Békés
Békés | |
![]() |
![]() |
Komitatssitz | Békéscsaba |
Flächi | 5631,05 km² (7. Platz) |
Ywohnerzahl | 376'657 Ywohner (2008, 11. Platz) |
Bevölkerigsdichti | 66,8 Ywohner pro km² |
Dialekt | Theiß-Dialekt (Tiszai nyelvjárás) |
ISO-3166-2-Abchürzig | HU-BE |
S Komitat Békés (ung. Békés megye, IPA: ['be:ke:ʃ,mɛɟɛ], ungarndütsche Name: Bekesch) isch eins vo de 19 Komitat vo Ungarn. S litt im Südoste; de Komitatssitz heißt Békéscsaba.
Geografischi Lag
[ändere | Quälltäxt bearbeite]Békés litt in de Große Ungarische Diefebeni uff zimlig flachem Bode. De höchst Punkt ligt z Battonya im Süde vom Komitat uff 106, de diefst zwüsche Szarvas und Békésszentandrás uff 81 Meter.[1]
Im Weste gränzt s Komitat Csongrád a, im Nordweste Jász-Nagykun-Szolnok und im Norde Hajdú-Bihar. Internationali Gränze git s numme zu Rumänie im Oste bis Süde.
Gschicht
[ändere | Quälltäxt bearbeite]Di erschti Besydlig, wo belegt werre cha, isch etwa im 5. bis 4. Johrdausend vor Christus gsi. Mer bezeichnet sälli Sydler als Körös. Nochdem d Ungare um 900 dört acho sin, hän si di vorgfundene Sydlige usbaut, deno sin si aber durch de Yfall vo de osmanische Türke vernichtet worre. Erscht im 18. Johrhundert sin Züewanderer uss verschydene Länder uff Békés cho.[2]
Bevölcherig
[ändere | Quälltäxt bearbeite]Z Békés git's Ywohner mit zimlig vyl verschydene Nationalitäte. Numme 6,2 Brozänt vo de Ywohner sin im Johr 2001 Yheimischi gsi. Slowakischi Immigrante konzendriere sich z Békéscsaba, z Szarvas und z Tótkomlós, rumänischi z Méhkerék und z Kétegyháza und serbischi z Battonya. D'Roma läbe im ganze Komitat verstreut. Friehner hän au Dütschi (Donauschwobe) e nänneswärte Adeil vo de Bevölcherig usgmacht (z. B. z Elek), si sin aber noch em Zweite Wältchrieg verdrybe worre.
Ab de 1940er-Johr hät d'Bevölcherig kontinuierlig abgnoh; im Johr 1941 hät Békés numme no ungfähr 477'000 Ywohner gha. Säll isch d'Folg vo de Industrialisierig gsi; d'Lüt sin in urbaneri Gebiet wie zum Bispyl Budapest abgwandert, wyl si im erschte Wirtschaftssektor durch Maschine ersetzt worre sin und's im zweite und dritte Sektor nit gnüeg Arbetsblätz gha hät.[3]
Tourismus und Sehenswürdigkeite
[ändere | Quälltäxt bearbeite]Gröschti Touristestädt vo Békés sin Gyula, Szarvas, Orosháza, Mezőhegyes und d Hauptstadt Békéscsaba. Z Békéscsaba isch de Mihály Munkácsy uff d Wält cho; mer cha drum 21 Gmälde vo ihm besichtige. Z Gyula git s e bekannts Thermalbad und usserdem e Burg uss Zygel. Kulinarischi Beriehmtheite sin d Würscht vo Csaba und Gyula sowie d Gänsläber vo Orosháza.[4]
Ungarndütschi Ortsnämme
[ändere | Quälltäxt bearbeite]Ungarndütschi Ortsnämme im Komitat Békés
- Almáskamarás - Almasch
- Elek - Elek
- Gyula - Jula
- Mezőberény - Berin
Weblink
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
Quelle
[ändere | Quälltäxt bearbeite]- ↑ [1] (ungarisch)
- ↑ www.zielungarn.de. Archiviert vom Original am 30. Juli 2010; abgruefen am 6. Dezember 2018.
- ↑ freii Übersetzig vom Kapitel Népesség vo de Ungarische Wikipedia
- ↑ [2]. Archiviert vom Original am 30. Juli 2010; abgruefen am 6. Dezember 2018.