagloo worra. Àls Ànwàlt hàt’r z’äärscht z’ Bastrop gschàfft. Ànna 1853 hàt’r Àbgoordnet’r ìm Represantàntahüüs vum Texàs wälla wara, ìsch àwwer àn dr Wàhl knàpp gschlààga worra. Ànna 1856 ìsch’r jedoch Bezirksschtààtsànwàlt worra. Obwohl’r pärseenlig d’ Unioon unterschtìtzt hàt, hàt’r wahrem Bìrgerkriag ìm Heer vu dr Konfederàzioon diant. Doo ìsch’r z’äärscht aifàcher Soldààt gsìì, àwwer ìsch àm 9. Jüüni 1862 Löitnànt ìm 17. Infàntriiregimant vum Texàs worra. Ìm Septamber 1864 ìsch’r àls Owerscht vu dr Infàntrii befäärdert worra. Noh-n-em And vum Kriag ìsch’r ànna 1866 Mìtglììd ìn’ra Versàmmlung gsìì, wo d’ Schtààtsverfàssung verschàfft hàt. Vu 1866 bis 1867 ìsch dr Jones Vìzagouverneur vum Texàs gsìì, mìt’m James W. Throckmorton àls Gouverneur. Üss dam Àmt ìsch’r äntloo worra, wial’r politischa Mainungsunterschììda vum Militäärbefehlshààwer, em Generààl Philip Sheridan, ghàà hàt — dr Generààl hàt gsajt, àss’r a „Hìnderniss zem Wììderuffbàui“ vum Texàs gsìì-n-ìsch.
Ìn Politik ìsch dr Jones Mìtglììd ìn dr Greenback Party gsìì. Bii da Kongrasswàhla ànna 1878 ìsch’r ìm fìmfta Wàhlbezirk vum Texàs ìns US-Represantàntahüüs gwählt worra. Ìm Hüüs z’ Washington, D.C. hàt’r àb’m 4. März 1879 àls Noohfolger vum De Witt Clinton Giddings gsassa. Ar ìsch amol wììdergwählt worra un hàt bis àm 3. März 1883 ìm Kongrass känna bliiwa. Ànna 1872 hàt’r sìch nìt fìr a Wììderwàhl uffgschtällt.
Noh-n-em And vu siinera Àmtszitt ìm US-Represantàntahüüs hàt dr George Jones wììder àls Ànwàlt gschàfft. Ànna 1882 un 1884 hàt’r sìch àn dr Gouverneur-Wàhl uffgschtällt, ìsch àwwer jeedsmol vum John Ireland gschlààga worra.
Dr George Washington Jones ìsch àm 11. Jüüli 1903 z’ Bastrop gschtoorwa. Ar ìsch doo ìm Fairview-Frììdhoof beardigt worra.
Ìm George Washington Jones sii Hüüs z’ Bastrop ìsch a gschìtzt Nàzionààl Hischtoorisch Dankmol.[1]
Lìteràtüür
[ändere | Quälltäxt bearbeite]- Thomas W. Cutrer: Jones, George Washington (ca. 1828–1903). In: Handbook of Texas. Texas State Historical Association (amerikanisches Englisch, tshaonline.org [abgerufen am 8. Februar 2023]).
- George Washington Jones. In: Ben R. Guttery (Hrsg.): Representing Texas. CreateSpace Independent Publishing Platform, 2007, ISBN 978-1-4196-7884-4, S. 90–91 (amerikanisches Englisch, google.fr [abgerufen am 8. Februar 2023]).
Weblìnks
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
- George Washington Jones im Biographical Directory of the United States Congress
- dr George Washington Jones bii dr Legislative Reference Library vum Texàs (anglisch)
- George Washington Jones (Politiker, 1828) in dr Datebank vu Find a Grave
Ainzelnoohwiisa
[ändere | Quälltäxt bearbeite]- ↑ Texas MPS Jones, George Washington, House. In: National Archives Catalog. U.S. National Archives and Records Administration, abgruefen am 8. Februar 2023 (amerikanischs Änglisch).
![]() |
Dä Artikel basiert uff ere fräie Übersetzig vu dere Version vum Artikel „George_Washington_Jones_(Politiker,_1828)“ vu de hochdütsche Wikipedia. E Liste vu de Autore un Versione isch do z finde. |