S Schiff Adventure, wo mit em James Cook d Südsee erforscht het

**Resolution**
	D Resolution und d Adventure in dr Matavai Bucht D Resolution und d Adventure in dr Matavai Bucht
Schiffsdaate
Fahne	Großbritannie
anderi Schiffsnääme	Marquis of Rockingham; Rayleigh;
Schiffstyp	Forschigsschiff
Stapellauf	1771
Was mit em bassiert isch	1811 im Sankt-Lorenz-Strom gsunke
Määss und Bsatzig
Lengi	39,7 m (Lüa)
Bräiti	8.7 m
Diefgang	max. 4 m
Besatzig	81 Maa
Takelig und Rigg
Takelig	Bark

D HMS Adventure isch e Bark vo dr Royal Navy gsi und äins vo de bäide Schiff, wo dr James Cook mit ene si zwäiti Expedizion (1772–1775) in d Südsee gmacht het. Si isch vom Tobias Furneaux kommandiert worde und isch s erste Schiff gsi, wo vo Weste gege Oste rings um d Wält gfaare isch.

D Adventure' isch 39,7 m lang gsi und isch 1771 z Whitby as Marquis of Rockingham in Dienst gstellt worde. Churz druf het d Navy si kauft und iire zerst dr Naame Rayleigh und denn Adventure gee.

D Resolution und d Adventure si us Plymouth am 13. Juli 1772 abgfaare und häi am 17. Januar 1773 dr südlig Wändikräis überkweert. Am 8. Februar 1773 häi sich d Schiff im ene Nääbel drennt. Dr Tobias Furneaux isch zum Dräffpunkt im Queen Charlotte Sound wo abgmacht gsi isch gfaare und het underwägs d Küste vo Tasmanie erforscht. D Adventure isch am 7. Mai 1773 am Dräffpunkt aachoo, d Resolution zää Dääg spööter.

Wo si dr Pazifik erforscht häi häi d Schiff am 22. Oktober wider dr Kontakt zuenander verloore. Au am Dräffpunkt häi si sich nid droffe und dr Furneaux het entschlosse Häim z faare. D Räis isch am 14. Juli 1774 fertig gsi.^[1] ^[2] ^[3]

Im Joor 1780 isch d Adventure as Lüüchtfüürschiff iigsetzt worde, 1783 het sä d Navy an iire alte Bsitzer z Whitby verchauft und si isch wider as Frachtschiff iigsetzt worde. 1811 het si im Sankt-Lorenz-Strom Schiffbruch erlitte.

Fuessnoote

↑ Lincoln Paxton Paine: Ships of the World: An Historical Encyclopedia, Houghton Mifflin, 1997 (online)
↑ Doug Gibson: The Adventure, in Cook's Log 3/3, 1978 (online)
↑ George Clarke: Notes on Early Life in New Zealand. 1903 (online (Site cha nüme abgrüeft wärde; Suche im Webarchiv)[1] [2] Vorlage:Toter Link/www.nzetc.org)

Dä Artikel basiert uff ere fräie Übersetzig vum Artikel „HMS_Adventure_(1771)“ vu de dütsche Wikipedia. E Liste vu de Autore un Versione isch do z finde.

[1] Lincoln Paxton Paine: Ships of the World: An Historical Encyclopedia, Houghton Mifflin, 1997 (online)

[2] Doug Gibson: The Adventure, in Cook's Log 3/3, 1978 (online)

[3] George Clarke: Notes on Early Life in New Zealand. 1903 (online (Site cha nüme abgrüeft wärde; Suche im Webarchiv)[1] [2] Vorlage:Toter Link/www.nzetc.org)

[1]

[2]

[3]